ان قرى التلميذ والا ماقرى !!
على المتضرر اللجؤ الى أقرب محكمه .................................................. ...... بالغرام البارحه كني على جمر المليله ……………………..………قام يطويني بيّدينه مثل طي الشـناني قام يعطيني ثقال الهم من صاعه وكيله ………………………..……وقمت أعد الهم وآعد الدقايق والثواني كني البارح غريب ٍ سكته سكه طويله ………………………..…...سج رجله لاعزم ســجة غبا والا بياني وويش أسوي دام قلبي غيره قلوبٍ عليله …………………………قد خذاها الحب وان كانه حداها ماحداني وقد سمعت اللي يقول الغايه تبرر وسيله …………………………..…وانجبرت أحيا بمبدا خلها والعمر فاني قلبي أخضر والحمام اللي هدل واسمع هديله ……………………….…فز له قلبي على طاريك وطيوفك وزاني ويش اقول ان كان مالي عن بياض الطرس حيله ………………....لاابتديت أسمع صدا الهاجس وهو بين المحاني ولابديت اضما رعود الغيث والبرق ومخيله ……………..…….ولاانجبرت أرقب نجوم الليل وســهيل اليماني ولابديت اذكر خليل ٍ ماتجمل مع خليله ……………………..……….لاغزاه الدمع وجروحه بخفاقه ثماني والقصيد اللي تمادا في الورق لو شد حيله ………………..……….والله انه غارق في الحب وعيونك مواني ووالله انه مايضيّع سكته دامك دليله …………………..….…والأكيد اختارك ويرفض معك واحد وثاني ولو يجيله يسترد الحب مره مايجـيـله …………………...…..يسترد الخافق اللي راح معك ولابـكـاني ووالله ان الحب صعب ٍ معك اباحصل بديله ……………………...ولو لقيت الغير بستانه ثمر والقطف داني ماذكرت الا انت ياعطر القصيد وياخميله ……………………..…..لو تذكرت الرفيق اللي بلاسبه جفاني الرفيق اللي يصب الحقد لويربط صميله ……………………..…….قد عرفته قبل يرميني وياليته رماني راح واقفا يمكن انه لاابتعد يبرد غليله ……………………..والا انا صوب الفعول الناقصه قلبي ثناني وعادة الدنيا ولوتعطي عطاياها هزيله …………….….ولاانتظرت الطيب من شخص ٍ مغفل او اناني كل رجال ٍ بدرب المرجله يطرق شليله ………………..….والردي يبقى ردي لو عاش بـ كبار المباني ودامها ميدان كل ٍ يمتطي صهوات خيله …………….….والرجل عينه على المشراف لو وقته طمـاني وأنت ياللي ماقدرت انساك والخافق مقيله ………………….في عيونك لارويت الشوف رمشك مارواني لاتصدق فـ الف ليله بين يوم وبين ليله ……………………….…الليالي مايله لو جا بها بعض أتزاني ولو يفوح من الفناجيل الغلا بنه وهيله ……………………….شرط لاعن لمداه وريحته لو ماسقاني ومن لساني خذ قراح الشعر والا سلسبيله ……………….خذ قراح الشعر والا سلسبيله من لســـاني والا انا دوم الغريب اللي مثل عابر سبيله …………..….…….غير غربة عينك الحورا بقت غربة زماني لاتخليني مادام الوقت صافط لي قليله …………….….وأن عطاني ماعطيته وان عطيته ماعطاني يمكن اني مارضيت الأخذ من يد ٍ بخيله ………….ولارضيت اركض ورى المقفي عجل واترك مكاني صابر ٍ وآعرف وقتي زين واشيل الثقيله ………..………والصبر ماعاب جوع الذيب والهرش العماني والحياه دروب واللي واطي ٍ درب الفشيله ………………..…….لايلوم النفس ويعـّود بعد فـوت الأواني وان سقط تمر الرجا مااسد جوعي من نخيله ………..….ولاهويت أخضع رجا لو جرت الصـوت الســواني لي لياضاقت عليّ الأرض سجده وتـهْليله ………………والعزا أني مانطقت الزيف ولسـاني حصاني بندر بن محيا |
ان من البيان لسحرا
بندر بن محيا عذر اخوك هل تقبله انني معك مقصر |
شكراً ناصر على حضورك
..أي تقصير تقصد ؟؟ مع أعتقادي اعتقاداً قلبياً انه لم يأتي من رجل مثلك اي قصور فاانتظار اجابتك هنا ;) |
ووالله ان الحب صعب ٍ معك اباحصل بديله
……………………...ولو لقيت الغير بستانه ثمر والقطف داني ماذكرت الا انت ياعطر القصيد وياخميله ……………………..…..لو تذكرت الرفيق اللي بلاسبه جفاني الرفيق اللي يصب الحقد لويربط صميله ……………………..…….قد عرفته قبل يرميني وياليته رماني راح واقفا يمكن انه لاابتعد يبرد غليله ……………………..والا انا صوب الفعول الناقصه قلبي ثناني الشاعر الجميل بندر بن محيا شاعر ممتع متميز صح لسانك يابندر |
بندر قصيده ياخذك كل بيت من بيوتها بيدك حتى يسلمك للبيت الثاني
تنقل بين الابداع والجمال من شاعر لايستغرب منه هذا الوصف .كل عام وانت طيب |
الشاعر الجزل بندر محيا
صح لسانك قلت فابدعت مفردات جميله حبك وسبك لم تفقد عذوبتها وترابطها رغم طولها شكرا بندر اسعدتنا بهذه المتميزه ابوزيد |
ابن محيا .............. صح لسانك...............
جزله من راس جزل........ساعيد قرائتها..عسى ان افيق....ونسخه الى قائمة الروائع بعد اذنك.... |
اخوي بندر بن محيا
لله درك من رجل كتبت فاأبدعت صح السانك يالقرم اخوك محمد العتيبي |
الغالي / بندر بن محيا
صح لساااااااااااااااااااااااانك... قصيــــــــــده جزله... رائعـــه .... لاهنت... تقبل تحياتي....... |
بندر
كل عام وأنت طيب هنا إبداع هنا قصيد هذا مايخلد وغيره هباء منثورا صح لسانك شهادتى فيك مجروحه لانك أخو كبير أسلم وسلم تحياتى |
ماذكرت الا انت ياعطر القصيد وياخميله
……………………..…..لو تذكرت الرفيق اللي بلاسبه جفاني بندر.............اهلابك وكل عام وانت بخير... قصيدة رائعة....بها نكهة الهيل....والشيح... صح لسااانك... لك كل الوفاء |
الشاعر الكبير بندر بن محيا
ويش اقول ان كان مالي عن بياض الطرس حيله
………………....لاابتديت أسمع صدا الهاجس وهو بين المحاني يندر وجود كهذه موسوعه اخذت صفحاتها من كل قوي ومريح لن نجد الكثيرين بهذه الصفه وبهذا الروح وبهذا النفس العبق بندر بن محييا اسم سينقش على جداريا الشعر شكرا على شعرك وعلى كرمك فيما قدمت لنا سلامي واحترامي عامر عمار |
شاعر الورد بندر بن محيا
صح لسانك وانا اخوك قصيده اكثر من رائعه |
الغالي
بندر ابن محيا سلوب متميز وقصيده متميزه صح لسانك ولاهنت على هالجزله تحياتي لك |
لله درك يا بندر
الشاعر العذب
بندر محيااا ما اجمل تعبيرك وما اعذب شعرك ماشا الله تبارك الرحمن صح السانك ولاهنت يا القرم أخوك / سداح |
الله يا بندر بن محيا ************* أنا أشهد إنك جنيت على روحك ... إسمك تم قيده في سجلات المحكمه ..في قائمة ( إرهابيي الشعر ) و التهمه : سلب ألباب القراء مع سبق الإصرار و الترصد .. الله يعينك على العقوبه يا بندر ..:) . . ماذكرت الا انت ياعطر القصيد و ياخميله لو تذكرت الرفيق اللي بلا سبه .. جفاني إسم بن محيا .. مرادف للأجمل من الشعر دمت العنقاء :) |
الشاعر الفذ / بندر بن محيا
ويش اقول ان كان مالي عن بياض الطرس حيله ………………....لاابتديت أسمع صدا الهاجس وهو بين المحاني ويش اقول ان كان مالي عن بياض الطرس حيله ………………....لاابتديت أسمع صدا الهاجس وهو بين المحاني ويش اقول ان كان مالي عن بياض الطرس حيله ………………....لاابتديت أسمع صدا الهاجس وهو بين المحاني لاتقول , لاتقول حنا اللي نقول : صح لسانك إلى مالانهاية قصيدة وافية من شاعر تعودنا منه الابداع والامتاع من القلب : دمت سالماً متوهجاً لك تحياتي ومتابعتي . |
سلطان البقمي
حللت راقياً ومررت ممطراً لك من الشكر أعذبه وأجمله وانقاه ان حضر الواعين امثالك زهوت بماكتبت لك الشكر بندر |
| جميع الأوقات بتوقيت GMT +3. الساعة الآن 07:05 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية