( رحيّم + كلاش ) × ( مبارك + سلطـان ) بإختصار
 

السلام عليكم ،

رباعيه مميزه .. أختصرتها لعل الاختصار يشفع لي عدم حضوري
صحت السنة شعرائنا الاربعه :-


رحيّم :

يامرحبا بـمبارك و سلطان و الجمع الغفير
بإسمي و بإسم كلاش و عيال القبيله كلّهـا

كلاش :

بسم الله الرحمن مبدانا على خيره وخير
وعناد له عقده مع الشعار ما حدٍ حلهـا

.
.


مبارك :

دام البقا بك واللقا توّه بدا والليل غير
وجّه يا بو راشد وانا كل الدروب ادلها

سلطـان :

سوق البدو معروف ياف السمن ولاّفي المضير
وانا مااحب اخوان بدوى وانـت روح وقلّهـا

.
.

رحيّم :

انته جمل و انا نويت آحمّلك حمل البعير
مير ارخ متنك للحمول الكايدات و شلّها

كلاش :

والله لو انك فلسطيني وتدري وش يصير
لتموت دون الدوله اللي بن يمين احتلها

.
.

مبارك :

يا رحيّم الله يصلحك ماني عن الدنيا غتير
الاوله راحت لكـن المقبـلات افطن لها

سلطـان :

والله لوانك خليجي كان سنّعت الوزير
اللي يبهّر دلته باسم العرب ويزلهـا

.
.

رحيّم :

علقّت بشتك ياطويل العمر مع بشت الامير
مالك و مال الشجـره اللي ما يظلّل ظلّها

كلاش :

اهبوا يالرعيان ما يرضيكم الا دهن سير
حتى على مسراحها تسرح وتضوي بلها

.
.

مبارك :

بشتي ولي حريّتي في حق تقرير المصير
افلح وقل لكلاش يفلح واللكاعـه خلها

سلطـان :

حاول تحط ايديك من بدري على الضلع القصير
لعلهـا تدفعـك يــم المرجـلـه لعلـهـا

.
.

رحيّم :

ترى الفرزدق ما يلدّ العين في حضرت جرير
حتّى ايش لو حدّ السيوف المرهفات و سلّها

كلاش :

مادمت بالجسم الصغير تعيش بالعقل الصغير
لا مانع انك تربط شماغـك شقـا وتفلهـا

.
.

مبارك :

ما دمت داري فاقبض ارضك يا رحيّم لا تطير
ترى السلامه مغنم وباقـي فروضـك صلها

سلطـان :

انته من الليله بدون قصور خليفة بشير
المقفيـه طبّلهـا والمقبلـه طبلّـهـا

.

:)
لا هنت يا سداح ..




والشعراء ..مبدعين لا هانوا ..



وانا بالمثل .. وليت الاخوان يعذروني . لعدم حضوري .. لاشغال الدنيا كفا الله شرها ..




تحيتي للجميــع ..
:)

شكرا يا سداح لـ عمل هذا الاختصار


فعلا رباعيّـة تستحق ان تسجل وتحفظ



وانا مع سداح وبن هليل اتمنى من الاخوان المعذرة


تحياتي وتقديري

لاهنت


ياسداح



ومحاوره طيبه وممتعه



لاهنت ولاهانو الشعار،،،

لاهنت يادكتور :)



وعزالله انها محاوره من الوزن الثقيل بشعرائهاا المبدعين :)


ولازم تثبت


ودمت بالف خير ياسداح


اخوك

لاهنت ياسدااح

وصح السنه شعرئنا الاربعه


معدي

بيض الله وجهك ياسداح

وماقصرت

أخوك

علومك كلها غانمه يا سداح

لاهنت على هذا التنسيق الرائع
ولو انه ما يبرر الغياب .. لكن المشكى على الله :)


لا عدمناك

لاهنت ياسدح على هالخلاصه


وصحت ألسنة الشعراء الله يعطيك ويعطيهم العافيه

تحيتي

مشكور ياسداح على الاختصار رباعيه رائعه من رائعين والظروف كانت اقوى مني
ولا ودنا نحظرها العذر من الجميع
وخصوصا من الشعارين في المحاوره رحيم وكلاش
والعذر من سلطان ومبارك ايضا

لا هنت يا ســداح !!

والله يعطيهم العااافيه

مشكور ياسداح على التنسيق

والحقيقه انها محاورة اعلام واهرام شعريه وسحريه

وياليت اني كنت معكم واتابع عن كثب ماداره هنيا

مير حييييييييييييل الله اقوى

لي اسبوع كل ما ادخل اسمي ورقمي السري يطلع لي ايقونه تقول ادخل اسمك

مدري البلا في المنتدى و الا الجهاز والا الاتصالات

مير اخيرا وصلنا لكم

وتبعنا مادار بين الشعراء الافاضل


اخوكم


سهيرالليل

محاوره خفيفه وجميله .. لاهنت يادكتور

الله الله


ربااااعيه قمه


لاهنت لاهنت دكتور:)

اهبوا يالرعيان ما يرضيكم الا دهن سير
حتى على مسراحها تسرح وتضوي بلها

الله الله الله الله الله الله الله الله الله الله الله الله الله الله الله

حاول تحط ايديك من بدري على الضلع القصير
لعلهـا تدفعـك يــم المرجـلـه لعلـهـا


ياسلام ياسلام رباعية محترمة وشعراء لهم حضور وتوهج ..

شكراً ياسداح على الإختصار ولاهنت ..

تقديري الجمّ ..

ياسلالالام ياسلالالام


صح السنتكم ياشعار


عمالقه عمالقه



ولاهنت ياسداح




لك كل الشكر

جهد رائع ..

لاهنت ياسداح ..

ولاهانوا الرائعين (كلاش ..سلطان ..رحيم ..مبارك ..)

محبتي ..

أبوشاهر