B . M . W
 

السلام عليكم


لكسر حاجز الغياب الخارج عن الإراده اطرح هذه الابيات :type:

[POEM="font="Arial,5,indigo,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]راكب اللي ما هقى فيه الشواوي = مركب الشرهين وكبار العزاوي
منوة اللي ضاقت الدنيا بعينه = منوتي منوة بعيدين الهقاوي

"جيب لكزس" لا وشنهو "جيب لكزس" = الـ B . M اللي مع الطرقه رهاوي

يوم ابرق في وصوفه يا مشا الله = يجرح ولا عاد لجروحه مداوي

هيبته في مشيته والا وقوفه = كنّها هيبة شليويح العطاوي

جعل يفدا " استبنته " جيب الحكومه = والشبح والرنج روفر والعراوي

صممه من لا عرف وش سوق الاسهم = واحد ٍ ماهوب بالتصميم غاوي

جرمني الصنع والسايق عتيبي = يسهجه ويجر بالصوت الغناوي

لا طرى له لازم ٍ ما عنّه صده = ثم سرى باللي كما الحر النداوي

كنّه يشوف المنايا في عيونه = وانقلاع الستر عن مبسم مضاوي

وسلامتكم[/POEM]
0
0
0
0

(( 1 ))




:thumb:

:
:


لا طرى له لازم ٍ ما عنّه صده
ــــــ ثم سرى باللي كما الحر النداوي
كنّه يشوف المنايا في عيونه
ــــــ وانقلاع الستر عن مبسم مضاوي


صديقي :
خالد الغازي .. قصيده خفيفه ظريفه .. !!
في حبكتها وصياغتها .. !!
ومتناغمه في تسلسلها .. !!
تحمل شي من احلامك .. !!
واقتنـاء الـ (( b . m . w )) حلم جميل بالنسبة لك .. !!
لكن .. يـاخالد .. !!
و الـ (( لكن )) عن الف استدراك .. !!
عندي يقين انك (( ستبطي عظم )) ماشريتها .. !!


صح بيانك .. !!
يـاصديقي .. ولا عاد تغيب .. !!



:type: ترا .. بــ :m8:

3

4 واللي عند الله عنده !


تسيف انت ياخالد :) ؟

ورب الكعبه ابدعت والله يرحم ويغفر لشليويح العطاوي .
صح لسانك مدد بلاعدد لك تحيه وتقدير

جرمني الصنع والسايق عتيبي
يسهجه ويجر بالصوت الغناوي


الله
الله
الله
الله



ياسلام ياسلام يابو غازي ووين هالغيبه ياخي .. بس تبيني اعلمك هالقصيده ياخالد اشفعتلك الغياب
وسلامي عليك وصح الله السانك

اخوووووك

حي الله الحجز وحي الله راعيه يا ابو حمد

صممه من لا عرف وش سوق الاسهم
واحد ٍ ماهوب بالتصميم غاوي


الله الله ..

صح لسانك ولاهنت وعاش سواقه


تقديري لك

اخوك ابو نايف :)

خالد الغازي

بيض الله وجهك

وصح لسانك لين ترضى

جرمني الصنع والسايق عتيبي
يسهجه ويجر بالصوت الغناوي



هههههههه وين الله جمع الجرمني بالعتيبي :)
صراحه وصف ولا احلى
والله يرزقنا وياك ولا يحرمنا :)



اعجابي

خالد الغازي

صح لسانك
صح لسانك
.
.
سيارة تستاهل الوصف الرائع ..!! وحلم جميل لكل سائق :) مثل ما قال ابو حمد ..!
.
.
حيك وحي حضورك ياخالد ..!

تحيتي لك ..أخوك

جعل يفدا " استبنته " جيب الحكومه
والشبح والرنج روفر والعراوي


ياسلام عليك ياخالد

فعلا كتبت

وابدعت

وامتعت

تقبل الاعجاب

وصح لسانك عدد حروفها الجميله

وتحياتي لك

جعل يفدا " استبنته " جيب الحكومه
والشبح والرنج روفر والعراوي

صح لسانك يبو غازي

وليتك وجهت رحلة البي ام الميمونه

سلامي واحترامي ياكبتن

سلم واسلم

الله الله الله يا خالد

حرفنه وابداع يا خالد

استمتعت بقراءتها جداّ

صح الله لسانك ولاهنت

صح لسااانك يا خاالد !

لا هنت على هـ القصيده .. الراائعه

تقديري .. واعجااابي

الله الله



خالد الغازي



احسنت .. احسنت



صح لسانك .

يابو حمد شكرآ على الاطراااااء


اما بالنسبه اني لبطي عظم ما شريتها هذا لوني مانيب خويّك


تحياتي لك

يا محمد السواط حيّك وحي حجزك

يا هلا بك يا عبد ربه

محمد بن دلباج صح بدنك ولاهنت

صممه من لا عرف وش سوق الاسهم
واحد ٍ ماهوب بالتصميم غاوي





عز الله صدقت ياخالد





ان اللي صممة مايعرف الاسهم ومشاكلها !!!






لكن صح الله لسانك وعلا شانك على هالابيات الجميلة