((مابين ساجر وشقرا))......ـــ اهداء لعتيبه ـــ
مساء الخيرات والمسرات يااهل المرقاب....
مدح الرجال الطيبين فخر لكل شاعر... الكرم قبيلة شمر مشهورين فيه.....وعتيبه شهرتهم بالشجاعه والأقدام ومن الجميل ان يذكر الشاعر محاسن القبيله الممدوحه.... وحبيت اهديكم هذه القصيده....وصدقوني احس بنقص بالأبيات لم تأتي حسب مااريد بقوتها...وجزالتها ارجوا ان تحوز على جزء من ذائقتكم الشعريه... يقول من هو حضر والشعر يشتاقه يفل جزل البيوت الغير مسبوقه من راس شاعر يرد الطاق بالطاقه نورٍ بيوته ولو قد هضمت حقوقه ابيات تاتي لقوم الخير سباقه لهل الوفا والمراجل مابهم عوقه من طب ضيفٍ على ناصر مع ارفاقه عطاه عمره مع الجزلات من نوقه انفوسهم للشجاعه دوم سباقه يوم المسير يجي والنفس مطروقه شرٍ سكن بالجزيره للعدو عاقه قومٍ لهم للمنايا روح محروقه شفت العتيبي يسوق الطيب واستاقه شرواة ذيبٍ يدور الطيب ويسوقه مابين ساجر وشقرا ليت ياشفاقه جعل الحيا بنتثر من ماه وبروقه يسقى وطن للقروم بنجد واعماقه وريح النفل نستشم الطيب بعروقه جتكم بيوتي ويوم الشعر نشتاقه افل جزل البيوت الغير مسبوقه يالله تاقي رجال الطيب ياشفاقه من حر ذاك الزمان الشين وحروقه وسلامتكم احمد مبارك الخالدي |
احمد الخادي
مرحبا ومسهلا الله يحييك في محلك وعند اخوانك صح لسانك وفيت وكفيت ولا عليكم زود وكل فيه حقه يا طويل العمر ابيض وجه ولا قصرت تحيتي |
احمد الخالدي
الله يحييك .. وماعليكم زود نفخر بوجودك .... ونعتز باعجاااااابك لك تقديري وشكري والله لايهينك |
صح لساااااااااانك وماعليييييك زود
ألاخ أحمد الخالدي
صح لساااااااااااااااانك ولا هنت يالقرم وماعلييييكم زوووديالخواااااالد والطيب والشجاعه والكرم في أغلب قبائل شبه الجزيره العربيه لاهنت وصح لسااااااااانك ....... |
فهد العازمي...
مشكور ولاهنت لمرورك وصح بدنك... تحياتي وتقديري |
ملاحظه...
حصل خطأ في بيت.... وماانلام لانها قصيده كيبورديه... تحياتي |
ناصر تراحيب...
مرحبا بطلتك طال عمرك... وتستاهلون كل خير... صح بدنك |
مطلق لاهنت لمرورك....
والله يبيض وجهك يالعتيبي... وصح بدنك |
الأخ احــــــــمـد الـــخــــالــدي
ما قصرت يا السنافي وفيت وكفيت وما عليكم زود يا بني خالد وأنا بحكم اني من أهل ساجر مبسوط على دعوتك لها بالحيا منها الى شقراء بس عتيبة مثل ما قال فيحان الرقاص (رحمه الله ) من العارض الى الحره ربعي عتيبه من العارض الى الحره 000000000 سقم المعادي ليا جا العلم مردودي وأنا أضم دعوتي لدعوتك وأقول جعلها تربع كلها وديار بني خالد كلها لأنهم أصحابي و اهل عنك كلهم أصدقائي بحكم تواجدي في الشرقيه وديار المسلمين بعد 0 وصح لسانك وتقبل تحياتي ------------------ طلال صالح العتيبي ----------------- |
طلال صالح...
ونعم فيكم ياعتيبه من اول مناطقكم الى اخرها.... وانتم ونعم ( واهل مكه اعرف بشعابها)... اقول ياطلال عنك ماوراها الا صبخ :) الله يسقي السفانيه والحفر ويسقي ديار المسلمين.... وتسلم على حضورك.... وصح بدنك |
| جميع الأوقات بتوقيت GMT +3. الساعة الآن 09:05 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية