قعود اصفر مزيون ... من يعرف راعيه ؟؟
 

http://www.moq3.com/pics/up/f_01_09_06/b285932689.jpg



السلام عليكم .. مساكم الله بالخير جميع...

هذا القعود اعرف مكانه ومنهو عنده لكن ما اعرف راعية .... يعني هو ضايع من راعية منذ زمن ومكانه الآن عند واحد من الجماعة .. ووصاني اسوي عنه أعلان لعل أحدكم يعرف عن راعيه شي .. اكيد انه يدور عليه .

بالمناسبة القعود عليه وسم وشاهد ..... وفي حالة ان أحدكم يسمع عن راعيه اللي يدوره الاتصال [ مراسلة صاحب الموضوع على الايميل .. أو مراسلة الإدارة ] .... والله يجزاكم خير .

[BLINK]تم التعديل من قبل الإدارة [/BLINK]

B


\


الله يجازك خير ويثيبك ويجزا خويك كل خير على امانته
والذهيبه الله يعقلها على اهلها ودام عليه وسم بتلقا اهله
وانت ما قصرت طال عمرك سويت اللي عليك


تحياتي اخيك



العجمــ بــــدر ــي...@@


\


B

ياليتك منزل صورة واضحة للوسم .. الله لا يهينك ويجزاك خير


في حفظ الله

نتمنى أن يجد صاحب هذا القعووود قعوووده

وشكراً .. يا صالح

هذا من الدير هاذيتس حول الدوادمي والقرنه الاراضي اللي هناك !



والحقيقه اني اسمعك ولا اسفهك ياصالح :)



ما أعرفه مره مره .



سلام’ عليكم

القعود مغتر وليس اصفر

لكنه راسه طيب وابوه فحل يذكرني راسه بنتاج بعير هيف القحطاني المسمى (( تماني ))



وبالنسبة ولراعيه فمادرابك نرجي من الله يعقل عليه

الله لا يهنيكم يالربع على هالإهتمام .......... ولو اني لايم على اللي مسح الرقم لإن المقصد معروف والشك زايل ........على كل حال الإدارة ابخص . هذا اللي اقوله.

أنا سويت الإعلان في موقعين هنا ومكان ثاني ......... المكان الثاني ما مسح رقم الجوال ...وشاف الرقم صاحب القعود أو علمه من شافة ...... واتصل بي وتم التعرف عليه وتسليمة القعود .... وهو ملك / نايف بن غتّار الدعجاني

القعود تم له عندنا من أربعة إلى خمسة شهور تقريباً .

تحياتي وتقديري للجميع

عقله الله ياصالح على راعيه وبيّض الله وجهك

بيض الله وجهك يا صالح ..
والحمد لله اللي عقله ورده على راعيه ..











S / D / B

محمد بن صالح

سعد البقمي

الله لايهينكم .... ولايخلينا منكم