يابو بدر .....
بسم الله الرحمن الرحيم [POEM="font="Simplified Arabic,5,darkblue,bold,normal" bkcolor="white" bkimage="" border="ridge,4,gray" type=0 line=0 align=center use=ex num="0,black""]يابو بدر مالي ولا لك عليه=الله وكيلك مالنا يمّك أوكالاودان اهديكم هذي القصيده الموجهه للشاعر الكبير محمد بن بدر بن عواد الحويفي الحربي وهي قصيده قديمه( 16 /12/1423هـ) ولكن لم تصل الى ابو بدر حتى الان وذلك لا نقطاعي عن الشعر ولظروفي وظروف ابو بدر التي لم تسمح لي بتوصيل القصيده له لكن هواجس شاعر داخليه=غنّت لها باقصى الحشا كم موال قلت أنتذاكر في فضاء الأريحيه=مابه كلام يزعج الراس.... وجدال للعقل تمييز وللقلب نيه=وان صلحت النيه نجازى بالاعمال ورزق الفتى مضمون في الدنيويه=قدام لاتكبر عضوده والازوال دنياك يامحمد تراها دنيه=تضحك لها رجال وتبكّي رجال والعمر مره والليالي مديّه=تبرم لك حبال وتنقض لك حبال والموت مكتوب عليك وعليه=مفني له أجيال ويفني له أجيال وتعيش بعده عيشة برزخيه=لا لك أنيس ولا جليس ولا مال عقب القصور وسجّت بالخليه=يلقى الجسد في لاحد القبر منزال ما أخذ من الدنيا طعام ومطيه=الا حنوط ..وسدر ...مع لفت شيال واليا دفنوه وعرضّوه القفّيه=يجي ملكين يقـعـدونه وينسال من ربه؟ ومادينه؟ ومن نبيه؟=وهو يجاوبهم على حسب الافعال إن كان فعله خير لا واهنيه=يجاوب بسرعه على كل ماقال ويجيه رجلٍ ابيضٍ زين زِيِه=هذا عمله الطيب.. ياماطيب الفال ويوسّع بقبره ويزداد ضيه=ويفرش من الجنه ويفتح له أقفال وان كان فعله شر فاله رديه=ويقول هاهٍ هاه... مدري وش أحتال؟؟ ويجيه رجلٍ اسود في يديه=مرزبتن تطحن لها عشره جبال يضرب بها والخلق تسمع دوّيه=الا الثقلين.. رحمه من الوال ويضّيق بقبره ....ألا ويّ ويّه=ويخلخل أضلاعه من الضيق خلخال ويفرش له من النار نار لظيه=في ضلمةٍ فيها العزاير والاهوال واليا نفخ فالصور نفخه قويه=بأمر الإلاه ونافخ الصور (ميكال) تنشّق الارض وترجع النفس حيه=ويبعث ويحشر عاريٍ مابه نعال في ماقف ينسا الولد والبنيه=والام تنسى والديها والاطفال ولا ينفعه ماله وجاهه وبيه=ولاينفعه عم ...ولاينفعه خال ولاعاد به نخوه ولابه حميه=ياكود رحمة ربنا الرافع العال وشفاعة المرسول سيد البريه=يالله لنا منها ولو كان مثقال وياتي الكتاب وكل حسنه وسيه=مسجله بحساب وقياس واكيال اللي كتابه فاليمين النديه=يبشر بجنه وصفها ماله أمثال واللي كتابه فالشمال الشقيه=يبشر بويلٍ ...ويل ويله وولوال ويذبح خروف الموت فالموسطيه=بين الجنان وبين نار لها إشعال خالد مخلد لاوفاه ومنيه=وعلى حسب فعلك تجازى بمدهال يابو بدر هذا سجل القضيه=وانت الحكم واحكم على كل الأقوال ولاني بعرّض مثلك المهمهيه=ولاني بحدّك يالحويفي على الجال أنا أعرف أنك ما أنت جاهل وعيه=وتعرف تميّز بين مطلع ومدخال يابو بدر دنياك شجره وفيه=وانته مثل عابر سبيل .. ورحّال يفرح بها الجاهل ويزداد غيّه=ويشيل فوقه من محاميلها أثقال وان حــدّته ماتسمع الا رغيّه=وقام يتشكوى ويتعزوى ويهتال وش قيمة الدنيا وهي مقدريه=والناس فيها بين حل وترحال احد غرامه للدروب السوّيه=واحد هوى باله زقاره وفنجال والفرق واضح بين هذي وذيه=مقلع طميه عن مشاريف الاقذال والنفس تخطي والاوادم خطيه=واللي مضي مع توبه القلب ينزال ومن رام دين الله وسنة صفِـيه=ماحد يلومه كود معرض وجهال جهال ماتعرض عليها الشكيه=آخذتن الدنيا ملاهي وتجوال ومن صدّ يلقى دايم المحقريه=ويصبح على هم... ويمسي بغربال فالقلب مشهاب... وفالوجه كيه=وإن قال طيّب ياهل العرف ...دجال مايامن الله يبتليه ببليه=يمسك لسانه ثم يرّث به هبال متولع في سيرة الجاهليه=ويسجع بشين القول من فوق الاطلال يابو بدر واللي خلق والديه=واللي خلق طه وابو بكر وبلال يالك معزه في فوادي هنيه=ولولا الغلى ماارسلتلك كم مرسال وترى السوالف مالها قابليه=الا معك يابو بدر واف الاخصال الرجل يبخص يالحويفي خويه=والشك زايل يعلم الله يارجال هذا ياراع الرّس راع الحويه=يومي لك وينطل على جاهك عقال خلّ المعاني بيننا سرمدية=يوم ان طبّ السوق رجلي وخيال واسلم عدد مالاح بالموسميه=برق تقـّـفــاه الــرعـد له تجلجال[/POEM] عيد بن سعود الشدّادي الحارثي |
1
|
شكرا على مرورك يامطلق وفي انتظارك
|
بيض الله وجهك يا عيد الشدادي
قصيده جزله ومعانيها ساميه اعجبتني كثيراً .. والله يجزاك خير على التذكير القصيده تحاكينا جميعاً وتذكرنا تقبل الله منا ومنكم صالح الاعمال وغفر لنا صح لسانك وسلم راسك والله يجزاك خير على هذه القصيده الثمينه دمت بخير وكل عام وانت بخير ,, |
اقتباس:
صح بدنك وبيض الله وجهك وشكرا على أطراءك وكل عام وانت بخير |
الله الله ياسلام
شكراً للشاعر القدير عيد الشدّادي على القصيـده ثمينة قصيدة رائعة من شاعر جزلّ و يستحق المتابعـة صح لسانك تقبل تحياتي وتقديري أخوك حسين الدوسري |
عيد الشدادي
صح لسانك . |
اقتباس:
شهادتي فيك مجروحة ياعيد.. مع ذلك أقول اشهد أنها قصيدة قمة ابدعت فيها وأمتعت.. صح لسانك حتى ترضى.. سعود |
اقتباس:
شكرا لمرورك ومتابعتك وهذا فخر لي صح بدنك وبيض الله وجهك تحياتي |
عيد الشدادي
كل عام وانت بخير وصح لسانك ولاهنت |
.
. الله الله الله ياعيد وافيه من اولها لاخرها والله يرحمنا برحمته .! الدنيا فانيه وكل شي فاني والله يجازيني خير اعمالنا لاهنت وبيض الله وجهك صح لسانك تحية غلا اخوك . . |
عيد صح لسانك وبيض الله وجهك
|
اقتباس:
صح بدنك وشكرا على مرورك |
اقتباس:
ماعليك زود ومروك شرف لي وكل عام وانت بخير ومن العايدين مقدما |
اقتباس:
كل عام وانت طيب وصح بدنك ياتركي |
اقتباس:
الديحاني صح بدنك ولا هنت وماعليك زود يانايف شكرا على مرورك |
عيد
صح لسانك .. ولاهنت |
صح لسانك يا عيد
على الموعضه الله يكتب لك الاجر تحيتي |
عيد الشدادي صح لسانك مدد .. ولا هنت تحياتي .. |
وافي
وابن الحويفي كفو صح لساااااااااانك مدد لا هنت والله |
صح لسانك ياعيد على البدع الجزيل والقصيد الوافي
تحيتي لك |
اقتباس:
بن دلباج صح بدنك ولا هنت |
| جميع الأوقات بتوقيت GMT +3. الساعة الآن 01:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية