عزالله اني قبل اعرف الشلّه ..؟
 

السلام عليكم ورحمة الله ...

زعلت مرة على الشلة حقوني .... وجت هالخثرامية ... للترفيه ليس إلا.



[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عزالله اني قبل اعرف الشلّة = امشي على درب السنع وادلّه
امشي وحالي بالرضا مستوره = ماشفت من جاير زماني خلّه
راضي بمقسوم الكريم الواحد = اللي عباده في ذراه وضلّه
غير القناعة كل كنزٍ فاني = وانا القناعة راس مالي كلّه
حتى عرفت الشلّه المنكوبه = الشلّة المنتهيه المنحلّه
الشلة اللي ما تسرّ الصاحب = حالتهم اردى من عبيد الحلّه
مافيهم اللي تحتسيه لماقف = محدٍ يبا ينفعك منهم لله
غير المنافع شرّهم ياصل لك = حتى سوالفهم تجيب العلّه
واصبحت من سبتهم امشي حافي = عقب الرخا والمرجله والفلّه
طفران والطفران دايم مفلس = مافيه امل يعرس ويبني فلّه
الله يخارجني من الماصوره* = اللي دخلت ابها من أول زلّه[/POEM]


* الماصورة = مصطلح خاص بالشلّة ويعني ( الورطة ).


للأمانة / المعلومات اللي في القصيدة عن الشلّة كلها مضروبه :a16: . بس الزعل شوفو وش يسوي.

الشلة اللي ما تسـرّ الصاحـب
حالتهم اردى من عبيـد الحلّـه

هههههههههههههههههههه

عساهم أرضوك بس ..:)

قصيده فكاهيه من الدرجه الأولى ياابن هريس وخوش زعله ..:)

صح السانك ولاهنت ,,

أفااااااااااااا


وانت وش حادك علاهم


أبشر بعزك


تعيش معنا لين تموت بعد عمراً طويل ماشفت اللي يكدر خاطرك



واما القصيده صح السانك يالقرم


>>>>>> زعلان عشانك



تحيتي لك وأنا زعلان على شلّتك

الشلة اللي ما تسـرّ الصاحـب
حالتهم اردى من عبيـد الحلّـه


ذكرتني بفوالة الطاية !!

زمان يا حلة الاحرار !!!!!!!!!!

:)

صح لسانك والله يخارجك بخير

:)


ماعينوا خير والمعلومات مضروبه بعد


الله يحييك يا صالح وصح لسانك ،

ههههههههههههههههه

الله يكفينا شرّ زعلك ياصالح ..

مبدع اينما كنت .. :)

رحيّم

الا صح لسااانك ياصالح


ولا لشله الا كذااا :)


تحيتي لك

ابن هريس


ابدعت

صح لسانك


تحيتي

كانك لازعلت

بتجيب مثل هذي

نبيك كل يوم زعلان


يعني صافط لك خير < < < استريح

على العموم صح لسانك ياصالح

شاعر هنا وهناك


تحياتي لك

فهد بن عصيدان

هذا وانا مانيب زعول يافهد .. لو اني زعول .. كان كل يوم موضوعين في الشلة نفسها ....

صح بدنك .. ولاهنت .

مرورك دائما يسرني يا فهد ...


تحياتي لك

محمد بن مشوط ...

كفو ... وانت راس مال جعلك تسلم .... ومعرفتك ومعرفة الرجال شرواك عز .

صح الله بدنك .. ولاهنت

يسعدني جداً اهتمامك بي وانا اخوك .......... وهذا شي مهوب غريب... حنا اخوان وعزوة.

تحياتي وتقديري

هذا زعل ابو يومين لو يزعلونك على طول وتهاوش معهم وش بتسوي :)


مير تدري ودي انها تخرب العلاقه بينكم عشان تكتب مثل هذي :):)


صالح ابدعت وقاف ممتع

صح لسانك ولاهنت

حتى عرفت الشلّـه المنكوبـه
الشلّـة المنتهـيـه المنحـلّـه
الشلة اللي ما تسـرّ الصاحـب
حالتهم اردى من عبيـد الحلّـه
مافيهم اللي تحتسيـه لماقـف
محـدٍ يبـا ينفعـك منـهـم لله


الله يرحم الحال .. يا صالح !!

صح لسااانك .. ودام نزفك ..

تقبل تقديري .. واعجااابي

اسم الله الرحمـن ..

أبك تسيف ماصوره ؟؟؟

لو قلت بيب عرفناها ;)


تبا العلم ،


بدعت وأبدعت رضيت وألاّ زعلت !



سجّل إعجابي ولاعلاك أمرْ



سلام’ عليكم

صالح ابن هريس
صد قني ان الشله ماعاد يزعلونك بعد هاذي
حتى معلوماتهم طلعتها يارجال
صح لسانك والله يعطيك العافيه
تقبل ودي وتقديري

مشعان البراق
صح بدنك يالغالي

مرورك دائماً يسعدني يا مشعان

لاهنت

غير القناعة كـل كنـزٍ فانـي
وانا القناعة راس مالـي كلّـه


اي والله صدقت ياصالح قصيده جميله وشاعر رائع تقبل الاعجاب

وتحياتي لك

خفيفه رشيقه ممتعه :)


صح السانك يا بن هريس




تحياتي / حامد

سداح

مرورك حلو يالدكتور ... وانت حلو

صح بدنك ولاهنت

بدر العجمي

الله يحييك ... ومرورك يسرني بالحيل لا عدمتك

الله لا يهينك على تواجدك

تحياتي