الـــمــطــــــــــر
هذه القصيده لها فترة وهي بمناسبة الامطار
الاخيره على المعموره عسى الله ان يبارك فيها اتمنى ان تنال اعجابكم [poet font="Simplified Arabic,4,black,normal,normal" bkcolor="darkblue" bkimage="backgrounds/18.gif" border="double,4,gray" type=2 line=200% align=center use=ex length=0 char="" num="0,black" filter=""] المطر حنّت رعوده والتعج براقه=صدّق وهذا اوله فوق الثرا دفاقي جاء سحابه حادر(ن) مملي تدلاّ اعناقه=وانتثر هملوله وساق وسقا وانساقي مرحبابه عد عين(ن) للحيا مشتاقه=مرحبا يامفرّج الضيقه على من ضاقي ياهماليله تساقيّ وارفقي بادفاقه=اسقي الارض المحيله والثرا مشتاقي قالوا ان الوسم قفاّ والوسوم اشفاقه=قلت ربي ياعرب هو كافل الارزاقي الكريم اللى يجود ولابخل بارزاقه=بأمره اتلم المزون ويلعج البراقي هذي مزونه تهامل والحيا باشراقه=كل وادي سال حتى القاع صارت ساقي وامتلت كل الخباري من زلال اوداقه=لين عقب اسبوع بيّن باذره وادقاقي ابشروا يااهل المواشي لااكتسى بارناقه=ليتني مابعت في هاك السنين انياقي جت مناة اللى شفوفه من شفوف انياقه=ابدوي(ن) للفياض المخضره عشاقي يوم شاف الوسم صدّق زال عنه ارهاقه=من يلومه غير خبل(ن) خافقه ماتاقي ميت(ن) قلبه وعايش في زمانه عاقه=شف باله لبسه وتسكّع الاسواقي جعل جنسه في تناقص قاطعين الساقه=لين مايبقى لهم بين الخلايق باقي الحيا نبته لقلبي سجته واشواقه=شوفته تبهجني وتبعد هموم اعماقي بكره اليا نوّر النوار بين اوراقه=واكتست جرد الفيافي هي تراها اشواقي والدلال وشب نار(ن) بالدجا شعاقه=وسط روض(ن) ريح نبته ينعش الخفاقي بين خطلان اليدين امتيّهين الناقه=لابة(ن) بين القبايل مستواها راقي سجّة(ن) تبعد هموم المشتحن واغلاقه=والمدينه بالحيا مالي عليها اخلاقي هالليالي وقتها بين الليال اذواقه=ماتعد امن العمار بسجّة الارفاقي من تطوفه والله انه ماتزين اخلاقه=لين يمشي وسط روض(ن) زاهي الارناقي *************************** وسلامتكم عمّـان [/poet] |
حسين العتيبى
أحد أبرز شعراء المرقاب نظم بالمطر وهو تواجد حرفه كالمطر قصيدة شامخه جت مناة اللى شفوفه من شفـوف انياقـه ........................ ابدوي(ن) للفيـاض المخضـره عشاقـي يوم شاف الوسم صدّق زال عنه ارهاقـه ........................ من يلومه غير خبـل(ن) خافقـه ماتاقـي أيو الله من يلومه الله يلوم اللى يلومه سبق لى مصافحتها بصوتك بديوانية شعراء النبط وهأنا أتعطر بها هنا لاهنت شاعرنا ومن زود فى زود والمغاتير ماعنها مجناب بس أنت اخلص دراسه :) وما عنك وعنها راح تشتريها مرة ثانيه |
الرائع..........حسين العتيبي
بيض الله وجهك................لحروفك مايجعلنا نطمئن بأن الشعر لايزال بخير... مناسبة رائعة وقصيدة تعيش في صدورنا..... صح لسانك... ..........والمدينه بالحيـا مالـي عليهـا اخلاقـي........... دمت مبدعا يبو يزيد... |
الشاعر حسين العتيبي
جت مناة اللى شفوفه من شفـوف انياقـه
**********ابدوي(ن) للفيـاض المخضـره عشاقـي اللهم زد وبارك جت في وقتها يا حسين شكرا لك على هذا الوصف المدهش كما عودتنا العذوبه لا تفارقك سجل اعجابي يالغالي اخوك عامر عمار |
الشاعر الراائع والقدير
حسين العتيبي صح السااانك مليوووووونه على هذه الرائعه اختك عندل |
السلام عليكم
هلا باخوى حسين علي العتيبي صح لساانك ولا هنت اختك ديمة الشوق |
حسين علي العتيبي
ياسلام عليك ياحسين ........
صح لسااااااااااانك ولا هنت ........ المطـر حنّـت رعـوده والتعـج براقـه ...................... صدّق وهـذا اولـه فـوق الثـرا دفاقـي جاء سحابه حادر(ن) مملي تـدلاّ اعناقـه ..................... وانتثر هملولـه وسـاق وسقـا وانساقـي مرحبابه عـد عيـن(ن) للحيـا مشتاقـه ...................... مرحبا يامفرّج الضيقه على مـن ضاقـي سلمت يالاميرررر والقصيده رائعه ككل ولكن استهلاليتها تفوق الروعه والجمال ..... سلمت يالاميرررر ...... والله يديم الحيا والمطر .. صادق الاعجاب والمتابعه ... |
صح لسانك ياحسين
قصيدة رائعة وشوقتنا للربيع بيض الله وجهك تقبل تحياتي |
الشاعر العذب/ حسين العتيبي
هلابك وهلا بهطول الشعر العذب صح لساانك وبيض الله وجهك قصيده رائعه بروعة شاعرها وعسى الله يرحم المسلمين برحمته ويعيد الامطار كل عام ويعم بها ديار المسلمين كتبت وابدعت دمت ودام ابداعك تحياتي لك |
مرحبا والله يابو يزيد
حسين على العتيبي وعلاقه وطيده بالجزاله والأصاله والكلام العذب قصيده تتجد متعة قراءتها مع كل موسم شكرا لك شاعرنا العزيز وصح السانك الف لاعدمتك ، أخوك / سداح |
الكريم اللـى يجـود ولابخـل iiبارزاقـه
بأمـره اتلـم المـزون ويلعـج iiالبراقـي ياسلام ياسلام صح السانك ياحسين اخوك محمد العتيبي |
بسم الله ,,
اخوي الغااااالي حسين بن علي العتيبي,, جزل ,, وجزل,, وجزل الى ابعد الحدود,, لله درك,, وصح لسااااااانك ,, ولاهنت وبيض الله وجهك,, وتقبل تحيااااتي اخوووك |
حســــــــــــــــين العتــــــيبي
مرحبابـه عـد عيـن(ن) للحيـا iiمشتاقـه يا مرحبا ترحيبة المطر جزل ياأبويزيد قصيدة جت في وقتها لاهنت تحـــــــــــياتي. |
اخي الغالي
حسين على العتيبي صح لسانك على هذه القصيده الله يعطيك العافيه |
الاخ العزيز الشاعر / خالد الذيابي
تشرفت بمرورك على القصيده ورأيك يهمني ويسعدني لاهنت وعلى قولك ماعن المغاتير مجناب خلني اخلص من الدلراسه:) واعوّدلها واعزمكم عندها لك تحياتي يالشيخ عمّــــان |
ياهلا وغلا بمديرنا
معيض العتيبي حليف الطيب والوفا والاصاله الله لايهينك ووجود اسمك يزيدني فخر وينومسني لاعدمتك لك تحياتي عمّــــان |
الاخ العزيز الشاعر / عامر عمار
صح بدنك ولاهنت على مرورك اللى اسعدني وشرفني وما عليك زوود وعسانا نكون عند حسن ظن الجميع لك تحياتي عمّـــــان |
بكره اليـا نـوّر النـوار بيـن iiاوراقـه
..................واكتست جرد الفيافي هي تراها iiاشواقـي والدلال وشـب نـار(ن) بالدجـا iiشعاقـه ...................وسط روض(ن) ريح نبته ينعش iiالخفاقـي بيـن خطـلان اليديـن امتيّهيـن iiالناقـه ......................لابة(ن) بيـن القبايـل مستواهـا iiراقـي سجّة(ن) تبعد هموم المشتحـن iiواغلاقـه ......................والمدينه بالحيـا مالـي عليهـا iiاخلاقـي هالليالـي وقتهـا بيـن الليـال iiاذواقــه .........................ماتعـد امـن العمـار بسجّـة iiالارفاقـي من تطوفـه والله انـه ماتزيـن iiاخلاقـه ...................لين يمشي وسط روض(ن) زاهي الارناقي ابويزيد صح لسانك وفعلا قصيده في وقتها لاهنت ابوزيد |
الاخت الشاعره / عندل
لاهنتي على مرورك وتعطرت القصيده بشذا ذوقك وطيبك لك تحياتي عمّــــان |
الاخت الشاعره / ديمة شوق
من اللى زاد جمال القصيده هو مرورك عليها لاهنتي ولك تحياتي عمّــــان |
الاخ الشاعر / رحيّم الغنامي
الله لايهينك وما عليك زوووود يالغالي تشرفت بمرورك ولك تحياتي عمّــان |
المطر خير
حسين
كم انت رائع اللة عليك ذوق حتى باختيار الوقت دمت دوما رمزا للابداع |
| جميع الأوقات بتوقيت GMT +3. الساعة الآن 12:41 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية