تواقيـع الأعضـاء " 6 "
السلام عليكم ورحمة الله
( تذكير وتنويه ) * نذكر الجميع بأهمية عدم تكرير التوقيع والله ولي التوفيق . وبسم الله نبداء افتتاح القسم السادس لـ [MARK="3333CC"]( تواقيع الأعضاء )[/MARK] والبدايه مع الأنيق : سلطان بن بتلاء : ياغثا البال من بعض السوالف ...........ودّك انك تسد افـواه اهلهـا اهل الكذب وكثـار المحالـف ..........جدّها ماتعرفه مـن هزلهـا لو يسبّك خبـل قل:مايخالـف ........انت ذيب الرياجيـل وفحلهـا مانت في هرجة الجهّال كالف ..........والجهاهيل لو تعرف جهلها ! كان ماشفت نص الهرج تالف ........وكان ماشفت نص الناس بلها أي بالله .. نيابةٍ عن أخوي خالد الحصيّن :) |
سولف علي الله يمسيك بالخيـر
سوالفك منوه وشوفتـك منـوه الليله اللي تجمع قلوبنـا غيـر لو كان في بعض المواصيل عنوّه سعد الشيباني |
قيمتك ماطاحت .. ولا قل لك شأن
لو سكّتي ماوصلّتني لـ( بابك ) وانا ادري اني معك ماكنت غلطان لكن ماتعرف خطاك وصوابك وشلون اعيش الحب من غير عنوان وشلون ابرّوي خاطري من سرابك وانت الخطايا عندك اشكال والوان وانا احترم قدرك واعزّز جنابك اما اقتنع بالوضع / ماني بـ( مشعان ) !! هذي هي اللي عندها احسب حسابك مانيب لا رابح ولا انته بـ( خسران ) ولابغى تراب ارضك ولا ارجي سحابك يعجبك .. والا اشّتك على حقوق الانسان سمحت من لذّة جفاك وعذابك ان رحت تلقى لك من الناس خلان وان جيت ماني قايل ٍ ويش جابك احيان احس اني بـ( حاجتك ) واحيان احيان احس اني بـ( حاجة غيابك ) لــ مشعان البراق |
عذرك معك .. ياللي عن العين غايب
وانا ادري انه لو هو بيدك ماغبـت الحـظ خـاب ودايـم الحـظ خايـب وان خاب حظي معك معي انت ماخبت مرزوق الروقي :) |
:
: حبيبنـا الغالي : سلطان اعادنا لماضي الكوره الجميل ورمى هذا التوقيع في ملعب الفن : [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا بعد توديع الملاعب لابويعقوب = امر الرياضـه كلهـا واتعداهـا[/POEM] ابوسالم دور لنا لقطـة لـ (( صالح النعيمه )) .. تكفى .. !! :) |
كنت اتباهابك وشيلك على الراس === راساً ماغارك فاالخلايق وصله
وترجع وتطعني مثل طعن جساس ==== لكليب بن عمه من السباب زله |
ماني بسالك بعد ابطيت وشلونك
..............ابسالك بعد ماقفيت وش جابك؟ سطام بن بندر تقديري ابو نايف |
اضرب على صحبة هل المصلحه أكس
قل سود الله وجـه منهـو عمرهـا أمّا صحيّب الطيب بالعكـس بالعكـس هذاك خلـه فـي عيونـك نظرهـا ! لمناحي |
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يا حـزة الضيـق فينـا مـا يكفيّنـا=روحي مع الضيق لا نخطيـه ونخمّـه
يجيبنـا الـهـم والهـمّـه توديّـنـا=نجاهـد الهـم وإلاّ نجاهـد الهـمّـه ما نحصي أحلامنا من كثـر أمانينـا=والواقـع المـرّ عيّـا يبـري الذمّـه نكتـب ونقـرا ولا نعـرب معانيـنـا=نعلّق الحرف بيـن الرفـع والضمّـه الشعـر والعاطفـه والبحـر والمينـا=أفكـار متناثـره وحـروف ملتـمّـه نضحك على ماش وأدنى مـا يبكيّنـا=شجعان .. والذل مدخلنا تحـت كمّـه وإعـدام صـدام مشغلنـا ومشقينـا=هوشه على مدحه وهوشه على ذمّه ! كـل ٍ يمـدّ النظـر و الله لا يعمينـا=الحـق لامرّنـا مـا نلتفـت يـمّـه وعلى القضايـا نعيّـن مستشارينـا=في مجلس الشوره وفي مجلس الأمّه تشكيـل شكلـي لتشريـع القوانينـا=دايـم حكوماتنـا بالشكـل مهتـمّـه شابت فلسطيـن تزهمنـا بأسامينـاوحنا نقول الزمن ماهوب أخو شمّـه وقاداتنـا يفتـح الله يـا المساكيـنـا=ما حلّت المعضله لـو تعقـد القمّـه والشرق لو نشتكي لـه مـا يدانينـا=والغرب ما يستحي معنا علـى دمّـه لكـن سبحـان محييهـم ومحييـنـا=بأمره يزيح الظـلام ويجلـي الغمّـه [/POEM] لسداح |
ياطير ياللّي في ركون الحديقـه
بين الشّجر تصدح غناويك ياطير قل لرّفيق اللّـي يخلّـي رفيقـه: (مافيك خير.وخوّتك مابها خير)!! للرائع /فهيد بن عصيدان |
يامرحبـا وأهلين فدّ وفدّ./لوكان مـدري ويش معناها !
لكنّها جت من عريب الجدّ./.ولاعادني ناشد عن أقصاها رحيـّم اللّي ماش قدّه قـدّ./.في منتدى المرقاب درباها! طوّلت ياخالـد وطال الصدّ ./."وأنا عيوني نثّرت مـاها" وكتبت هالبيتين ما أبغى ردّ ./.ألاّ تحضّر حين تقـراها الشيخ عبدربه فد وفد :) |
:)
ماني بقايـل :علـيّ مـن الليالـي خـلاف ياوقت (كسرالمبادي )..لاجل (كسرةرغيف)! لوعشت باقي سنيني..من عجاف ..لعجـاف في (منطقه نائيه ) مابين ظلم ..وعفيـف ! للمتألق مستور الذويبي:) |
ليه تشهر سلاحك ليه..؟ يأغلى البشر
ضد منهو على شانك يقـوم ويطيـح عمرك من السنين البيض تسع وعشر كيف..؟ تردي خليلك بالمهالك طريـح لأبن سعــدي !! ننتظرها بشغف في الموااهب |
ما يعوق السنافي في زمنا
.... نطحت القوم صلبين القساوة عوقته بين انس وبين جنا ..لا تعرّض له الجاهل عداوة !! ! للأعلامي (البارز) .. والمرقااابي المحبوب .. فهد الثبيتي |
لا طاحت الدمعه على كف شايب
اعرف ترى الدمعه ثمنها مية عام راحت حياته بين صايب وخايـب راح الشباب وراح بنيان الاحلام كلـن جفـاه ودمرتـه النوايـب وصكات بقعاء زخرفت سود الايام يقطعك يا وقت القسى والتعايـب غدار واحلامك كوابيس واوهـام لمحمد بن مصوَي |
الصاحب اللي يصـدّ بـدون لانزعلـه
ان عاد يامرحبا وان راح ماقلـت ليـه وش هالزمان العجيب اللي وصل مرحله حتى الرفيق الرَجل لازم نطبطب عليـه ترى التغلّـي مـن الرجّـال مانقبلـه لانه شعور انثوي ينبذ اذا صـار فيـه لااخطا بحقّك رفيقك روح لـه واسألـه وقلّه جميع الكلام اللي تحـب تحكيـه وان كان ركبّتني حق ٍ علـي ّ ازهلـه كان الخطا مني ابشر وازهل اللي تبيـه امّا الحركـات هـذي تعتبـر مهزلـه بتموت ماقلت لك لو طوّل الصـدّ ليـه لسلطان بن بتلاء |
الطب والكي والتشخيص والقروه
ماهيب تنفع مع الاول ولا الثاني اما تزين العلوم وناصل الحروه والا رجعنا على لاحي وليحانـي سمو الشيخ مبارك ال خليفه :) |
يا صاحبي قبل العتب و المشاريه
لا تحسب أني يوم روّحت شانيـك لا و الذي في وقت الأسحار ندعيه إنك بقلـب محمـد دون تشكيـك فإن كان غبت و باح ما كنت كانيه فاحذر هروج العاذل اللي موشّيك يبقى غلاك بوسط قلبـي مداريـه وتبقى حبيب القلب محد يناشيـك لمحمد ال عبدان |
يقطع الله كل رجال يصـدي
لا بدا لك لازم عنده تمنـع والله يطول بعمر اللي يسدي لا زهمته كل عرق به تقطع لـ بدر العجمي :) |
الحمام اللي مـن المغـرب يجـر لحونـه
ـــــــ مايفيـدك يالمعنـى لـو تجـر لحـونـك عزتي للي عشـق لـه ورعـةً مزيونـه ـــــــ ماتعرف مـن العلـوم الا فديـت عيونـك ماهي بمثل العجـوز الشرسـه المجنونـه ـــــــ ماتعرف من السوالف غير وش طاعونك !! عاشـقً دنـدون واللـي حبتـه دندونـه ـــــــ ياحبيبي جعـل خبـلان العـرب يفدونـك لـ بن قنيص |
لـ.. المبدع : على بن حامد..!
انـا ماني حلو ..لا لا .. ولا جدي ولد نعمه ولاني من هل الكشخات والجنتل وشد الكاب ؛ ؛ انـا عـادي ومتواضع وطيّب واكـره الزحمه واحب الخير واهل الخير واحسب للزمان حساب ؛ ؛ شربت الفقر مـن صغري وحبيّته على خشمه وصاحبته على الفطره وهو عندي اعز اصحاب . . لله درك ياشيخ ..!!! |
من اللوعه صرخت وقلتها من خافقـن ملتـاع
امانه لا يجـي منـك مواقـف مالهـا داعـي بما إني وصلت بحبكـم لـي مرحلـة الابـداع دخيلـك لاترجّعنـي كـذا وتـزوّد أوجـاعـي تراني لي زعلت ارد نصف الصاع لك بالصـاع ولو غيري سمح وانصاع لك ماني بمنصاعـي مشينا لاجل وصلك باع واردفنـا ببـاع وبـاع ولا شفناك تمشي للوصل لـو حسبـة ذراعـي مشى مركب غرامي فوق موجاتك بدون اشراع وذلحين انتبهت لغلطتـي واصبحـت مرتاعـي وبغيت اطلع ولكن آه كيف أقدر على المطـلاع وانا من قبل ما ادخل ما حسبت احساب مطلاعي عايض بن غيده |
| جميع الأوقات بتوقيت GMT +3. الساعة الآن 05:37 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية