المسعودي والعصيمي !!!
 

المسعودي
واحدًا جابوه ودّوه مدري كيف قال *** من هو اللي دفّ مستور وندفّه وراه
أخوياه ايدوّرونه وهو رايح لحال **** ما خبرت اللي يبا يروح ويكبّ أخوياه

مستور
ما خبرنا اللي يضيّق سريع الانفعال *** من يقول العلم جاني منين العلم جاه
واشكل الاقوال يا ذيب ماهي راس مال***من ظما لو يشرب البحر ما يروي ظماه

المسعودي
الخبر والعلم تحت العمامه والعقال *** والعقال مع العمامه على راسك هذاه
من زعل قلة سعة يشتري له وسع بال *** قبل يقعد له زمانه على راس الحصاه

مستور
ما على راسي يقع ما على روس الرجال***والعميل الوافي الناس ما تنقص وفاه
الزعل طيّب ومكروه في بعض الحوال *** والامانة ما تضيع على طول الحياة

المسعودي
أنت فيك طبيّعة من جدودك والخوال *** لا غريبة تعجب الناس من قدر وغطاه
إن عطتك كتوفها ما تربّطك الحبال *** وإن توجّه لك نحرها تلحفت العباه

مستور
وإن بدالك عوجة العوج في رقاب الجمال***مير من عارض بماعونه السيل امتلاه
من تملت له غروبه تضارس به محال *** كل ما أوحى له منادي ينادي قال هاه

المسعودي
ما معي ماعون والوادي الممطور سال *** وانت كيف يسيل واديك وخيالك صحاه
والحبوب الصم لو قيمة الحبة ريال *** ما بلعــــــــها غير من تطحن الحبّة رحاه

مستور
لو زهمت أبكم يجاوب على هذا السوال *** كيف عاقل يلتبس ثوب ما فصل علاه
لن وصلك العلم عندك محايل واحتيال *** حيلة الحصني ليا شاف سبع الليل جاه

الشاعر العظيم المسعودي يعبتر من الشعراء الذين لا تعوضهم ساحات المحاوره ما بقت المحاورات.



شاعر يصعب ان يكون هناك من هو في مثل حنكته و قوة حضوره و جمال قوله.


شاعر يأتي الشاعر المقابل بعشرين باب و يخرج مع باب واحد.


و في هذه المحاوره ابدع الى ابعد الحدود .



فرحمه الله تعالى واسكنه فسيح جناته.


تحياتي لك اخي عائش السفياني و شكراً على مجهوداتك في هذا المنتدى الخاص بالمسعودي و الذي اعتبر انا من جمهوره حتى وهو ميت في قبره.



اخوك

شفق السريع

محاورة رائعه جداً لـ شعراء من افضل شعراء المحاوره ..

الف شكر لـ السفياني ..