حــصــااار الدروووب
اخواني واخواتي اعضاء هذا الصرح الشامخ بكم
يسعدني ان اشارك معكم بهذه البسيطه امل ان تجد منكم القبول ولكم ودي حصار الدروب !!! [poem=font="Simplified Arabic,6,white,normal,normal" bkcolor="black" bkimage="" border="ridge,8,orangered" type=2 line=0 align=center use=ex num="0,black"] عشرٍ وعشر وعشر واحلامي ونزوات الشباب=وحلو الاماني والطفوله وانشراحـي وسعـدي وشدادي وخرجي وفنجالي ومنقوش النصـاب=تغتالهـا ايامـي وتسلبهـا نهابـه مـن يـدي وابقى وحيدٍ بالعراء اشرب زيف لمعات السراب=كلي عشم في حظ ينصفني من الحـظ الـردي يروى جبيني شمس والاقدام يكويهـا التـراب=وتسطي على جسمي مخاليب السموم وتعتـدي وترعى بي الحيره وينهش نابها الفكر المصاب=وديمومة الهم الكثيفـه بيـن عينـي والجـدي حاولت اكابر واتعزز وانكسـر ظنـي وخـاب=واحترت في دنياي مدري كيف اعـود وابتـدي كل الدروب محاصره بالشوك واصوات الذياب=ودسايس المجهول واشباح الظـلام السرمـدي يكفي الم ياسيدي لا ما احتمـل يكفـي عتـاب=تكفي جروحن غائره مابين روحـي واجسـدي اشبع عذاب اروى عذاب وهم واتنفس عـذاب=وان ضاقت الدنيا عليّ اركع لربـي واسجـدي هاذي حياتي كل ما اقفل باب فـك الهـم بـاب=في كل ليل مع الهموم السود اجـدد موعـدي حبر القلم خط الشقـا ومقدمـة راسـي كتـاب=وخط النهايـه يـوم دفنـي والبدايـه مولـدي[/poem] |
حاولت اكابر واتعزز وانكسـر ظنـي وخـاب
واحترت في دنياي مدري كيف اعـود وابتـدي كل الدروب محاصره بالشوك واصوات الذياب ودسايس المجهول واشباح الظـلام السرمـدي . . صح لسانك يابو زياد كلام لايعلوه كلام .. . . سلطان . |
اقتباس:
بيض الله وجهك يبو زياااد ولاهنت درررة شعررررية اطربتني كثيراااا واستووقفتني طويلاااا صح لسااانك مدد بلا عدد ولاهنت اخوك |
الله الله الله
يابو زياد حاولت اكابر واتعزز وانكسـر ظنـي وخـاب واحترت في دنياي مدري كيف اعود وابتـدي كل الدروب محاصره بالشوك واصوات الذياب ودسايس المجهول واشباح الظـلام السرمـدي ياسلام .....ياسلام .....ياسلام صح لسانك الف الف الف ... وتحياتي لك اخوك |
اشبع عذاب اروى عذاب وهم واتنفـس عـذاب
وان ضاقت الدنيا عليّ اركع لربـي واسجـدي هاذي حياتي كل ما اقفل باب فـك الهـم بـاب في كل ليل مع الهموم السـود اجـدد موعـدي حبر القلم خط الشقـا ومقدمـة راسـي كتـاب وخط النهايـه يـوم دفنـي والبدايـه مولـدي ابو زياد هلا وغلا ابو زياد اقسم بجلال الله ان جلدي اقشعر من البيوت الأخيره لما فيها من حزن صح لسانك ملايييييييييييين يابو زياد وجعل الله يوفقك وين ماحليت |
ضاوي صح السانك مليون
متابعتك امر يريحني |
اخوي ضاوي شهادتي فيك مجروحه
الله يعطيك العافيه وصح السانك |
نعم نعم نعم
مايصح الا الصحيح هنا الابداع والجزاله يالعصيمي مايبيلك شهاده صح لسانك صح لسانك تحياتي يالقرم |
ضاوي العصيمي
جزله ومحبوكه ورائعه صح السانكـ أخـــــوكـ... |
هاذي حياتي كل ما اقفل باب فـك الهـم بـاب
في كل ليل مع الهموم السـود اجـدد موعـدي ماجور ومعان يا بوزياد وشاعر غني عن الاطراء سلمت وصح لسانك ، |
ياسلام يا ابو زياد
شاعر متميّز .. والكلام يقصر دونك صح السانك مليوووون ولا عدمناك |
عشرٍ وعشر وعشر واحلامي ونزوات الشبـاب
وحلو الاماني والطفولـه وانشراحـي وسعـدي ضاوي العصيمي فعلا لشعرك بصمه خاصه ولون مختلف مكانتك في قلوب الناس لم تأتي عبثا بل لمايرونه فيك من جودة قصيد وروعة ابداع صح لساااااانك ياشاعارنا الكبير تحياتي لك |
سلطان بن حمود
حضورك يعني لي الكثير واشادتك وسام لي لاعدمتك |
اقتباس:
اقتباس:
مدرسه يالعصيمي وصح لسانك هرم شعري ولاهنت |
ضاوي
صح قلبك وأنا من متاااابعينك من مبطي لاخليت من الابدااااااع وراعيه إقبل تحيتي من ربوع العروس ابن مشوط،،، |
الغالي فهد فالح
هلابك مرورك اسعدني واشادتك وسام غالي لاعدمتك |
محمد السواط
هلا وغلا حضورك يعني لي الكثير واشادتك اعتز بها لاعدمتك |
محمد المورقي
هلا وغلا حضورك اسعدني واشادتك وسام لي لاعدمتك |
سعد الجميعي
هلا وغلا حضورك واشادتك اعتز بها لاعدمتك |
حبر القلم خط الشقـا ومقدمـة راسـي كتـاب
وخط النهايـه يـوم دفنـي والبدايـه مولـدي ضاوي العصيمي صح لسانك قصيده رائعه من مبدع مع العلم ان الموت ليس النهايه بل بدايه كذلك لحياة أخرى نسأل الله القبول00 سلمت ودمت000 |
هلا وغلى
ياعبدالله السميري مرورك من هنا يسعدني واشادتك اعتز بها |
الله الله الله الله يابوزياد
شاعر أطرب له .. وخصوصاً ماسمعته في ديوانك الصوتي للّه درّك وكفى |
| جميع الأوقات بتوقيت GMT +3. الساعة الآن 02:44 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية