صرخات من الاقصى :( صرخة هدى : والتخاذل العربي )
[align=center]الســلام عليــكم احبتي : جرحنا الذي لم يندمل ... فلسطين .. http://www.losaan.com/upp/uploads/394d551767.jpg والان لبنان ... وغدا لا نعلم .. http://www.up555.com/up/up555_com716041158.jpg الكل سمع ورأى ما حدث باالامس القريب للطلفه ( هدى ) .. وصرخاتها التي شقت عنان السماء ولم يتحرك احد .. لا اطيل عليكم : http://www.5alid.com/najm/tsrhod.jpg صرخة هدى [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] البارحه مـا لجلـج النـوم فالعيـن= من علم شفته فـي قنـاة الجزيـره صرخة هدى هزت عروق وشراييـن=ولافيه شخص من العرب ثار غيـره تنخى عمر تنخـاه بـاول وهالحيـن=يوم العرب عييـت تقـود المسيـره وتنخى صلاح وتحتري يـوم حطيـن=يـوم الركايـب والخيـول المغيـره تبكي قهر تبكي اسف وينكـم ويـن=يوم اليهـودي قـام يجلـب حميـره راحو اهلها ضمـن نـاس ٍ كثيريـن=راحو ضحايـا وا لضحايـا كثيـره هدم البيوت وجرف خضر البساتيـن=والعالـم الغربـي عيونـه ضريـره قصـف المدافـع والقنابـل وتأميـن=احـدث سـلاح وجاهـز ٍ بالذخيـره والشعب الاعزل عاش مابين نارييـن=نار الحصار ونـار جـور الكسيـره من شان (جلّعاد) اليهود الملاعييـن=شنو هجـوم ٍ مـن خفيـر لخفيـره صار اليهودي قيمتـه عـن ثمانيـن=مسلـم وقيمتنـا بـوزن الشعـيـره يوم العرب عند الهـوى والمزاييـن=وكل ٍ علـى ليـلاه يشعـب بعيـره شوف الشباب اشلون شوف المحبين=ما بين دينـا مـع مواويـل ميـره وشوف المساجد كيف قل المصليـن=وقت ٍ بلاّنـا شـر وانكـف بخيـره وشوف المراقص كيف وضع المغنيين=ما بين هـز ارداف واكـواب بيـره تخديـر للامـه بـسـمّ الثعابـيـن=فعل اليهـود وخطـة ٍ مـن خبيـره بغداد راحت يـوم راحـت فلسطيـن=وصارت على وجه العرب وصم عيره فينا الخيانه طبع من عـام خمسيـن=مـن يـوم بعناهـا بعشريـن ليـره جيد العرب ياناس مـا بينهـم بيـن=واهل الكراسي زادو الشعـب حيـره وشلون ننسى يا ملا عـام تسعيـن=يوم الجويـر احتـل ديـرة جويـره صدام شن الحرب في صفـه حسيـن=وراع اليمن شاور وأرسـل شويـره وإذاعة الخرطـوم ترسـل رياحيـن=وجاك الخطاب اللي يشيلـه سفيـره حتى الفلسطيني نسى خيرنا سنيـن=وارسل خطاب الحرب وارسل سفيره خل العرب تبقى على وعـد تشريـن=لين الجيوش تحـل شبـه الجزيـره تعداد الامـه مـا يقـدّر... ملاييـن=لكنّ مابـه شخـص مهـدود طيـره والجمله اللي واضحه بيـن قوسيـن=باقولهـا قـدم الجمـوع الغفـيـره ( السن بالسن وترى العيـن بالعيـن=والحرب حلّ وجـاك دقّـاق زيـره) صدورنـا ضاقـت وكـنّ البراكيـن=شبت بوسط الصـدر نـار وسعيـره تكفون يا روس الرجال السلاطييـن=الـذلّ حـلّ بـكـل دار ٍ و ديــره إليا متى نبقى علـى الـذلّ راضيـن=والعمر واحـد مالنـا عمـر غيـره امّـا حيـاة الـعـزّ وإلاّ تموتـيـن=يا نفس دون الحق مـوت المغيـره وياللـي تشـرّع للسـلام القوانيـن=دوك الكـلام وفـي عبـاره قصيـره الحق حق ولـو غـدى لازم يبيـن=مصير مجد العٌـرب يرجـع مصيـره ما دامنـا فـوق البسيطـه مقيميـن=من دون دين الله حجـاب وستيـره ويا خادم البيتين يـا حامـي الديـن=يا القايد اللـي مـا تغيّـر ضميـره يا مسند الامه على العسـر والليـن=حنّـا جنـودك بالليـال العسـيـره جاك الولا والعهـد وافييـن وافييـن=والدار من دونـه سيـوف ٍ شطيـره الله يمـد بعمـرك سنيـن ودنـيـن=يالقايـد اللـي مـا تغيّـر ضميـره [/poem] [rams]http://www.5alid.com/najm/hoda.rm[/rams] لتحميل القصيده اضغط هنا ... لكم تحيتي جزاء البقمي [/align] |
الله يجزاك خير و يرحم والديك
واقع مؤلم الله يعجل بفرجه صح لسانك يا جزاء و الله لا يهينك تحياتي وتقديري أخوك/ محمـــد ال عبــــدان |
جزاء
بكل مكان وزمان يبقي لم وسم ورسم خاص بقصيدك صح لسانك ولاهنت اخوك |
والجمله اللي واضحه بيـن قوسيـن
باقولهـا قـدم الجمـوع الغفـيـره ( السن بالسن وترى العيـن بالعيـن والحرب حلّ وجـاك دقّـاق زيـره) والجمله اللي واضحه بيـن قوسيـن باقولهـا قـدم الجمـوع الغفـيـره ( السن بالسن وترى العيـن بالعيـن والحرب حلّ وجـاك دقّـاق زيـره) للــــــه درك من شاعر وبس صح الله السانك ولاهنت قصيده عانقة السحابه وأمطرت بالشي الواقعي أعجااااااابي |
بسم الله
البطل المقدام / جزاء البقمي سلام الله عليك يا أخي تصرخ هدى وتغتصب عبير ويحرق جسدها ولا هناك حكام لدى العرب بكل صراح هناك عملاء نعم فقط تدين المقامه هذا اخر ما توصلوا له بموالاتهم لاهل الكفر حسبنا الله ونعم الوكيل اخي سوف ياتي النصر من خالقك للمتقين وما نصر ربك ببعيد دمت على توحيد الله |
الله يجزاك خير و يرحم والديك
واقع مؤلم الله يعجل بفرجه صح لسانك يا جزاء |
شان (جلّعاد) اليهود الملاعييـن شنو هجـوم ٍ مـن خفيـر لخفيـره صار اليهودي قيمتـه عـن ثمانيـن مسلـم وقيمتنـا بـوزن الشعـيـره جزاء البقمي وصرخااات .. ممتلئه حماسة لديننا الاسلامي المضطهد في زمننا .. الذي نحن جميعاً عيبه قصيده مؤثرة .. أشعلت نار الحماسه .. في القلووووب نسأل الله .. أن يجعل نصر الامه الاسلاميه على يدي قائدنا خادم البيتين |
جزاء البقمي
صح لساااانك صح لساااااانك عبرت عن مايدور بصدورنا جزااااك الله خير ورحم الله والديك تقبل تحيااتي |
اي والله شفنا ياجزاء ..
شئ تدمى له القلوب قبل العيون .. ولكن حسبنا الله ونعم الوكيل .. في كل شئ .. نسأله الفرج والنصر القريب .. ولاعزة لنا إلا بالإسلام .. صح لسانك حتى ترضى .. سلامي عليكـ..:) |
الله
الله الله الله الله الله يجزاك خير يالبقمي .. كتبت مافي صدورنا جميعاً الله يحفظ الامه الاسلاميه .. ويسلّط على من أراد بهم سوء صح لسانك ياجزأ ولاهنت تحيتي وإعجابي ., |
جزاء البقمي ..
الله يسعد صباحك .. والله قلت كل اللي ودي أقوووووله .. لافض فوووك .. وجزااااك الله ألف خير على هذا الشعور .. والله ينصرالاسلام ..والمسلمين .. محبتي ..وصادق إعجابي .. أبوشاهر |
()()()()()
()()()() ()()() ()() () جزاء البقمي الله جزاك خير يا جزاء ويجعلها في ميزان حسناتك والله يفرجها على المسلمين في كل مكان ويكون في عونهم وهو القادر صح الله السانك ولالالا هنت تقديري اخيك العجمــ بـــــدر ــي...@@ ()() () |
اقتباس:
الغالي محمد صح بدنك ولاهنت .. لك تحيتي |
ياسلاام ياسلاام
الله يبيّض وجهك ياجزاء البقمي وصح السانك مدد على هذا الشعور الصادق ودمت بخير |
يوم العرب عند الهـوى والمزاييـن
وكل ٍ علـى ليـلاه يشعـب بعيـره الله الله الله صح لسانك الف ابدعت بهذه الراااائعه والله يعجل بالفرج يارب لاهنت احترااامي و ج د |
اقتباس:
الغالي خالد .. صح بدنك ولاهنت لك تحيتي |
عليكم السلام ورحمة الله وبركاته
مرحبا يا جزا والله يفك عوق غزه وينصر الاسلام والمسلمين صح لسانك مدد وسلمت |
| جميع الأوقات بتوقيت GMT +3. الساعة الآن 03:39 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية