محاورة فيصل الرياحي & حبيب العازمي ( صوتيه)
السلام عليكم ورحمة الله وبركاته محاوره بين العلمين فيصل الرياحي وحبيب العازمي وفي القريب ان شاءالله نحاول قدر المستطاع وضع الموجود ولاعندي علم إذا كان قد وضعت لكن زيادة الخير خيرين كانها قد وضعت :) [RAMS]http://www.5ymah.org/up/uploads/4e2d0c6eba..rm[/RAMS] إحترامي وتقديري, |
مشكور أخوي خالد ...
بس وين فيصل ووين حبيب .... !!!!!!!!!!!!!!!!!!!!!!!!!!!!!!!!!!!!!!!! |
ياسلام ياسلام
الف شكر ياخالد عائش الله لايهينك الملف شغال شف جهازك |
فيصل الرياحي
ياسلام الله سلامٍ عدل مافيه أنقلابه = ياجماهير أرحمونا وزحفوا عنا شويه ياحبيب كثروا العربان والاسماء تشابه = وأن مزحنا مزحة الرجال ماتزخل خويه<<<الله أكبر حبيب العازمي مرحبا حيا الله الحضار في حفلة شبابه = كل واحد حاضرٍ معنا نقدم له تحيه اللحون المزعجه تعزف لا صوت الربابه = والخطا ماهوب طبعي وأنت لا تخطي عليه<<<<الله أكبر فيصل الرياحي لا خنادف لا شبابه كلنا عزوة ولابه = كلنا الشعب السعودي خل عنك العنصريه ياحبيب خذنا بنا جولة على ديرة عتابه = وأعتبرها ياولد عازم سياحه داخليه حبيب العازمي كل مخلوقٍ على قده مفصلةٍ ثيابه = والعرب بسلومها فالدين ولا الجاهليه يا الرياحي رح لدارك خل داري وش تبابه = يامدور داخليه جتك وحده خارجيه فيصل الرياحي لاتغارب ما يصيبك كان قومت الحرابه = خل نياتك سليمه قالوا النيه مطيه مانبا الا تمشيه والروح ما فيها طلابه = والعوازم محد وكلهم على نجد العذيه حبيب العازمي هيه لا تسري على رجلك تعشاك الذيابه = الذيابه من قرى الحرة اليا هضبة طميه ليت بن منصور ربع من تمرة زهابه = ثم يرجع بين سين وحيد خشم الجرهديه فيصل الرياحي مابقى الا ذيب واحد كسر الشاكوش نابه = لو يشوف النار حمراء مادرى ويش القضيه فيه يومٍ ما يضر وفيه يومٍ يندعى به = وأقشر أيامك نهار يواجهك في الدرب عيه حبيب العازمي راعي الشاكوش اظنه خمه الذيب وسرابه = مالحق عيد رمضان ولا لحق عيد الضحيه ----------------------=----------------------- فيصل الرياحي ياحليلك يا الغليم عاملٍ ريس عصابه = فرعها صوب الحناكيه والمركزها الحويه --------------------=-------------------- الله الله الله شكراً يا خالد فهد |
الله لا يهينك يا خالد فهد
محاوره بين عمالقه تحياتي لك |
يامرحبا ياعائش
والله مدري وش المقصود في وينهم كان قصدك ماعاد لهم محاوراة في الوقت الحالي فالله العالم عن الاسباب وكان تقصد ان وينهم ماتشتغل فالمشكله في جهازك طال عمرك :) |
ياسلام عليك انت ياعمده :)
لا شكر على واجب طال عمرك لاهنت على مرورك, |
الله يعطيك العافيه يابوفهد
الصراحه رايعه جدا جدا بروعة تواجدك وانت ادرى يابوفهد انكاني سمعتها انت خابر البيروغطاها مايعرف الا الشعبي هذاحده |
حمد الله يجعل من جابك للجنّه
ماقصرت على نقلها كتابيا ً ولاطرا علي ولا كان كتبتها مير يسد عنّا فاللوازم حدينا :) حياك الله واسعدني مرورك احترامي |
اقتباس:
قصدي ماعاد لهم محاورات في الوقت الحالي .... |
مشكور يابو فهد على جهودك الطيبة ياطيب
|
| جميع الأوقات بتوقيت GMT +3. الساعة الآن 08:35 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية