لي صاحبٍ مملوح مع نزل مسروح ،، لأبن زويبن
 

السلام عليكم ورحمة الله

هذه قصيدة للشاعر الكبير عبد الله بن زويبن الحربي أهديها لكم :

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]جعل السحاب اللي بروقه لها ضوح = يرخي هماليل الغشين القراحي
على قرى ساحوق من فوق وطلوح = و ريكات وذريرة وهاك المشاحي
لو كان مالي في مراعيه مصلوح = لا نيب لاموده ولا ني متاحي
متريحٍ من بين جدران وسطوح = مبطي من الثنتين خالٍ مراحي
لي صاحبٍ مملوح مع نزل مسروح = يلعب بقلبي لعبة مضيم ضاحي
وجدي عليها وجد من جاه سامحوح = بنحور قومٍ يشهرون السلاحي
عنده ثلاث أذواد ماهن بشرشوح = خلفاتهن تسعين غير اللقاحي
إلى صعق جنه عرازيل وطفوح = تركي على راس الغزال اللواحي !!!
وجاهن عقيدٍ زاحهن كلهن زوح = وربعه وراه يجمعون الطياحي
و تخالفوا عند الطفوح أم طلطوح = أم الخراطيم الطّوال الشناحي
و أن صد قام الغيض يسقيه ذرنوح = وإليا بغى يفتكها ، من يناحي ؟
وجاهم بدون شعور مع راس جردوح = و رموه عطبين المرامي وطاحي
كد كنت عن روس المراقيب منصوح = نصيحةٍ ما كللت بالنجاحي
قام الحمام ينوح في قمة الدوح = غنى وأنا نايم وفزيت صاحي
أخذت لي غطه وصحاني النوح = وقعدت ألاحي لين لاح الصباحي
و عديت من روس المراقيب لحلوح = لحلوح من روس المراقيب فاحي
مدملجٍ ممسوح جنبه تقل لوح = مثل الزجاج تموج عنه الرياحي
عديت به سالم وحولت مجروح = وأنا أحسب أنه سلوتي و انشراحي
حولت في جرحين مغلق ومفتوح = وطعون شلفٍ من جميع النواحي
وشميت لي ريحٍ خطيرٍ على الروح = ريحان والريحان سمٍ ذحاحي
لاكان كانني تشافيت مسموح = وإن مت جعلك من ذنوبي مباحي
إلا أن حبك تقضية وقت ومزوح = قلها على المكشوف وأطلق سراحي
ما يشبع الجيعان من ريحة الفوح = ولا يزي الضميان شوف الضحاحي
لا زم تبين لي عن الحب منضوح = ما بالخفى خير البياح البياحي
أما أنتظر وإلا أنسحب عنك وأروح = وأنته تروح وجعل دربك سماحي
و راسك من الشرهات بالسمن ممسوح = واللي طونّه بيض الأيام راحي[/POEM]

......لله دره من شاعر متمكن وبيض الله وجهك يامحمد البيضاني على انتقاك للقصايد الجزله

محمد البيضاني

واختيار دائما موفق

شكرا اخي محمّد

شاعر علم
اصبح من اشهر الشعراء واكثرهم شعبيه .. بفضل الله اولا ثم بجزالته وتميّزه
وشعره الرااائع

لاهنت يا محمد .. ولك كل التقدير

يا سلالام عليك يا البيضاني
ما تجيب الا كل مميز ورائع
:
:
لا هنت على مانقلته لنا من جزل القصيد
ننتظر القادم كل التقدير اخيك
:
:
:
العجمــ بــــدر ــي...@@

شاعرنا الكبير موسم القثامي

ووجهك ابيض يالغالي

شكرا لك وتقبل امتناني