البعير شعيل
[poet font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ما دمت مانتب قدها لا تعترض مثل البعير =لاتعترض مثل البعير شعيل مانتب قدها يا راعي الهزلات عندي صار تقرير المصير =والكلمه اللي في ضميرك لا تردد بدها مانتب شجاع ولاكريم ولا وزير ولا امير =انته تدورها وجاتك مير دوّر ردها حنا نعرفك زين مير اهجد وعيّن بس خير =ترى الرخوم ليا نويناها لعنّا جدها احسب حسابك وانتبه تراك في وضعٍ خطير =تراك تغرق فالبحور اليا تساوى مدها ما تدري ان الكذب حبله لو تطوّل به قصير =الحضرميه يا سفيه اليوم يبرق حدها علمٍ يجيك وياصلك عساك عقبه تستخير =لد العيون الناعسه يمّي بسرعه لدها تراك ما تسوى مع العالم ولا حبة شعير =بيبانك اللي فتحت شوري عليك تسدها جاك القليل وكان ودك ياصلك شيٍ كثير =ابشر تراك بظرف كم لحظه تروح بيدّها مادمت مانتب قدها لاتعترض مثل البعير =لاتعترض لاتعترض تراك مانتب قدها [/poet] |
:) المميز
منهو اللى مزعلك ;) ................> معادهو مقاشره أبد صح لسانك والله يكافينا شرك:( |
الرائع زايد الرويس
قصيدتك يا زايد جعلتني أتسلح بالحميا وانتصر لحرارة الدم ما يضيق خاطرك يا القرم وها الذيابه صاكين عليك بفزعتهم دمت للرجولة نبراسا وللمواقف البطوليه رمزا وللشعر استاذا وهونها وتهون ولا عدمناك -------------------- طلال صالح ------------------------- |
زايد....صح لسانك
قصيدة غاضبة......... تمكن... توظيف رائع للمفردات (النارية)....!!!!!!!! زايد دام ابداعك |
المميز /زايد الرويس
مثيره وخطيره وتفحم اللي ما يفحم
كما عهدناك...... مميز حتى في زعلك وهذه تشهد لقوة بيتك وانفرادك بما هو مثير تحياتي واعجابي سلسله لن تنقطع في حقك اخوك عامر عمار |
الله الله اللله
ياسلاااام عليك يا زايد الغضب عند بعض الشعراااء ياتى بقصاائد تتفجر شظايا جماليه استعذب هذا القصيد صح بدنك ولااهنت |
زايد الرويس
قدها يازايد دمت ودام توهجك تحياتي . |
خالد الذيابي
لاهنت وانا اخوك وصلت للبيت 37 دعواتك الظاهر الميه بتكمل الليله |
اي 100 يازايد واي دعوات؟؟؟
من عندي انا بعد مشيئة الاله اضمن لك 120 قبل الصبح اعرفك <===== لايكون فاهم السالفه غلط :( صح لسانك يازايد وبيض الله وجهك سمعتها منك وقراءتها هنا القوه في اللفظ والجزاله في المعنى مافيها كلام قدح زنود الله يكفينا شرك تحياتي لك |
ياساتر يارب
للغضب جمال عندما ترسمه شاعرية زايد كفو يابو عايض تحياتي لك... |
الرااااااائع والمبدع داااااائماً
زايد الرويس صح لساااااانك .. ودام بيانك .. ابداع وروعة غير مستغربين من شاعر كزايد الرويس فهنيئاً لنا .. بك ودمت لنا |
ابشر بعزك يا زايد
يقول المطيري.. يا جماعه كيف ما فيكم حميا +*+*+*+*+*+ كيف صياح الضحا ما تسمعونه صح لسانك يا زايد وانتظرني |
المبدع دائما /زايد الرويس ,,,,,,,
بركان من الغضب ألا بركان من الشعر ,,,,,كفو ,,,,كفو ,,,, نبي نسمع ال100 يازايد ,,,,,, أخوك/مستور الويبي |
طلال صالح العتيبي
لاهنت والله وما يستغرب عليك العلم الطيب والوقفه الصادقه لاعدمتك يا طلال |
ابو عايض
والله اني خابر الي مزعلك ............. مير علي الحرام انك سديتنا فيه يبن العم وبيني وبينك تراني صرت اخاف منك ........ :) عانك ليا طلعت في الماسنجر متصل ........ قامت الماسه تنتفض ........... مير اليا انكسر الجهاز ........ماوقف الا عندك :) صح السانك يابركان اخوك الصغير محمد العتيبي |
معيض العتيبي
الف شكر لك والله لايهينك يابو نوره |
المتميز زايد
يقول من عدا على سطح بيته:) لازال هاذا البيت راسخ في الذاكره من هاك الايام وبعدين ياخوي لا يرتفع ضغطك ولا تزعل ترى الدنيا ما تسوى ولا تدري ازعل خمس دقايق لين تكتب لنا مثل هالقصايد وخلاص انس الزعل صح لسااانك مليوون يالمتميز ولاهنت تقبل تحيات اخووك حازم الروقي |
عامر عمار
الف شكر لك والله لايهينك تقبل تحياتي |
زايد الرويس
صح لسانك شاعر مميز لك كل تقديرى تحياتى لك |
وسميه
:) متأكد انك مبسوطه على القصيده والنزعه الهجوميه الف شكر على تواجدك تحياتي لك |
فراج الكرشمي
لاهنت والله والف شكر لك تقبل تحياتي |
زايد الرويس
ياهلا والله بزايد ......
صح لسااااااااانك ولا هنت ..... والله يكفينا شرك اثرك اقشر لا هجمت :( اقول يازايد والله انها تشيّط الرموش ....... اسلم اسلم يالاميرررر ...... وهونها وتهون طال عمرك ...... اقول يازايد .. على هالهجوم الشرس والبعير شعيل ....... ماودّك تصير صديقي :) سلمت يالامير والله لا يهينك ... صادق الاعجاب والمتابعه .. اخوك الصغير / رحيّـــم |
| جميع الأوقات بتوقيت GMT +3. الساعة الآن 05:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية