.. ورق ..
 

.

[POEM="font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
.

دخيل اللــه انا قلبي ورق وفراقك رياحه=ترفق لا شـلعته من عروقه يا بعد عيني

غفى في حضنك الدافي صحى في غمرة جراحه=بيادر يتْم , جرافة وزيتونة فلسطيني

وإلى كل المدى خذلان والأحزان تجتاحه=وانا أمة شلل ماملك ولا اصفق لهفة يديني

غلاك اللي هجد قلبي وفزّع غفلة امراحه=وصحرا البعد وسمومه ودابه بينك وبيني

على كثر المطر ما ابتل ريق الفقد وصياحه=على ثقل الشلل ما كف خلفك رحلة سنيني

وانا ما بين نار الحب ونار الشوق ورماحه=سعير من الذهول اللي تلظى في شراييني

عليم الله ما نامت عيون الفقد مرتاحة=ولا راقت عروقي واستقرت وانت جافيني

لأنك يا شروق النور فجر الحب واصباحه= خذيت النبض من قلبي وثارت لك براكيني

لك الله فاطر الأفلاك معمي الليل واشباحه=ما حل بخافقي غير انت أو بلل دواويني

مسلم لك قفص صدري عصافيره ومفتاحه = رسايل عمري الثكلى وغيبوبة عناويني

.[/POEM]

.

سبق ان صافحتها بمكان اخر
ولكن الابداع لايمل
قهر يزيد
صح لسانك

الله الله عليك ياقهر ..

قصيده رائعه ومعاني جميله .. للاحساس نبع في هالقصيده ..

صح لسانك ملايين على هالابد1ع ..

تقبلي فائق ودي وتقديري ..

قهر يزيد

صح الله لسانج ولاهنتي

قصيده رائعه وجزله من شاعره جزله

تقبلي ودي

دخيل الله أنا قـلبي ورق وفراقـك ريــاحه
ــــــــــــــ ترفق لا شلعته من عروقه يا بعد عيني
غفى في حضنك الدافي صحى في غمرة جراحه
ــــــــــــــ بيادر يتم , جرافة وزيتونة فلــسطيني


..


قهر يزيد



صح لسانك .

صح اللسانك

ولاهنتي يابنت الرجاااال

أجدتي وأبدعتي

تحيتي

،،،

B

\

صح الله السانك ولالالاهنتي
شاعره يزيدنا فخر تواجدها بيننا في المرقاب
ابيات طيبه سرني قراءتها يا الغاليه


بانتظار جديدك اخيك


العجمــ بــــــدر ــي...@@


\


B

قهريزيد

صح لسانك

قصيده رائعه ومعاني جميله


تقبل تحياتي

عليم الله ما نامـت عيـون الفقـد مرتاحـة
ولا راقت عروقي واستقرت وانـت جافينـي



صح لسانك وسلم قلبك

بدع ممتع بحق



دمتي بخير .. :)

اللـــــــــــــــه




قهر يزيد...أقصد أبداع يزيد


صح الله السانج ولاهنتي على هالروعــه


أعجابي

قهر يزيد

:

والله مدري انت رجال ولا بنت رجال


:


لكن (صح لسانك) تركب مؤنث ومذكر :)




وشكرا على الابداع


:

الشاعر القدير عبدالرحمن العريفي الخالدي


أهلا بسموك هنا وهناك


كل الامتنان لكريم شخصك

عليم الله ما نامـت عيـون الفقـد مرتاحـة
ولا راقت عروقي واستقرت وانـت جافينـي


قهر يـــــــــزيــــــد



نص فاخر لايكتبه سوا شاعره متمكنه مثلك




الف الف صح لساااااااااااااااانك



تحياتي

وإلى كل المدى خـذلان والأحـزان تجتاحـه
وانا أمة شلل ماملك ولا اصفق لهفـة يدينـي
غلاك اللي هجد قلبي وفـزّع غفلـة امراحـه
وصحرا البعد وسمومه ودابـه بينـك وبينـي
على كثر المطر ما ابتل ريق الفقـد وصياحـه
على ثقل الشلل ما كف خلفك رحلـة سنينـي

يا سلام ..يا سلام ..
ابدعتي يامبدعه
صح لسانك وسلمت اناملك
تقبلي تحياتي

بسم الله

ياسلااااااااااااااااااااااااام عليك ياقهر

كلمات ليست كالكلمااااااااات

صح كلك يارائعه

ولك التقدير

الشاعر القدير ساري الزهراني


ممتنة لسمو حضورك ورقيق ثنائك

تحياتي وتقديري

دخيل الله انـا قلبـي ورق وفراقـك رياحـه
ترفق لا شلعته من عروقـه يـا بعـد عينـي
غفى في حضنك الدافي صحى في غمرة جراحه
بيـادر يتْـم , جرافـة وزيتونـة فلسطينـي

صح لسانك يا قهر
وقصيدة تستحق الزيارة والعودة
لاهنتي وعليتي يا الشاعرة

لك التحية

أم آسر

صح لسانك مليووون


أبدااع xإبداع


لكي كل التقدير

الله يعافيك



ياقهر يزيد على هذا الابداع


صح لسانك من الاعماق






وياسلامي على التوقيع والبيت الرائع لو يكمل بس




الله يوفقك

الشاعر القدير خالد سعود العصيمي

صح كلك طال عمرك

ممتنة لكريم حضورك ورقيق ثنائك


دمت بخير

مسلم لك قفص صدري عصافيـره ومفتاحـه
رسايل عمـري الثكلـى وغيبوبـة عناوينـي

عصافيره ..ومفتاحه...وقهر يزيد..
أقل مايقال عنها روعه..
سلم نزفك وعزفك...
تحياتي..وأعجابي