(عاقل _ وشخصيه )
 

قد ابطيت واربها تشفع للبطى .....




[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]يالله انك لا تولعني ولا تبلاني=فالمحبه والا انا منها غسلت ايديه
يكفي اللي قد شربته فالهوى وارواني =والغرام اللي على فقده دفعت الديه
قد عطيت النفس عهدٍ قاطعٍ بيماني=مايحب القلب لا جوزا ولا حوريه
مادريت ان المحبه عادها بتقصاني=لين قمت اشرف المشراف فالعصريه
واثر عاد الحب راهي في ذرى وجداني=واحسبنه قد خلص من مهجتي موليه
خابره واعرفّه من مبطي ولا يخفاني=عاد ذا وسمه مبين بي وعاد كويه
المحبه ترهق الرجال لين يعاني=تصفقه من دون لا رحمه ولا ماويه
تربكه وتعجله ويصادم الجدراني=ويلبس الغتره ولا يدري عن الطاقيه
والهواوي دايماً لجل الهوى سهراني=ولا رقد لازم يشوف احلامه الورديه
تشغله ويحب يكون الحاله ووحداني=والهموم اداقشه وتحط له دوريه
صاحبي سلطان وانته واحد امن اخواني=العلوم اعفاك واخذ العلم ياراعيه
رحت للدمام مدري ويش له وداني=الوكاد اني نويت وروحتي وديه
واعتبرها شورت المغوي بعد ما اغواني=ليتني يالهاجري ما رحت للشرقيه
توني واصل .. واطفي موتري .. مامداني=لا وانا ودي برجعه لديار الحيه
استحيت .. وخجل وجهي .. والعن الشيطاني=واجل الروحه بعد يومين والا اشويه
كل هذا من سبب مدعوجة الاعياني=خففت بي وانت تعرف ( عاقل وشخصيه)
لين صرت اجاهر الونه على ما جاني=وقمت اغني والعي بصوتي مع القمريه
رايحٍ فاللفه وبسم الله الرحماني=مابقى الا روحتي للصحه النفسيه
ترفةٍ تشطب على كل البني من داني=بكرةٍ من زينها تفرق على المنقيه
اقصر اطوال البنات وعودها روياني=كل ما قفت ترج الكوره الارضيه
واليدين ملقصه والموت فالذرعاني=والخدود مورده وعيونها سحريه
فوق هذا واشهد ان في راسها قوماني=تحتمي في ربعها والموت ياطاريه
تعتزي في خالها ومعربة جداني=وتنومس كل ما ذكرتها بالهيه
ودي اني لاقي لي حاجةٍ تنهاني=فارقه فالزين والمنطوق واسنافيه
صاحبي سلطان وانته واحد امن اخواني=قرب الميسم ودبل كييتين بكيه
[/POEM]

يكفي اللي قد شربته فالهوى وارواني
والغرام اللي على فقده دفعت الديه



أتمنى أن لا اكون على ساقتك والا ادفع الديه :)



بيوت تتبارى في حسنها يابن شباب ومليئه بروحك الجميله



صح السانك عدد حروفها





تحياتي / حامد

حجز 2

.
.





3



3



3




.

لا بد من العوده مجبر

اقصر اطوال البنات وعودها روياني=كل ما قفت ترج الكوره الارضيه
الله يامحمد يهالبيت

صح الله السانك وبارك الله فيييييييك


نص يعانق السحاب بجماله وجزالته


لاهنت وبيض الله وجهك

تحياتي لك

محمد بن شباب

قصيدة تستاهل ويستاهل راعيها

أن أقف وأصفق لها ولما تحمله

من المعاني الجميلة

صح لسانك يامحمد وكثر الله أمثالك

تحاياي

تشفع وتشفع وتشفع وتشفع

صح الله السانك يالقرم ولاهنت على ذالابداع

تحياتي لك

9 :)

يا مرحبا في مرحبا في مرحبا

نوّر المرقاب الشعبي يا حبيب الشعب


ابن شباب ..

الحقيقه ان هذه القصيده فوق الاشاده والمدح

فيها تماسك في حبك المعنى وتسلسل فريد النوع


والله يكفيك شر اقصر الطويلات :)



صح لسانك يا بو سعيد مدد ،،


...

مرحبا في مرحبا يابو سعيد :)

اي بالله قصيده فووق الاشاده كيف وانت شاعرهااا
اقووول صح لسااانك كثر اعجابي بهااا



اخووك

اقصر اطوال البنات وعودها روياني
كل ما قفت ترج الكوره الارضيه

إييييييييييييييييييييييييييييييييييييييييه هذا بلا أبوك ياعقاب

محمد بن شباب

صح لسانك وبيض الله وجهك

جزلة من جزل

تقبل تقديري واحترامي

اخوك

فارس الدلبحي

رحت لدمام مدري ويش له وداني
الوكاد اني نويت وروحتي وديه
واعتبرها شورت المغوي بعد ما اغواني
ليتني يالهاجري ما رحت لشرقيه
توني واصل .. واطفي موتري .. مامداني
لا وانا ودي برجعه لديار الحيه
اسحيت .. وخجل وجهي .. والعن الشيطاني
واجل الروحه بعد يومين والا اشويه
كل هذا من سبب مدعوجت الاعياني
خففتبي وانت تعرف ( عاقل وشخصيه)


الله الله ..والله يابن شباب ما احد يلومك :) ..لكن يمدحون الشرقية :)
نص رايق ..وشاعر رائع بلا شك..
.
.
تحياتي وتقديراتي..

لله درّك يامبدع

صح لسانك على ذا الرائعه


سلام

خلني اصلح الاخطاء المطبعيه واجي :(

ترفةٍ تشطب على كل البني من داني
بكرةٍ من زينها تفرق على المنقيه
اقصر اطوال البنات وعودها روياني
كل ما قفت ترج الكوره الارضيه


الله يرج عدوانك :)


قصيدة مليانة ورجت الشعبي بإبداعها المترامي :)
صح لسانك يابوشباب .. وعاش من شافك .,


تحيتي لك .

ها ما عليه يا محمد :(

يا سلام يا محمد يا سلام

ابدعت قصيده جزله

صح لسانك

ولاهنت

بن شبااااااب





لله درررررررررك





والشرقيه اعلوووومها زينه

يامليون مرحبا يابوشباب :)

والله انك طوّلت علينا هالغيبه !! :(

فـ لكن ..

حضورك بهالعشق المكثّف .. دمح كل الغياب المرتكب !! :)


فوق هذا واشهد ان في راسها قوماني
تحتمي في ربعها والموت ياطاريه
تعتزي في خالها ومعربة جداني
وتنومس كل ما ذكرتها بالهيه
ودي اني لاقي لي حاجةٍ تنهاني
فارقه فالزين والمنطوق واسنافيه


الله لايلومك عقب هالوصف هذا كله ..

وانا اشوف ان تدبيل الكيّات بيلحقه تدبيل :)


اعجابي وحبي ومتابعتي يابوشباب ..


وسلامي عليكـ ..:)

الله أكبر يابو سعيد

لا بدّ من العووووده بإذن الله