أقوى من البيرة ..!!
السلام علاكم :)
كل عام وأنتم بخير ؛ وعاد عيدكم والله من الخير يزيدكم :) هذه مجرد عيدية متواضعة وأرجوا قبولها بصدر رحب : [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] العام قلبي معذّبني يبى الدّيرة = واليوم ما يعشق الديرة ولا همــّـه قلبي ما غير أشغله عقلي بتفكيره = وأنا ضحيـّـة ثنينٍ ما لهم ذمة خلوني أقعد وراحوا يالله الخيرة = مع بنت شيخٍ يصرّ العلم في كمه بنتٍ صغيرة وعندي ما هي صغيرة = أشوفها عندي أروع بنت في الأمة لو شافها اللي مايعرف للهوى سيرة =يلزم شعر رأسه ويخطيه ويخمـّه من زينها خلّت العقـّال في حيرة = أطيب ولد عمّ يحـْسدها ولد عمه الزين ما يستطيع العقل تصويره = بس الأكيد إنــّـها ترقص على القمـّة أخذ عليها القمر لفة وتدويرة = قالت وش المشكلة قال أنتي مهمة والشمس قدّام تغرب جاتها مغيرة = وفلّت شعرها الطويل وقامت تلمّـه والورد الأحمر بهيج اللون ما غيره = من حينما شمـّته والشمة الشمة راح يتثنى على بعضه من الغيرة = وعلى شفاها تكسـّر وانتثر دمه وترياقها للمزاج أقوى من البيرة = رشفة منه تِـنْــسِــــي الواحد حليب أمه والباقي من الوصايف تمّ تشفيره = لو أتمادى شويـّة جيت بمطمة الحبّ أبا أموت وأنا أدفع فواتيره = ماهو برايح وباقي شي في الذمة[/poem] تحيااااااااااااااتي |
وانت بخير ياوصل
وصح لسانك على هالجزله الرائعه لاهنت يالقرم اخوك ومغليك |
تبا العلم ؟
انجنيت مافيها نشدة شاخ !!! والدليل وجودك المتذبذب رغم اهميته :( .............. :) هامن العايدين . سلام, عليكم |
الله الله ياوصل
ابيات رائعه بروعة شاعرها وكل عام وانت بخير أخــــوكـ... |
وصل العطياني
عيدك مبارك وجعلك بخير وصحه ياغالي والباقي من الوصايف تمّ تشفيـره لو أتمادى شويّـة جيـت بمطمـة ابومشهور .. ارسل الباقي برساله خاصه ههههههه صح لساااانك ولاهنتتتتتتتتتتتتتتتتتت النااااايف |
وصل العطياني كل عام وانت بخير وعيدك مبارك يالغالي
هذه القصيده قمة الروعه لله درك |
الله الله
وصل العطياني رااائعة صح لسانك . |
وصل
صح لسانك ولاهنت دمت بخير |
:)
يازينك وزين قصيدك وبدعك عنى انا لاتكب الحب لين ربك يفرجها ومن يعارضك حوله يمى والمخرج ملى وصل والله ان شهادتى فيك مجروحه لانك فعلا مبدع اجل ترياقها ؟ لباااااااااااااااااااا كلش ابك انت قصيدك يسرف فينا ويبقط الجروح صح قلبك طال عمرك وعاد عيدك اخوك |
وصل
لاخلاف على موهبتك الفذه صح لسانك ومن الفايزين |
من زينها خلّت العقّال فـي حيـرة
أطيب ولد عمّ يحْسدها ولـد عمـه الزين ما يستطيع العقـل تصويـره بس الأكيد إنّها ترقص على القمّـة أخذ عليها القمـر لفـة وتدويـرة قالت وش المشكلة قال أنتي مهمـة والشمس قدّام تغرب جاتها مغيـرة وفلّت شعرها الطويل وقامت تلمّـه والورد الأحمر بهيج اللون ما غيره من حينما شمّته والشمـة الشمـة راح يتثنى على بعضه من الغيـرة وعلى شفاها تكسّر وانتثـر دمـه وترياقها للمزاج أقوى من البيـرة رشفة منه تِنْسِي الواحد حليب أمـه الله الله الله . لله درك وصح لسااانك .. انقش متابعتي وتقديري اخوك ابو نايف |
طيب يابو مشهور
كان لي شرف سماعها منك وها انا الان اقراها هنا رايي انت خابره مايحتاج صح لسانك وعز الله انك فارس الميدانين المحاورة والنظم .على القوة وكل عام وانت بخير |
والباقي من الوصايف تمّ تشفيـره
لو أتمادى شويّـة جيـت بمطمـة الحبّ أبا أموت وأنا أدفع فواتيـره ماهو برايح وباقي شي في الذمـة الله عليك يا وصل العطياني مبدع وحضورك ممتع صح لسانك وسلم قلبك على هالعيديه الحلوه وكل عام وأنت طيب وبخير .. :) |
الغالي
وصل كل عام وأنت بخير ومن العايدين وبيض الله وجهك...ماقصرت....وقصيده رائعه بالفعل... وتقبل تحياتي |
الحبّ أبا أموت وأنا أدفع فواتيـره
ماهو برايح وباقي شي في الذمـة الله الله يا ابو مشهور !! من العااايدين .. ولا هنت على هـ الفاااتنه صح لسااانك .. وتقبل تقديري |
شاااااااااااااااااااااااااااااامخه وانت شامخ مشهور
صح لساااااااااااااااااااااااانك منه لين ترضى ولله درك ثم لله درك ثم لله درك كم ابدعت |
هلا وغلا وصل العطياني
ياسلام عليك :) صح السانك ولاهنت أبدعت وامتعت.لله درّك لك التقدير والاحترام |
اقتباس:
ياااا هلا وغلا ... صح بدنك أخوي ... ولك خالص شكري وتقديري ... تحياااااااااتي |
وصل
صح لسانك على هالجزله الرائعه ولاهنت |
وصل ..
وربي راااايقه هالقصيده .. صح لسانك .. ويضرب الحب شو بيزل !! |
عبدر ربه ... يا هلا وغلا ... والله ياخوك هذي ظروف الوقت ولا ما نسيناكم :) لك كل الشكر والتقدير ... تحيااااااااااااااتي |
والباقي من الوصايف تمّ تشفيره = لو أتمادى شويـّة جيت بمطمة
الحبّ أبا أموت وأنا أدفع فواتيره = ماهو برايح وباقي شي في الذمة وصل والله ما تنلام لو ما عاد تمر الديره عموما ابدعت وامتعت قصيده غارقه في العذوبه والسلاسه صح لسانك تحياتي ومتابعتي |
| جميع الأوقات بتوقيت GMT +3. الساعة الآن 01:33 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية