وش تنفع القمة
اخواني الاعزاء هذة القصيدة اهداء لكم جميعا وارجو ان تحوز على رضاكم
وسامحوني على القصور امنــولا اخـــاف تـــرديد بـــامـــوت واليــــوم يــاليت المنـية تجينـــي مادامني لا صحت جاوب صدى الصوت اكيــد مــابة واحـد يــحس فينــي لـــكن بصرخ دام هاالامــة سكــــوت ونذرٍ علي ماسكت واكتف يديني صــرخة تجي صنعا وترجــع لبيروت صــرخة وراعيها بصــوتٍ حزينـــي وش تنفع القمة بــعد فــايت الفــوت ابــغى الاجــابة ويش يــاسامعيني مـعادبة علــمٍ صــحيـحٍ ومـثبـــوت مـــعادبة يـــاكــود مستنكرينـــي اسماء عرب لكن تفاكيرنا شـتوت عــيت تجمعــنا طــوال السنينــي خيــم عليــنا الذل والذل طــاغوت وامنولا نــاطا علــى المعتدينــي ورجــلٍ يموت بلا فعل موتة الحوت ورجــلٍ رضــا بالذل ضعفة يبيني ايقولها اللي صاح من داخل الكوت ويقــول انا فدوه لداري ودينــي ويامرحبا يالموت وان جيت يالموت ويــاحظ نــاسٍ قيل مستشهدينــي (وسلامتكم ) |
الشاعر سالم العرجاني.......
صح لسااانك... كفيت ووفيت... قصيدة صادقة ونابعة من شعور المسلم الحقيقي... تحياتي لك |
الغالي / سالم العرجاني
صح لسانك.. قصيده جزله.. تحياتي.. |
الغالي سالم العرجاني...........
ماقصرت.....وصح لسااانك... الف شكر لهذا الشعور النبيل... الى الامام... لك مني كل الاحترام....والتقدير |
سالم العرجاني
صح لسانك وبيض الله وجهك
قصيدة وافية من شاعر وافي .. لا هنت تحياتي لك بو عرب |
اخوي / سالم العرجاني
صح السانك يالقرم اخوك محمد العتيبي |
الاخ العزيز /محمد الكرشمى
يشرفني مرورك يالغالي ولاهنت على كل حال تقبل تحياتي اخيك/ سالم العرجاني |
الاخ الشاعر سنجار لاهنت يالقرم على مرورك وبيض الله وجهك يالغالي تقبل تحيات اخيك سالم العرجاني
|
سالم
صح لسانك نفقدك ... وتحضر ويحظر معك المطر لله درك من شاعر هنا وضعت الكف على الجرح تحياتى |
السلام عليكم
الاخ الغالى سالم العرجاني صح السانك على القصيده الجزله تقبل تحياتي اخوك خالد بن سكران |
الاخ عبدالمحسن فهد((بيداء))
ياهلا وغلا وصح الله لسانك مليوووون يالسنافي لاهنت على مرورك تقبل كل الشكر |
الاخ الشاعر
خالد بن سكران لاهنت على مرورك الرئع تقبل تحيات اخيك سالم العرجاني |
الشاعر سالم العرجاني
عزالله انك صدقت بكل حرف لامست فيه جراح الامه الاسلاميه عامه لكن نقول انشالله ان الصحوه ونفض غبار الذل والخووف قريبا صح لسانك ايها المبدع كتبت واجدت واجزلت لاخلا ولاعدم دمت ودام ابداعك لاعدمناك تحياتي وتقديري لك |
ويامرحبا يالموت وان جيت يالموت
...........................................ويــاحظ نــاسٍ قيل مستشهدينــي العرجاني لافض فوك صح لسانك رائعه رائعه رائعه لاهنت ابوزيد |
الاخ الشاعر
خالد الذيابي لاهنت على مرورك يالقرم وبيض الله وجهك تقبل تحيات اخيك سالم العرجاني |
سالم العرجاني
صح لسانك.. لـــكن بصرخ دام هاالامــة سكــــوت ونذرٍ علي ماسكت واكتف يديني قصيده جزله.. تحياتي وتقديري.. |
سلم نباك ياالعرجاني
الأخ الشاعر الجزل / سالم العرجاني
فعلا وش تنفع القمه ؟؟؟ لاعدمنا صوتك الطيب اخوك / سداح |
سلمت ياسالم العرجاني
صح لسانك وبيض الله وجهك .....
ويــاحظ نــاسٍ قيل مستشهدينــي ويــاحظ نــاسٍ قيل مستشهدينــي ويــاحظ نــاسٍ قيل مستشهدينــي ويــاحظ نــاسٍ قيل مستشهدينــي ويــاحظ نــاسٍ قيل مستشهدينــي ويــاحظ نــاسٍ قيل مستشهدينــي ويــاحظ نــاسٍ قيل مستشهدينــي صدقت والله سلم هالشعور وهالاحساس النبيل ...... دمت سالم .. |
سالم العرجاني
عزالله انك اصبت في كل بيت قلته وصح لساااااااانك يالشاعر تقبل الود،، |
الاخ الشاعر
محمد زيد الثبيتي لاهنت على مرورك اللذي زادني شرفا بيض الله وجهك يالسنافي تقبل تحيات اخيك ******* سالم العرجاني |
سالم
ياسلام عليك صح لسانك وبيض الله وجهك رائعه و جزله لاعدمتك |
الشاعر الكبير
(((( عكاشه)))) اررررررررررررررحب تو مانورت الصفحه بيض الله وجهك على مرورك الرائع وانشاء الله الفرج قريب وصح الله ابدانك ولاهنت |
| جميع الأوقات بتوقيت GMT +3. الساعة الآن 06:39 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية