ناصر النفيعي المتهم الأول
ابوبدر
اقرب لاهنت فيه كنز مسروق وانت المتهم الأول وكما تعرف في نظامنا المتهم مدان حتى تثبت براءته. استلم لاعدمتك ياالنفيعي جاك علمي والمعاني شارة ____________________ بعد ما جبنا الجواهر والدرر فالسوقي طب فالحارة حرامي واختفت سيارة ___________________ وانته اللي متهم في كنزنا المسروقي |
ابو مقبل..........
ازهل الصف.... انا اشهد... اختفت سياره.... وينك يبو بدر... |
مرحبا يامعيض لاعدمتك
ناصر تلقاه متجودٍ في دركسون السيارة هالحين يدور لها مكان يجودها فيه. وبيجي اشوي وبيقول مير ما ادل حارتكم اللي سرقت منها وهو كل يوم يترزز فيها .;) |
ابو مقبل الله يسعد ايامك ولياليك
اقول ترا فيه عندنا واحد قصاص اثر يمكن ناصر يعرفه ان لازم لا مر ارسلناه يقص اثر المتهم هههههههههههههههههههه وينك ياناصر النفيعي اكيد هذه المحاوره رايح نستفيد منها جميعا لكم جميعا تحياتي |
فارس العصيمي
يا سلاااااااااااااااااااااام ياليت تحقق فالموضوع وحنا متابعين .. ودنا نشوف الكنز وين راااح يالله يابو بدر وين اقوالك ياالنفيعي جاك علمي والمعاني شارة ____________________ بعد ما جبنا الجواهر والدرر فالسوقي طب فالحارة حرامي واختفت سيارة ___________________ وانته اللي متهم في كنزنا المسروقي |
فارس العصيمي
ابشر باللي يعز صفك يا ابو مقبل جيتك بصف السوطه من الطائف. الله الله في السياره رجعوها تكفى يا ابو مقبل تحياتي لك |
فارس العصيمي
طب فالحارة حرامي واختفت سيارة ________________ وانته اللي متهم في كنزنا المسروقي صح لسانك واصل وينك ياناصر الليل الليل الصفوف الصفوف سرىىىىى سرىىىى |
ياهلا يافارس اسف على التاخير 000 واستلم
النفيعي يالعصيمي حافظ ن مقداره ====== ماجحدت حقوق ناس ولا تركت حقوقي الحرامي ياعتيبه عارفه ما غاره ===== ماسرق كنز العصيمي غير اخوه الروقي |
لاهنت ياناصر
الليل الليل وينك يابو مقبل النفيعي وصل الصفوف الصفوف سرىىى سرىىى |
الحمدلله على السلامة ياأبوبدر
من جاء ما أبطى أستلم لاهنت أنت حاميها حرا ميها وشيخ الحارة ___________________ نقفل الصندوق وأنته تكسر الصندوقي كل يوم ٍ فوق جيرانك تشن الغارة ______________ كيف دسيت بعسلهم سمك المسحوقي مرزوق الروقي ناصر تراحيب شفق السريع محمد الكرشمي ألف شكر لمروركم الكريم جميعاً لاعدمناكم |
ارحبو ارحبو
لله دركم بس منهو الروقي المتهم ياناصر يبيلها ...... ولو اعلام في المحاوره لاعدمناكم معكم حتى ينتهى التحقيق اسلمو اسلمو |
القدر مافيه حاجة لا تطالع ناره
====== لا ترجى يالعصيمي كبسة ومرقوقي روح دورها مع اللي لابس ن نظاره ====== يالعصيمي والعرب يدرون بالمطفوقي |
معيض يعني اني يعني
لاهنت على المتابعة |
مرزوق
دائما وافي شكرا يالغالي |
ناصر
لاااقوال عندي بعد نتيجة التحقيق شكرا الغالي |
شفق
تسلم على المتابعة لاهنت |
محمد الكرشمي
فالاوله والثانية ياهلا ابوحميد وافي لاعدمتك |
أستلم ياناصر لاعدمتك
المثل يقول عرف الطيبين تجارة ++++++++++++++++++ ومن يجنب عن مثلنا شاربه محلوقي والعليمي فالقيادة لايفر الطارة ++++++++++++++++++ يلزم القايد مع الأخلاق فن و ذوقي أخوي / السبع ألف مرحبا مرورك شرف لاعدمتك |
النذل يافارس انجس من ذنيب الفاره
====== صل فرضك واعبد الخلاق يالمخلوقي تقطع اشارة وتصدم عمد في عباره ====== يعني بالقوه تباء تحط القسيمة فوقي |
أستلم ياناصر لاهنتا
أرفع النيشان والرامي يحفظ عياره ++++++++++++++++++ طقها فالراس وأحذر تلمس السمحوقي وكان يا عاقل بني مرة نويت البارة ++++++++++++++++ شرعنا يقطع يمين اللي يحب البوقي |
الذهب ياصاحبي فارس تعرف اسعاره
=========== ياعسى يمنى العصيمي مايجيها العوقي صفر العسة نصيف الليل بالصفاره ========= وطق عرق وصاح من خوف الملك فاروقي |
أستلم يا ناصر
الذهب منه الجنيه و فيه عقد سوارة ++++++++++++++ وفيه عقد ألماس وأيضا فيه تاج وطوقي يوم شلته فالحثول وطارت الطيارة ++++++++++++++ عندنا شاهد وأثارك قصها مرزوقي |
| جميع الأوقات بتوقيت GMT +3. الساعة الآن 06:10 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية