بسم الله وعلى بركة الله



يا سلامي سلامٍ للرجال ابتديبه @@@ فالبدايه تحياتي وارد السلامي

رغبتي فالصحيب اللي يوفي صحيبه %% مثل مستور بن تركي رفيع المقامي

مساكم الله بالخير جميعا

واستلم يبن نعيم



مرحبا عد ما نبت الحيا في شعيبه %% وعد من حج بيت الله وحل الحرامي

كان عندك خبر حاضي تفضل وجيبه % قاضي المحكمه يقطع يدين الحرامي

بعد ما جتبك الايام ماهي غريبه %% فوق عد ٍروي من جمته كل ضامي

ما نسولف بعلم ٍ فيه شكه وريبه%% يشهدون الرجال محللين الكلامي

يا عميل الرضا كلن نصيبه يصيبه
%%%%%%%%%%%%%%% والمطيه قضبنا راسها بالخطامي

راعي البندق اللي ما تصيب الضريبه
%%%%%%%%%%%%%% كان زل الهدف لا يحتزم بالحزامي

اسمعو يالربع

كم تبعد جهينه فالعدد عن عتيبه%% في وصول الجدود وفي وصول الاسامي

بعد صارت بعيده جات عندك قريبه$$ جعل بقعى يزايمها كثير الزيامي

عندك يافهد

اللوازم على الرجال غصبا غصيبه
%%%%%%%%%%%%% وش يقرب جهينه عندنا يا غلامي

والسوالف بعضها يالعتيبي صعيبه
%%%%%%%%%%%%% ما نبا الحز بالسكين يصل العظامي

اسمع يا بو تركي

كل رجلٍ يخلي حجته وسط جيبه $$ لين نعرف حلول المشكله بالنظامي

يا هل الديره اللي نبتها ما وطيبه%% كيف عشتو على قطع الغصون النوامي

اعطبوها بجرحن ما يعالج طبيبه
%%%%%%%%%%%% يوم جوها سوا مثل الجراد التهامي

بان علم الطليب اللي حضر مع طليبه
%%%%%%%%%%%% قبل راس الشهر لا يفطرون الصيامي

المجامل مصيبه والتغاضي مصيبه ^^ ويش موقفك من هوشة عتيبي ويامي

وانت دايم من الطائف لمكه لطيبه^^ في تهامه تعيش تموت والبرق شامي

موقفي مع عتيبه بالسهوم العطيبه% كانها يافهد في نور ولا ظلامي

ما يجود تراب القبر غير النصيبه $ خل ميسمك للعدوان فالنار حامي

شكرا للمتابعين من الجماهير


وتصبحون على خير


مع السلامة