طيـْر ملكي ملكي !
 

سلام عليكم ورحمة الله ،،،



مادزد شاركت في هالقسم مرّه مرّه مرّه ، وهذا من رادي :(



لكن على طاري طلعة سهيـل هاذي عشره بيوت في وصف الحرّ أعجبتني وقلت اجيكم ابها ،

وأنـا والله مانيب ويّا الصقاره ألايف مار شدتني فكرة الشاعر في هذه القصيده ، وتوظيفه للاوصاف !

واللي يظهر لي من خلال الأبيات ان اسم الطير ( شافي )


يقول :



[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تخيّروا يا أهل القنص حرّ له شان=مسرولٍ ريشه على الساق ضافي
أقطم عديمٍ كامل الوصف مليان=واف الجناح من العذاريب صافي
من ماكرٍ ماينوجد غير بإيران=صتيمةٍ من يمّة الفرس لافي
إن فرّعوه بفيّةٍ وسط ديوان=جلسة "فهد" في كيمرات الصحافي
من كف "عبدالله" على كفّه ألوان=من ناش كفّه مايشوف العوافي
متفهّقٍ صدره مثل صدر "سلطان"=شافي ولاغيره بالأوصاف شافي
يقدح سناء عينه مقابيس نيران=من عين "نايف" ماعليه اختلافي
مستقعدٍ متنه مثل متن "سلمان"=وافي ولاغيره بالأوصاف وافي
وعليه منّ "أحمد" بالأوصاف نيشان=رزّة رقبته لا تطلّع وشافي
إن جاك هذا مايثمّن بالأثمان=جميع ماتدفع ماهو فيه كافي[/POEM]

B


\


يا مرحبا يا ذيبان والساعه المباركة مشاركتك
وانت يكفينا مرورك يا عبد ربه بحد ذاته دافع لنا تواجدك

ونقل مميز لقصيدة فيها من الوصف الشيئ الرفيع
واشهد با الله انه طير ملكي ومن النوع الفاخر والنادر

صح الله السان شاعرها ولالالاهنت



تقديري اخيك



العجمــ بــــدر ــي...@@

\



B

عز الله انها قصيده ملكيه فعلا

إختيار يهوّل القلب :)


لاهنت وصح لسان الشاعر والله يستر على شافي ،

:)

عز الله انه ملكي ..

لكن .. مدري من كلمة ٍ جات في اول بيت الشطر الاخير مسرول !!


ما قد سمعت الطير يقاله مسرول !!


خابر المسرول الحمام ..

حمام مسرول
حمام صفاقي
حمام قلابي
حمام ذاك اللي له خشمين مدري ويش يسمونه !!
وحمام زاجل
وحام فراخ مصري




ايه يا بادزي ,,

اما طير مسرول ,,, اول مره تمر علي .. الظاهر ان الطير يلبس برقع بس :):)

يهيب على الشاعر كيف طرت الفكرة هذي عليه


هههههههههههههههههاااي


ايوالله ملكي من جد .. و وصف رهيب وروعة


اما المسرول حسب ما اسمع انه من علامات زين الطير انه يجيك افجح ومسرول :)


مشكور يا عبدربه ولاهنت يابعدي

الله يبقيك يابدر،،


ومشكور على الموازره والتشجيــــــــع :)


سلام’ عليكم

الله يبارتس فيك

قصيدة ملكية فعلا !!!

لاهنت يا عبدربه

تحيتي العطرة

صح لسان شاعرها

ولا هنت يا عبد ربه

سداح..


ولا أنت ..


سلام’ عليكم

الخليفه مبارك ..


تراني والله مانيب اعرف منك فالطيور :(


لكن عليك ببن عيينان اربه يوضح لك الصوره !


شايف كيف :)

لاهنت يا أبا عبدالله على مداخلتك..


ســـــلام :(

السلام عليكم ورحمة الله وبركاته


صح لسان الشاعر الشمري ولاهنت على النقل يالذيب

وبأهديك صورة لطير نادر يعتبر من أغلى الطيور بالعالم اصاده احد القناص قبل شهر بالسودان


http://montada.mergab.com/attachment...1&d=1160597742


ولك التقدير


اخووك
ابو نايف

عز الله انها قصيده ملكيه فعلا

إختيار يهوّل القلب
صح لسان شاعرها

ولا هنت يا عبد ربه

لاشكر على واجب ياصالح العبدلي :)




سلام’ عليكم

ولا أنت ياسعـد البقمـي :)


أشكر لك حسن مرورك وردك !


ولاعدمتك ..


سلام’ عليكم

ولا أنت يامحمّد مصوّي :)


الف شكر بعد تسبدي ..



سلام’ عليكم

و عليكم السلام ورحمة الله وبركاته

ويامرحبا ياشامخ ..

اشكر حضورك وهديتك الفذه !

لكن تعال يابونايف ..

هالحين هذا وش يسمى ؟ جيـــر ؟

والاّ ماعندي سالفه ّ!

السلام عليكم ورحمة الله وبركاته

الغالي عبدربه .. انت دائما عندك سالفة ..
لكن انا ماعندي سالفة .. لاني ما اعرف وش هو الطير هذا .. لكن الوكاد انه من السودان واهدي على امير الكويت من صياد رشيدي .. وقريته بجريدة وكذا منتدى ..


تقديري .. ابو نايف

عبدربه تسلم على الاختيار وطير هذي مواصفاته كامل

ارحب ياعبدربه ( شايبنا :) ) وشلونك اربك طيب
انت وش تبي في الطيور ومشاكلها :) عسا الله يبلاك بها وأنا استغفر الله :)
بالنسبه لولدي مبارك معلاك منه في الطيور يبخص في الابل أكثر :)
وبالنسبه لمسرول الطير كلامك صح ياشاايب الصقر له سروال ..وهو الريش اللي على ساقه اذا كانت كثيف ومتعدي صوايد الطير يعني مثل ثوب المسبل :) ولاهوب شرط كل طير تلقاه مسرول
والوصف ينطبق على الحر فقط أمّا الشاهين ماينطبق عليه الوصف نهائي

يسمونه الصقاقير سروال الطير وهاذي بيت على الطاير لي
جبر الثنادي أفجح وساقه قصير = وهجرٍ وسرواله على الوكر ضافي:)
وتسلم ياشايبنا

تسلم على النقل يـ امطوّع

وشرح وافي يـ إبن اعيينان

:)

القصيده ذي قد سمعتها في شريط من قبل

لا هنت يا عبدربه

:)

حسين ضيف الله

لاهنت على حضورك ..



سلام’ عليكم