][®][^][®][عرش الكــرم][®][^][®][

[POEM="font="Simplified Arabic,5,darkblue,bold,normal" bkcolor="white" bkimage="" border="outset,10,darkblue" type=2 line=0 align=center use=ex num="0,black""]
تجارب والحياه أكبرتجارب والرجال رجال= ومن لاجرب الدنيا حقيقة مايعيش أبها



يميني وثقة حبل المراجل والرجال جبال= وتعقب لحيتة ٍ مايحتميها فعل شاربها



على عرش الكرم ثابت شدادي والرجال أفعال= وكسبت من الفعول اللي تبيض وجه كاسبها



على درب المعزه سقت رجلي والقدم مامال= وأشوم بعزتي وأترك وطاها يامعذربها



ردي الساس مايقوى على العليا ولايحتال = ورجله في طلب كلمة نعم ماهوب متعبها



صحيح أن الحمول تخف من وزن الثقيل ثقال= وعزيزيستعز بعزنفسه في مكاسبها

على عدّ الروى ندلي بدلوٍ ماضرب فالجال=ونشرب صافي الجم ورشانا في مقاضبها



أنا حر ٍ نداوي لاشهر عدّى على ماطال= تعلا فالمناصب وأعتلا عالي مناصبها


وأنا ماأسمع من ضعوف النفوس وهرجت العيّال = أخاف مطاوله فالهرج والتاره يجيكبها



سلايل رووس قوم يحتمون القول بالأفعال =مقاديم الرجال اللي عريبه في مناسبها


جريه خطوتي بأسم ٍ يشرفني عن الأنذال= أعرف الموجبه تكرم عن اللي مايوجبها



أنا شفي من الدنياء سنافي ٍ عريب الخال= على ساس المراجل في دروبه مايجنبها



هذا والله رصيدي ياوجيه الخير رأس المال =عريب الساس بحر الجود من كفه يفوزبها



وشفي فالرجال أهل الحقوق وحطت المعدال= أورّد حق وآخذ حق والحجّات مقطبها


أنا وافي بكيلي وأكره اللي هس فالمكيال=ردي الساس من ساس الردى تقصر ركايبها



وأنا شفي من دلال أشقرٍلاسيق في الفنجال=مباهيرٍ تفاهق عن سناء الشعله ولاهبها



تكيّف رأس عمسانٍ من عماسه يضيق البال=ثلاث ولالهن رابع وراع الكيف حاسبها



الأول كيف رأس ومن تكيف به على ماقال =يقند ريحها للرأس لاجتبه هبايبها



ويثني كيفها لعماس باله وأنجلى بالحال=وجاب من القصيد وسند القصه لشايبها



وثالث كيف يكرم بنها والهيل وسط دلال=ويكرم ساس بيت منزله عالي نجايبها



وشفي شف حرٍ(ن) هام نفسه من يد النقال=على جول ٍ بعيد ٍ للنظر شوفه يقربها



تعلاّ وأعتلأ خرب ٍ عليه العين فوقه جال =عليه أهوى بمخلابٍ يفج نحور صايبها



عطيب ٍ لاتمكن مضربه ياعزتي للحال=حرارٍ ماتذوق إلاّعشاها من مخالبها



وشفي لاتناشا في مقاديم السحاب خيال=برق في مدلهمه والهوى دار وتعقبها



وزهم رعاد مقدمها وسمى وأمطر الهمال=وسكرعنه الهوى والأرض كن السيل ناهبها



غسل وجه البسيطه فوق نجد وكل واد ٍ سال=مشوا بفراش خيره لين واد الهضب سالبها



ومشوبه لين ضلع طويق سيله للجذع شيال=وشمال لياالحدود وديرة الأشراف قالبها



ويحده غرب شبك الصيد في محمية الأبطال=وظفى خيره على كل الديار اللي تقربها



ترى هاذي طراة العمر وإن زلت بي الأقوال= أسبّق عذرها قدام قاريها وكاتبها
[/POEM]
الحرالأشقر

المشاركة الأصلية كتبت بواسطة سعد غازي ترى هاذي طراة العمر وإن زلت بـي الأقـوال أسبّـق عذرهـا قــدام قاريـهـا وكاتبـهـا بسم الله ... اخوي سعد الله لا يقطع لك اللسان بياااض وجه وانا اخوك دام تألقك

المشاركة الأصلية كتبت بواسطة سلطان الأسيمر وثقة حبـل المراجـل والرجـال جبـال وتعقـب لحيتـة ٍ مايحتميهـا فعـل شاربـهـا على عرش الكرم ثابت شدادي والرجال أفعـال وكسبت من الفعول اللي تبيض وجـه كاسبهـا لله درك ياسعد على هالباذخه العنيفه صح لساااااانك مليوووون اطربتنا يارجل

المشاركة الأصلية كتبت بواسطة فارس عبدالمحسن اخوي سعد الله لا يقطع لك اللسان بياااض وجه وانا اخوك فارس الدلبحي

المشاركة الأصلية كتبت بواسطة مرزوق الروقي يميني وثقة حبـل المراجـل والرجـال جبـال وتعقـب لحيتـة ٍ مايحتميهـا فعـل شاربهـا على عرش الكرم ثابت شدادي والرجال أفعـال وكسبت من الفعول اللي تبيض وجـه كاسبهـا على درب المعزه سقت رجلي والقـدم مامـال وأشـوم بعزتـي وأتـرك وطاهـا يامعذربهـا الله الله ياسعد ابدعت والله صح لسانك.. :)

المشاركة الأصلية كتبت بواسطة مرزوق الروقي يميني وثقة حبـل المراجـل والرجـال جبـال وتعقـب لحيتـة ٍ مايحتميهـا فعـل شاربهـا على عرش الكرم ثابت شدادي والرجال أفعـال وكسبت من الفعول اللي تبيض وجـه كاسبهـا على درب المعزه سقت رجلي والقـدم مامـال وأشـوم بعزتـي وأتـرك وطاهـا يامعذربهـا الله الله ياسعد ابدعت والله صح لسانك.. :)