منتديات المرقاب الأدبية - إعـجـــــــاز!!

صباح الخير ..

رديه اعجبتنى وحبيت انقلها لكم وهى ردّيه من أقوى وأجزل الرديات بين الشاعرين:
عبدالله بن سالم بن عماره & حسن بن نافل العرجانى

يقول عبدالله بن عماره:

[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أديت خمس فروض دين الله وجيتك يـا حسـن=فـي جيّتـي دفعـه لسيّـه وانجذابـه لحسنـه
قمت آتحلا فالجبال اللـي علـى البيـدا رسـن=شارب يدسمه القـدر قـدره وشـارب يحسنـه
خليت ريمـه فالخـلا ترثـع وهديـت الرسـن=والحمل فوق الهـرش حطيتـه وجبتـه برسنـه
لو ينشـد النشـاد جاوبتـه انـا مكبـور سـن=أكبر بيوم أفهم (علـى قـول الرياجيـل) بسنـه
يوم البيارق من ورى شط العـرب قـد نكسـن=بيني وبينك يا حسن وش دخل أهـل البوسنـه؟؟
يوم الفوارس طيّـرت راس الفريسـه وفرسـن=شوش عقيد الـراي للفرسـان طبـع الفرسنـه
خمّس له الفارس وخمس أمّات خمـسٍ خنسـن=خنساء واربع مثلها علـى حسـاب الخمسنـه!!
الجوخ الاحمر..والكفن..والرمح..والصيت الحسن=الاولـه والثالثـه لاهـل الشجاعـه محسـنـه
والثانيـه مـن بعدهـا للرابعـه درب ومـسـن=يالله حسن الخاتمـه واغفـر حصـاد الالسنـه
أديت خمس فروض دين الله ولا ادري يا حسن!=هل جيتـي دفعـه لسيّـه وانجذابـه لحسنـه؟؟[/POEM]

رد حسن بن نافل العرجاني:

[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]بسـم الله الرحمـن والخنـس بعيـدٍ خنّـسـن=أعوذ به مـن شـر نفـاث العقـد والخنسنـه
من صام شهره واحتسى فرضه وقلبه ما أسـن=تحميه عينٍ ما خذاهـا النـوم طرفـات وسِنـه
سود النوايا يا عريـب الجـد يهبـن وإيخسـن=حتى ولو جات اللوافي من على (سن)و(سنه)!!
قمت آتحلا فالنجوم اللي علـى الصخـره قسـن=والظل ما ظلـل ظليـل العقـل حـزة شمسنـه
ما يفهم التاريخ يا كود العقـول اللـي درسـن=ما تخلط المفهوم بيـن الفـرس والغساسنـه؟!!
والبوسنه وامثالهـا مـن دمنـا لـو يحتسـن=فينـا الكياسـه والرياسـه تستـوي بالكيسنـه
خمّس عقيد القوم خمس اخماس والخنسا..تسن=قانونهـا للنايحـات مْـن البـواكـي درسـنـه
والروس تحت الموس . والنوماس والبيضا كسن=خطلان الايدي مشتهين الزود وقـت الشرسنـه
والسيف الاملح..واللحد..والدرع..والذكر الحسن=الاولـه والثالثـه لاهـل المـعـارك ترسـنـه
والثانيه للرابعـه كالشيـب فـي وجـه المسـن=لا طاب شيبه طـاب ذكـره واعتلـت محاسنـه
ثم علـم اللـي ينشـدك قلـه معلمنـي حسـن=ان جيّتـك دفعـه لسيـه وانجذابـه لحسنـه!!!
[/POEM]

وسلامـــتــكم