دردشه اسبوعيه ( بندر السميري )
الاخوه والاخوات اعضاء منتدى المرقاب
دردشه اسبوعيه مع عضو من اعضاء المرقاب نتناول فيها جوانب من حياته بغض النظر عن الشعر قد لا تتسم بعض الاسئله بنوع من الجديه ولكن للضيف الحق في الاعتذار عن الاجابه الصريحه اذا كان في السؤال ما يضايقه ضيفنا الاول هو الشاعر بندر السميري ومع المجموعه الاولى من الاسئله 1- بطاقتك الشخصيه وياليت تحتوي على الاسم رباعي تاريخ الميلاد الحاله الاجتماعيه الشهاده التعليميه العمل نوع السياره ناديك المفضل 2- كم عدد اخوانك وما ترتيبك بينهم وكم عدد الشعراء منهم 3- جريده يوميه تحرص على شرائها كل يوم 4- جريده يوميه تقرائها عند السوبرماركت ولا تشتريها 5- مجله تحرص على شرائها 6- مجله تقرائها فقط عند صالون الحلاقه 7- وجبه مفضله عندك 8- وجبه تفضل الجوع على ان تأكلها 9- مدينه محليه تحب السفر لها 10 - مدينه محليه لا تحب السفر لها 11- دوله تحب السفر لها 12- دوله لم تزرها وتمنيت زيارتها 13 - دوله زرتها وندمت على زيارتها 14 - قناه تلفزيونيه تثبت الريموت عليها 15- قناه تلفزيونيه يقفزها الريموت بسرعه 16 - اغنيتك المفضله 17 - فنانك او فنانتك المفضله 18 - اغنيه تتمنى ان تسمع شريطا فارغا بدلا منها 19 - فيلم عربي لا تمل من مشاهدته 20- فيلم اجنبي لاتمل من مشاهدته 21- فيلم عربي شاهدته وندمت عليه 22 - فيلم اجنبي شاهدته وندمت عليه 23- مسرحيه لاتمل من مشاهدتها 24- مسرحيه ندمت على مشاهدتها 25- لو كنت صاحب موقع المرقاب ماهو اول قرار تتخذه |
اشاعر الصحفي / زايد الرويس
بيض الله وجهك على هذه الفكره الرائعه والممتازه جدا ولا ضير في ذلك لما تملكه من خبره ودرايه لك شكري الجزيل وتقديري واحترامي |
الاستاذ زايد الرويس...............بيض الله وجهك
فقرة رائعة...........ممتعة.. وانا عندي سؤالين لبندر.... 1- ماهي امنيته للعام الميلادي الجديد؟ 2- من اول من يقرأ قصيدته؟؟ |
فقره اكثر من رائعه
زايد اخذت القصيد والاسئله بعد!! مابقى شي نساله:) ولكن بما انني اعرف بندر معرفه شخصيه ومن قبل النت اقدر اسأله اسئله واجد لكن ابا اكتفي بهالسوال0؟ اولا مساك الله بالخير يابندر وثانيا اعتقد اني ماراح اكتفي بسؤال واحد يعني صاروا سؤالين:) ويمكن مايخرجن بعيد عن الشعر وعسى زايد مايزعل علي <----مهاوشه زايد ويقول الاسئله عاديه الاول **** ليش انت هادي ؟<----وش رايكم بالسؤال:) الثاني ***** وهالسؤال يمكن مفاجأه ويمكن يكوون مال امه داعي بس تعال اقولك السؤال هل تعلم ان اخوك بدر معنا في المرقاب؟ <---بينجلد من بدر والا من معيض والسبه موضوعك يازايد:( |
السلام عليكم ورحمة الله وبركاته
اشكر لصحافة المرقاب ولأخوي زايد هذه الفكرة والزاوية الجميلة والتي اتمنى ان تستمر لنتعرف على جوانب اخرى غير الشعر.. وبسم الله نبدأ مع اسئلة أخوي زايد: - بطاقتك الشخصيه وياليت تحتوي على الاسم رباعي / بندر بن مفرس بن ماجد السميري(حسب بطاقة الأحوال) تاريخ الميلاد /1399 هـ الحاله الاجتماعيه /اعزب الشهاده التعليميه /الثانوية العامة وتقديري ممتاز :) العمل /طالب جامعي نوع السياره /:o :o :o كرسيدا ناديك المفضل /هلالي متعصب 2- كم عدد اخوانك وما ترتيبك بينهم وكم عدد الشعراء منهم ؟ خمسه الله يحفظهم انشالله وترتيبي الثاني امّا الشعراء اللي مبيّن منهم واحد 3- جريده يوميه تحرص على شرائها كل يوم ؟ بعد الأنترنت بطّلت جرايد 4- جريده يوميه تقرائها عند السوبرماركت ولا تشتريها ؟ ماأحب اقرأ في السوبر ماركت 5- مجله تحرص على شرائها ؟ الصحيح انا اتابع أغلب المجلات الشعرية 6- مجله تقرائها فقط عند صالون الحلاقه ؟ (المجلة) 7- وجبه مفضله عندك ؟ البيتزا 8- وجبه تفضل الجوع على ان تأكلها ؟ الملوخية ما أحبها بس ما أفضل الجوع عليها 9- مدينه محليه تحب السفر لها ؟ جده ثم جده ثم جده 10 - مدينه محليه لا تحب السفر لها؟ ودي ازور مدن المملكة كلّها 11- دوله تحب السفر لها ؟ ام الدنيا (مصر) 12- دوله لم تزرها وتمنيت زيارتها ؟ فلسطين والقدس بالتحديد 13 - دوله زرتها وندمت على زيارتها ؟ الحين من كثر سفراتي. :p 14 - قناه تلفزيونيه تثبت الريموت عليها ؟ متابعتي للتلفزيون قليلة بس احب mbc 15- قناه تلفزيونيه يقفزها الريموت بسرعه ? مافيه قناة معيّنة تصبحون على خير ونكمّل دردشتنا بعدين.. |
ابو عايض
موضوعك شيق ..........لكن ماخليت من الأسئله شي :mad: بندر سؤال قابلت عكاشه ........وقالك هلا يابندر ارحب حياك الله ................... وشلونك وشلون الربع والشايب ومن هالسواليف ............. قلت انت له والله بخير ماعلي خلاف ..........قال علي الطلاق ماتسير الا بعد العشاء ........ قلت له يارجال انا وراي ارتباط ......... قال طلاق من رقبتها انتك التعشاء اليله عندي........... قلت له ياسيف بس انا لي شرط ....................قال امر ..................قلت له ........عشاء بده ............( يعني عشاء البيت حقكم لاتتكلف .......قال عيب عليك يابندر وش هالكلام تبي الرياجيل يفضحوني ..............قلت له يالرجال هذا شرطي وحنا اخوان والكلفه مرفوعه بيننا .......... قالك سيف طلبك قابلينه ........... رحت قضيت اشغالك ............وتصلت على سيف وينك قال انا في البيت قلت له يالله انا جايك ...............طاط........طاط .......طاط طلع سيف من الدريشه شاف الكرسيده حقتك؟؟؟؟؟؟ ( سيف ) ........ يالله حيه ارحب السنه فيها عيدين واليله الثالث يامرحبا يابندر اقلط اقلط ...........صدر صدر ...... راح سيف وجاب العشاء...........وجاب صحن كبييييييييير مره ويوم حط الصحن طلع ملوخيه ............... :p :) وش بيكون شعورك محمد العتيبي |
يالربع;) شوى شوى عليه
:mad: بندر سوالين فقط خفيفات على المعده ............> أعتبرها ملوخيه 1- أحرج موقف مر عليك فى حياتك ؟ 2- أطرف موقف مر عليك كذلك ؟ سلملم |
سنجار ****** لو كنت مكان بندر .. بجيب واحد من إخواني الخمسه .. يجلد عكاشه :) . . أما بعد .. !! زايد الرويس :) *********** لطالما راودتني فكرة الإحتجاج على عدم تفعيل .. صحافة المرقاب .. رغم أهمية هذا الركن .. لذا لك تحية تقدير على هذه الفكره الرائعه.. فالتعرف عن كثب على الأعضاء أمر قد يُولد مزيد من ألألفه فيما بينهم .. .. فشكرا .. . . مرحبا .. يا بندر أول سؤال لازم يكون في صميم الشعر : - ما هي أقرب أغراض الشعر الى نفسك ,, و التي تجد نفسك في الكتابة فيها ..؟؟ بندر السميري .. *********** هواياتك .. ؟ كاتبك ..؟ شاعرك ..؟ و كيف تكون نتائجك عادة في لعبة ( البلوت ) ؟؟:) . . إعترف بسرعه !!:confused: .. تحياتي ،، العنقاء :) |
نكمل اسئلة زايد:
16 - اغنيتك المفضله ؟ شبيه الريح 17 - فنانك او فنانتك المفضله ؟ محمد عبده_ ذكرى_ انغام 18 - اغنيه تتمنى ان تسمع شريطا فارغا بدلا منها ؟ الشريط الفارغ لايُسمع ;) 19 - فيلم عربي لا تمل من مشاهدته ؟ كلّها تتشابه عشان كذا كلّها مملّه 20- فيلم اجنبي لاتمل من مشاهدته ؟ ما أحرص كثير على متابعة الأفلام عموماً 21- فيلم عربي شاهدته وندمت عليه ؟ كثيرة جدّا ولممثلين كبار جداً :( :( 22 - فيلم اجنبي شاهدته وندمت عليه ؟ فلم (مؤتمر السلام)>>>>>>>>>>>> سمعتوا فيه؟؟ 23- مسرحيه لاتمل من مشاهدتها ؟ مدرسة المشاغبين 24- مسرحيه ندمت على مشاهدتها ؟ نسيت ؟؟؟؟؟ 25- لو كنت صاحب موقع المرقاب ماهو اول قرار تتخذه؟ أول قرار اتخذه : أني ما أتخذ قرار الاّ بمشورة أعضاء المرقاب :) :) ;) وشكراً زايد..... |
اسمح لي يازايد ويابندر بالرد هذا وبعدين احذفوه بس وربي قهرني سنجار وخاصه اني تخيلت الصحن الكبير وذبحني الجوع واخرتها ملوخيه مع ان بندر قال مايحبها:(
وجت الاخت العنقاء ماشالله وكملت الباقي تقول سنجار ****** لو كنت مكان بندر .. بجيب واحد من إخواني الخمسه .. يجلد عكاشه:) اكيد انك دباا يالعنقاء وتحبين الاكل:p والا الموضوع مايستاهل اني انجلدhttp://www.sh3byat.com/vb/images/smilies/cry.gif بس لايكون اخوك اقشر وشريhttp://www.sh3byat.com/vb/cwm31.gif <--- شكله على سبة الملوخيه بيجيه Banned يمشي مليوون:( |
ههههههههههههههههههههههههههههههههههه
يا جماعه بقدر ما ادور للاخ بندر سؤال بقدر ما ذبحني الضحك من الشباب هنا تحيتي لخوي بندر والله ما خلو سؤال اسئله وتحية اعجاب كبيره لفكرة هذا الموضوع وكاتبه صراحه انه فوق الرائع جدا بس يالربع قفلو على عكاشه والعنقاء وسنجار ذبحونا بالضحك حتى الضيف ما يعرف يجاوب |
هههههههههههههههههههه اما سنجار وعكاشه ...
عكاشه ..... والله اني قايلك بيجي اليوم اللي تنجلد فيه ;) الله يحييك اخوي بندر ... صراحة ماقصروا الا خوان بالاسئله بس عندي سؤالين .... الله لايهينك: هل كتبت قصيده وندمت عليها لاحقا لاسباب فنيه ؟ يقولون الشعر اما من فيض او من غيض ... الثانيه هذي هل مرت عليك واذا قد صارت لك نبي القصيده ؟ داري ان الاسئله الشعريه ممنوعه ... بس عاد عكاشه ما خلا شي:) تحياتي |
هلا زايد وش هالزين يا زايد
مرحبا بندر الله يعينك يبه مرحبا شفق <<<<<<<<<<<< حط سؤالك و خلصنا تراك ذبحتنا . بالنسبه لسؤال سنجار حول (ابن مهيد) عكاشه , صراحه انا ودي اكمل السؤال و راح احط سؤال ثاني. افرض انك يا بندر طاقك ماغص يمشي مليووووووون و انت دينك و دين الملوخيه مثل ما تقول و عكاشه طلق ان تاكلها, انت تبي تاكل الملوخيه و الا تبي تمشي طلاق عكاشه؟؟؟؟ السؤال الثاني وشكله ماله داعي لكن اسمعه و لازم تجاوب<<<<<<<<<< الظاهر شكلك تبي تجاوب صدق من هالاسئله هههههههههههه السؤال المطروح على خشته يقوووول و عمر السامعين يطول: اذا نمت على فراشك<<<<< اجل يبي ينام على كبوت السياره انت و وجهك , ما علينا من شفق نبي نكمل السؤال لو انك نمت على فراشك و اعياك الارق, و بالله عليك سلم لي على و اعياك الارق , ويلعن ام الثقافه , و فكرت انك تطلع, وين راح تفر فيه والا وين راح تجلس تريح اعصابك ؟ ما عليش سؤال ثالث ممكن ؟ اعتبره آخر طلب سفري:) : ايهما تفضل الخواضه والا العصيده؟ و افلقني ان عرفت الخواضه.:) ;) :p :eek: :confused: :) :o :mad: جميع الوجيه حطيتها لك تنق منها. هههههههههههههههه تحياتي |
فهدالعازمي
شكراً على مرورك الكريم |
معيض العتيبي
هلا وغلا 1- ماهي امنيته للعام الميلادي الجديد؟ الأماني كثيرة وأغلاها تحرير القدس 2- من اول من يقرأ قصيدته؟؟ احد زملائك بالعمل ;) ;) شكراً معيض |
عكاشه
مرحبتين كباااااااااااااار وهلابك وخذ راحتك اسأل ولايهمك ليش انت هادي ؟<----وش رايكم بالسؤال وليش انت مشاغب؟؟ <----وش رايكم بالأجابة:) هل تعلم ان اخوك بدر معنا في المرقاب؟ هااااااااااااااااااه :eek: :eek: :eek: |
شفق
هههههههههههههههههههههههههههههههههههههههه ليت الراتب يعالجك كان عالجتك |
شفق:( عسى والله تنطلق رقبة الموذي:p
بندر هالمره ماهووب سؤال no هالمرّه مساوومهhttp://www.sh3byat.com/vb/images/smilies/green.gif كم تدفع واعلمك على بدر ؟;) |
سنجار
فلم الله يهديك ماهو سؤال:) بس انت نسيت شي عكاشه مثلي مايحب الملوخية ;) :) |
الحين بالله .. إنتوا ليش مضطهدين الملووووووووخيه ..؟؟ والله حلوه :) خصوصا إذا مسويتها أنا <<<<<< ... ماخذه كورس في أم الدنيا :rolleyes: . . نقطة نظام ... عشان العلاقات الدبلوماسية رجاء ..:) تفضل بندر .. جاوب باقي الفلم .. :) <<<< شكلها بنتطرد بسبّة بندر .. |
خالد الذيابى
متعلم اللكاعة من تالي;) والله المواقف كثيرة بس ياخوك ماتنقال :( سلملم.. |
العنقاء
وش فيكم على عكاشه ترى اللي بيتكلم على عكاشه ماني مجاوب على سؤاله:p - ما هي أقرب أغراض الشعر الى نفسك ,, و التي تجد نفسك في الكتابة فيها ..؟؟ انا احب اكتب في لون الحزن هواياتك .. ؟ كرة القدم سابقاً كنت حرّيف كوره والحين الأنترنت كاتبك ..؟ نجيب محفوظ _ قماشة العليان شاعرك ..؟ كل من يكتب قصيدة تصل الي عندما أقرأها كيف تكون نتائجك عادة في لعبة ( البلوت ) ؟؟ مرات فوز ومرات خسارة بس انا محترف في البلوت وما أغش ;) شكراً العنقاء.. |
| جميع الأوقات بتوقيت GMT +3. الساعة الآن 04:04 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية