إلى عكّاش بن غزّاي مع التحيّه
 

قصيده موجهه للشاعر عكّاش بن غزّاي
وهو شاعر غني عن التعريف


[POEM="font="Simplified Arabic,4,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
على الله معيشتنا وكلٍ عليه يعيش = طيور السماء من فضله ومنّته تعتاش
خلقنا ومن غير الله الإنسان أصلاً أيش = حفظنا ولولا رحمته مابنا اللي عاش
ومن بعدها للشعر في خاطري تعشيش = أدك البيوت الوافيه يوم فكري طاش
كتب القصيد اللي بيوته لها كرنيش = بيوتٍ نظيفه بالبياض أبيض من الشاش
أدوّر على الجزلات ماأدوّر الكديش = مثل مايدوّر راعي النقش بالمنقاش
أجيب المعاني صافيه مابها تشويش = تجي أسهل من الماء لاغدى للسحاب رشاش
أصف البيوت الوافيه مثل صفّة جيش = عليه المدافع مركمه وأحمر الرشاش
ثبت قايد القوه وأمرهم بمنع الطيش = ومن كلمته ماهاش في عظمهم هشّاش
على المعتدي ردّو ولافاده التنبيش = تصدّو بعزم ولاربح يوم فيهم هاش
معي الشعر لامني بغيته ماياكل عيش = أجيب أجزله وأصرف معانيه صرف الكاش
وأنقّيه نقوة من تنّقى أجمل اللي حيش = نياقٍ بزين أعمارها ماجات فالأدباش
نياقٍ توقف قلب من للنياق يطيش = ليا شافها التاجر عليها يجيه رعاش
شراها من الروقه خطامي وبالتفتيش = نقاها من الشينه وعن قول كلمة ماش
بطش في الحيا وديار خضر الزهر تبطيش = تسوقه طروشه والبداوه على المطراش
لياجبتها جبت الفرايد ومالا نيش = أجيب الجزل وأدرى بيوتي عن الهشاش
تدور الخواطر في هجوسي بليش وويش = وأدوّر جواب لأبعض الأشياء وأحّس بجاش
توارد عليّ أفكار طنشتها تطنيش = هواجيس فكرٍ صايرة لي رفيق فراش
لكني وأنا أعرّض هواجيسي التهميش = يخشخش بصدري من تهاويلها خشخاش
سقا الله هل الأفعال مع نافخين الريش = جموعٍ تشيل نفوسها وتشوفها من لاش
جماعة بشوت تغش وتأيّد التغشيش = زمن مايبيّن فيه تغشيشة الغشاش
قشيش ومن لقاله فود في جمعه القشيش = لو إنه جمع كبر الجبل فالقشاش قشاش
سلامي على اللّي جعل أبوه يحيى ويعيش = رفيقٍ قصيده مايعذرب ولاينّاش
رفيقٍ قصيده كيّشه بالذهب تكييش = جزيل المعاني والمعاني لها نقّاش
ولد من يدّك القوم ويردهم طشيش = عدوه ليامنه هرج صابه الخرّاش
أنا البارحه عيني تبى نومها وتشيش = سبايب علومٍ شفتها شوف ياعكاش
وأنا قلتها والقول ماهو بحاجة ليش = علومٍ عسى الله مايعذبّ بها من عاش
ضعيف البشر حطّوه في عالي العريش = بشر تنفش أنفسها وتلقى لها نفاّش
تناقل كلام الكذب والنفش والنفيش = بشر تتبع التايع بشر يتبعون الواش
ألى ياالله إني طالبك من راعي الوشيش = أبونمّه اللي فالقفى ينّم والحشاش
وأنا ويش أقول وويش أخلي وويش وويش = علومٍ تخلّي العقل من كبرها ينحاش
ولكن يجيب الله المطر والديار تعيش= هماليل تسقي الأرض للمسلمين إنعاش
يجي ماطرٍ يغسل ثرى الأرض ثم يطيش = يقّش الوسخ يوم المطر للوسخ قشّاش[/POEM]

صح لسااااااااااااااااااااانك يالذيابي

ولاهنت يالغالي

تحيتي

صح الله إللسانك يا أحمد
وبيض الله وجهك




لاهنت والله يالذيابي
وترانا فاقدينك
لاعااااد تغيب
:)

احمد الذيابي
صح الله لسانك على هذا الطرق المتميز
وهذا الطاروق الذي لايطرقه الا الكبار


دمت بخير ياعزيزي





محمد بن مريبد

الله الله جزله ومحبوكه

أحمد الذيابي

هلا والله وغلا

وبيض الله وجهك

وصح لسانك ملاييييييين

معي الشعر لامني بغيتـه ماياكـل عيـش
أجيب أجزله وأصرف معانيه صرف الكـاش
وأنقّيه نقوة من تنّقى أجمـل اللـي حيـش
نياقٍ بزيـن أعمارهـا ماجـات فالأدبـاش
نياقٍ توقـف قلـب مـن للنيـاق يطيـش
ليا شافها التاجـر عليهـا يجيـه رعـاش



صح لساانك يا احمد ولاهنت .. تقديري لك

ابو نايف

احمد الذيابي


صح لسااااااااانك


عزالله قصيده جزله من شاعر جزل

والله لايهينك

لك تحيااااااااتي

بدر السبيعي

مرحبا بك ياأبو محمد

وصح بدنك

لاهنت


تحيتي

يا سلام عليك يا احمد


صح لسانك ولاهنت

محمد مشوط

تسلم ياغالي والله وصح بدنك

تحيتي

صح لسانك يا أحمد ..
وعزالله اسندت على شاعر

لاهنت يالقرم

اخوك ومغليك

الله الله يالسمي

وقفه رائعه ومحبوكه

وقصيده وافيه وافيه

صح السانكـ

اخــــوكـ...

محمد المريبد

لاهنت طال عمرك


وصح بدنك

وهذا من ذوقك


تحيتي

جزلة ومن شاعر جزلا
ومبدع
تقبل تحياتي

صح لسانك يابو شراع ولاهنت


أسندتها لشاعر وننتظر رده


تحياتىىىىىى لك

سلامي على اللّي جعل أبوه يحيى ويعيـش
رفيـقٍ قصيـده مايـعـذرب ولايـنّـاش

رفيـقٍ قصيـده كيّشـه بالذهـب تكييـش
جزيـل المعانـي والمعانـي لهـا نقّـاش

ولد من يـدّك القـوم ويردهـم طشيـش
عـدوه ليامنـه هـرج صابـه الخـرّاش

أنا البارحه عيني تبـى نومهـا وتشيـش
سبايب علـومٍ شفتهـا شـوف ياعكـاش

وأنا قلتها والقـول ماهـو بحاجـة ليـش
علومٍ عسى الله مايعذبّ بهـا مـن عـاش

الله الله ..

صح لسانك يا أحمد ..
وعزالله اسندت على شاعر في غنى عن التعريف ..

طوّل الله عمر شايبه وامده الله بـ الصحه والعافيه .. دمتما بخير جميعاً

محمد قطن المورقي


لاهنت وصح بدنك

وكل الشكــر لمرورك

تحيتي

شامخ الشامخ

صح بدنك

وشاكر لك مرورك

لاهنت

علي بن ذروه

ألف شكــر لكريم مرورك

ولاهنت ياغالي

تحيتي

تركي البادي

صح بدنك وسلمت باغالي
وكل الشكر لكريم مرورك

تحيتي

الشاعر الوافي والجزل والخلوق
مشعان البراق

حياك الله مليون

والله لايهينك يالقرم وصح بدنك

تحيتي

متعب العتيبي

صح بدنك

وكل الشكر لك طال عمرك

وحياك الله