أن جاد حظك باع لك واشترالك//فوايده من كـل الأبـواب تاتيـك
 

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياالله يااللـي كـل حـيٍ يسالـك = ياواحـدٍ كـلٍ يخافـك ويرجيـك

ياقاسم انوال المـلا مـن نوالـك = وقبضة نواصي الخلق كلهن بياديك

تفك عقـد حبـال عبـدٍ شكالـك = مسبـرمٍ حبلـه بعقـد الشرابيـك

بعيد عن الداني دعـا واشتكالـك = يامن هو المالك وحنـا المماليـك [/POEM]


[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قسمة حظوظ الخلق قسم السوا لك = ومكتوب حظك ياالفتى في نواصيك

جف القلم باللوح فيمـا اقتضالـك = امـا سعيـد الحـظ والا مشقيـك

وانا اشهـد اللـي كتبلـك ينالـك = يالعبد ربك بأسـم حظـك يناديـك

كـلٍ الـولـي طــاب فـالـك = اصبـر علـى ماقـدر الله ياتيـك

ولاتلـوم النفـس فيمـا جرالـك = تبور غالي سلعتـك بيـن اياديـك

ويلومك اللي مادرى عن حوالـك = ولا درى ويش الدهر محدثٍ فيـك [/POEM]


[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فاعزم وشم ولاتضيق المسالـك = ولاتسوي يافتى شومـت الديـك

وافهم نبا ماأقول لك طاب فالـك = سعود الفتى باحظ من غير تشكيك

أن جاد حظك باع لك واشترالك = فوايده من كـل الأبـواب تاتيـك

وان باربـك دلا يهـزل حلالـك = وبردا ثمن لزماً يبيعك ويشريـك

وان جاد حظك بامجالس حكالـك = وصدق مقالك كل اللي يحاكيـك

وان باربـك دلا يكـذب مقالـك = وتصير كذبات الملا كلهن فيـك

وان جاد حظك بالمنـازل بنالـك = بيتٍ رفيع شامخ الطول يذريـك

وان باربك خلاك تنقـل عيالـك = من دار الـى دار ودارٍ تجافيـك

وان جاد حظك كل شيٍ صفالـك = وقرايب الخلان كلـن يصافيـك

وان باربك بين جميع العـدا لـك = وصار المحب اعدا عدوٍ يعاديـك

وان جاد حظك كل شيٍ عنالـك = ويباشرك عند المـوده ويعطيـك

وان باربك ضليت محـدٍ بحالـك = ولابفنجـال مـن البـن يسقيـك [/POEM]



[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياالعبد لوكثرت حـث ارتحالـك = وعرضتها درب الخطر والتهاليك

تازي بلا ٍ حـظٍ بعيـدٍ محالـك = وقلوص عزمك بالمهامه اتخليك [/POEM]


[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بقول لو حظك سعيدٍ نمالـك = لوعشره اولادك عضيدٍ يكفيك [/POEM]

سعود بن قويعان


اشكرك جزيل الشكر ,, على اثراءك هذا القسم



قصيدة جميلة جميلة


رحم الله شاعرها

أبيــض وجه ياسعود ..

أوضحت حقيقةً كانت غائبةً عنّي منذُ زمن :(!


حيث إن البيت المشهور:
أن قام حظك باع لك واشترى لك .... وليا تردّى لاشرالك ولابااااااع !

كان يردّد في كل وقت دون معرفة قائله ، مع التحريف الواضح في شطره الأخير :(

عموماً :-
لاهنت يابن قويعان :)


سلام’ عليكم

لاهنت والله يالقويعان


وبيض الله وجهك على إيرادك لمثل هذه المعلقات



تحيتي :)

أن جاد حظك باع لك واشترالـك
فوايده من كـل الأبـواب تاتيـك
وان باربـك دلا يهـزل حلالـك
وبردا ثمن لزماً يبيعك ويشريـك


الله الله حكم ودرر

لكن فيه بيت مرّ علي الا وهو .. ان قام حظك باع لك واشترا لك .. وان طاح حظك ماحدن يلتفت فيك

هل البيت ضمن القصيده ام من قصيده ثانيه ومقتبس ؟

وشكرا لك يا سعود

والله يحرم شاعرها

الله يرحمه


ولاهنت على نقلها يالغالي .. لك كل التقدير


اخوك
ابو نايف

رحمة الله

وصح السانك

وسلمت بنانك

على النقل المميز

الســــــيالي

هذا الذهب تسلم ياسعود والله يرحم الشريف اللي قالها

سعود بن قويعان


شكراً وبيض الله وجهك



قصيدة جميلة