\\\\\ الواقع\\\\\\
 

السلام عليكم ورحمة الله





[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قريت في المنتدي قصيده للشاعر عبدربه العازمي بعنوان\يامنير\ الحقيقه لامست هذه المقطوعه الرائعه شي في الوجدان وعبرت عنه بهذه المتواضعه امامكم امل ان تنال اعجاب الجميع00




حسبي علي عبد ربه وين سراني = في قافه اللي سريته وامطرت عيني
قاف على قمة المرقاب بكاني = كنه يقطع فوادي بالسكاكييني
شعر ليامرني يثر بوجداني =كنه يسوق المنايا في شراييني
يصول في مهجتي ويجدد احزاني = ويلامس الجرح في قلبي ويكويني
لوشاعره مادرى عني ولاجاني = كنه يعرف الخصايص في عناويني
وشعرلو اقراه عشرامرار ماحياني= والمشكل انه طغي وسط الدواويني
يروجه من يغني دان يادني = يفضخ اكبود الاوادم والبعاريني
والله براوه على اللي شعره اشجاني = الشاعر اللي يعرف الزين والشيني
يشكي من الوقت واحداثه وماكاني= ويصارع الوقت بين العسروالليني
له همة تصطلي واعنان واسناني= ماخنعت همته عند الضعيفيني
ياعبد ربه مثل ماقال راكاني = وعليك بالدين ومغيث المساكيني
واسلم وسلم على القاصين والداني= والله يعافيك وانا الله يعافيني[/POEM]

1

حجز فاخر...ولي عودة

2

حسبي علي عبد ربه وين سرانـي
في قافه اللي سريته وامطرت عيني
قاف على قمـة المرقـاب بكانـي
كنه يقطـع فـوادي بالسكاكيينـي
شعـر ليامرنـي يثـر بوجـدانـي
كنه يسوق المنايـا فـي شرايينـي
يصول في مهجتي ويجدد احزانـي
ويلامس الجرح في قلبي ويكوينـي
لوشاعره مادرى عنـي ولاجانـي
كنه يعرف الخصايص في عناويني


ماكذبت والله ولاهوب أنت لحالك

عبدربه وشرواه من الشعار اللي نشفق على نوادرهم

ونبحث عنها لأنها تمثل الشعر الصادق الأصيل في وقت تكاثر

فيه الغث وطفى على السطح هنا وهناك , أو كما وصفته لافض فوك بقولك :



وشعرلو اقراه عشرامرار ماحيانـي
والمشكل انه طغي وسط الدواوينـي
يروجـه مـن يغنـي دان يادنـي
يفضخ اكبـود الاوادم والبعارينـي

........................................

والله براوه على اللي شعره اشجاني
الشاعر اللي يعرف الزين والشيني
يشكي من الوقت واحداثه وماكانـي
ويصارع الوقت بين العسرواللينـي
له همة تصطلي واعنان واسنانـي
ماخنعت همتـه عنـد الضعيفينـي
ياعبد ربـه مثـل ماقـال راكانـي
وعليك بالدين ومغيـث المساكينـي
واسلم وسلم على القاصين والداني
والله يعافيـك وانـا الله يعافيـنـي


الله يسلمك وعبدربه من كل شر والله يعطيكم العافية وطولة العمر وحسن العمل

معدي المرقاب :

سجل إعجابي بالقصيدة وبقائلها وبمن قيلت فيه :)

أخوك فراج بن فهد

تسني شفت اسم عبدربه مدري ويش ؟

اخلني اشيّك وأجيك ،

<- ترى عبيد ربها مليار !

حسبي علي عبد ربه وين سرانـي
في قافه اللي سريته وامطرت عيني

عبد ربه ما سراك لحالك يامعدي....
سرانا كلنا..الي يومين على الوجه..مضيع الأتجاه!!
والله يعين..
ايه نسيت أقول صح لسانك..قصايدك جزله..واشهد لله أني معجب
بمعظم ماكتبت!!
تحياتي

ياعبد ربـه مثـل ماقـال راكانـي
وعليك بالدين ومغيـث المساكينـي
واسلم وسلم على القاصين والداني
والله يعافيـك وانـا الله يعافيـنـي

اي بالله يا معدي المرقاب
كلنا نطرب لك و لعبد ربه وقصيدكم الحي
صح لسانك ولسان عبدربه
ولك التحية

من ما يميز هذا الصرح الكم الكبير من أعضاءه المبدعين وماشاء الله تبارك الوهاب

ومعدي المرقاب .. أحد هؤلاء الرجال الذين نجد المتعه عند قراءة ما يقدمون

ولا غرابة في أمر استفزاز المبدعين بعضهم البعض

فو الله ان عبدربه بن عتيق من أجمل الشعراء وفق ما نرى ونلمس من بدعه

شاعر بعيد عن التكلف والفشخره اللغويه الزائده :)

شكرا له وشكرا لك يا معدي

خرجنا بنص رائع والحق يقال ،

صح لسانك مدد ،

ياولد ياولد ياولد ..




ما أقول الا بيّض الله وجهك يامعدي المرقاب :)



والحقيقه اني هالحين اهرّجك وأنا مايقطع راسي سيفين !


جزاك الله خار ، وكثـّر من أمثالك ، وارجو أن اكون كما ذكرت :)




بعد التشييك والتكتيك خرجت المحصّله بما يلي:




..







[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عديت فالضلع وأنا نوب ما أداني=وليامعدي على قافه يناديني
مدري علامه تسذيا يوم يشعاني=باللي لحنها حظيّة بالي هجيني
خلاني امشي معه فالدرب خلاني=مدري مع الدرب وان الله موديني
مرّ يتشكوا ومرّ يحب قيفاني=ومرٍّ يلد العيون يسار ويميني
ومرٍّ يوصّي ..وأنا من يوم وصّاني=أقول ياذيب مايعنيك يعنيني
ليتك تشيل الغطاء يامكرم العاني=حتى اني ادعيك مثلك يوم تدعيني
انته معرّب وطيّب ساس وحصاني=اعرفك بالذتسر بإنّك منتب دويني
ماباقٍ ألاّ تعلّم بسمك الثاني=وأن فيه مافيه خله بينك وبيني
نرجع لموضوعك المضبوط الانساني=اللي يخص البضائع والموازيني
السوق هابط وبيعٍ فيه ما أغراني=وأبغاك يامعدي المرقاب تعفيني
مْن البهاذيل فيه وشوف ديّاني=واللي فالاديان مادينه على ديني
وشكراً على مانظمته ياكحيلاني=والله يجازيك وأنا الله يجازيني[/POEM]


.. وسلامتك المعذره على مافيها من حشو !



سلام’ عليكم

ها حسبي عليك انت بعد :)

وصح لسانك ولسان ابو عتيق

عز الله ان علومكم علوم وشعركم شعر


لاهنت لاهنت يا معدي المرقاب

سلامي واحترامي واعجابي يا كبتن

اخوك

صح الله لسانك

ولاهنت

والله يعين وانا اخوك


لله درك

لك التحيه

ياسلام ياسلام ..

عز الله ماظلمت حظّك يامعدّي .. عبدربه من الشعراء المبدعين والمتميّزين ..


صح لسانك وصح لسانه على المجاراه :)



محبتي وتحياتي :)

قاف على قمـة المرقـاب بكانـي
........................كنه يقطـع فـوادي بالسكاكيينـي
شعـر ليامرنـي يثـر بوجـدانـي
........................كنه يسوق المنايـا فـي شرايينـي

الشاعر: معدي المرقاب يكتب قصيده تعبر عن واقع ملموس ويتعلى في قمة الجزاله والابداع

ويناجي بخياله المتوسع زميله الذي استثاره بجدارة المعنى ومنهم نستفيد


............................



عديت فالضلع وأنا نوب مـا أدانـي
........................وليامعـدي علـى قافـه ينادينـي

الله الله الله
هنا الاسترسال
ليتك تشيل الغطاء يامكـرم العانـي
.......................حتى اني ادعيك مثلك يوم تدعينـي
انته معرّب وطيّب ساس وحصانـي
........................اعرفك بالذتسر بإنّك منتب دوينـي

ياسلام ياسلام ياسلام

هنا استطلاع ونحن نشاركك

السوق هابط وبيعٍ فيه ما أغرانـي
........................وأبغاك يامعدي المرقـاب تعفينـي
مْن البهاذيل فيـه وشـوف ديّانـي
.........................واللي فالاديان مادينه علـى دينـي

هنا دخول في محور النقاش




الاخ العزيز:عبدربه
احسدكم على هذه المساجله التي خدمت اذواقنا جميعاً ولم يكفينا منها المتابعه


تحياتي وتقديري للجميع
اخوكم/حسين الدوسري

الله الله الله
الله الله
الله
.
.
علىالشعر والشاعرية الفذّه ..

معدي المرقاب ...وعبدربه

لله دركما
لله دركما
لله دركما
.
.
صوت وصدى رائعان...الله لايضركم.

تحيتي لكما...........أخوكم

الله الله الله

الله الله الله

الله الله


يامعدي يامعدي

صح لسانك مليوون يامبدع


اخوووووووك

فراج الدوسري


من الاعماق اشكرلك مرورك المعطر بالمسك-


كما اشكرك على الاطرا الذي قد لا استحقه وهذا شعور نبيل من شخصك الكريم وكرم غمرتنا به

باسمي وباسم الشاعر عبد ربه نشكر لك مرورك وكل ماقلت


تقبل

اعذب التحايا
-
-
-


ا

معدي المرقاب و عبدربّه

يازينكم و يازين محاريفكم و لعبكم و طروقكم و هروجكم بعد .. :)

صح السنتكم و بيّض الله و جيهكم على هاللفته الكريمه ..

متابعتي ..

و يازقن عبدربّه اللي اجبرك على الحضور بقصيدته يا معدّي .. :)

متابعتي و اعجابي و محبّتي ..

رحيّم الغنّامي

معدي المرقاب .. و .. عبد ربه

هذا والله المساااجله الكايفه .. الله لا يضركم ..

كليكما شرف للمرقاب وزواره :thumb:

صحت السنتكم .. ولا هنتوا

تحيااااتي .. واعجااابي .. وتقديري

مطلق المطيري












حجز مقدر




--
--

--

سعود الحارثي



اشكرك على المرور

و


عبد ربه علم من اعلام المرقاب ولنا الشرف ان نسري معه فالطواريق الهادفه---------- وعلي فكره تصدق انني مقدر لماقلت بس ياخوك اسمحلي اسعلك وش هالشعار هو مسلم والا نصراني -


تقبل ازكى التحايا وعظيم الاحترام
-
-
-

معدي المرقاب ..

انت مطالب بالتواجد بالشعبي اكثر مماتتصور .. فـ والله ان لك معجبين وانا احدهم ولي الشرف ..

صدى كان قمّه في كل شئ ..

بدءً بالصوت الذي تسبب في هذا الصدى .. ومرورا ً بالمضمون .. وانتهاء ً بالشاعرين ..

لله درك ولله در عبدربه ..

وسلامي عليكمـ ..:)

مشعان البراق



مرور يستحق الشكر والاحترام

تقبل تحياتي وتقديري وكذلك زميلي عبد ربه

صح بدنك يامشعان ومقدر ماقلت غمرتنا بالطيب وانت راعيه






ازكى التحايا مني ومن عبد ربنا
-
-
-