.
.

السلام عليكم ورحمة الله وبركاته ،،
مسيكم بالخير جميع


هذي بينكم تنتظر مروركم وإن شاء الله تنال على رضاكم ،،


سيّدي ماذا دهاكا ..!!


[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بين رعشات الحقايـق وإبتسامـات الخيـال=وبين دمعـات الليالـي واختفـاءات الدمـوع
وبين همسات الحكاوي وإنجرافـات السـؤال=وبين أحـلام وأمانـي وانتظـارات الرجـوع
وبين تفريـق المشايـخ بالحـرام وبالحـلال=وبيـن تهميـش المعنّـى امنياتـه بالطلـوع
كل مافاتـك وشفتـه إحتمـال فـإحتمـال=وكل لحظة في بعـادك قـد تـؤدي للخضـوع
شف قصيـدي ياحبيبـي مايقـول إلا تعـال=وشوف خفاقـي بجوفـي ياحبيبـي إمخلـوع
كنت نجـمٍ لالمحتـه زان لـي جّـو الليـال=وكنت يـوم لاذكرتـه ماذكـرت إلا الربـوع
وكنت برقٍ شاع نوره معتلـي فـوق الجبـال=وكنت حكيي لاسمعتـه ماأقـول إلا .ياطـوع
وكنت /وكنت/ وكنت /وكنت ولايهونون الرجال=بقـدر 2000 رجـلٍ مالهـم أصـل وفـروع
بعد هذا.. وكل هذا .. تبقـى أنـت وماتـزال=وسط عيني /وسط قلبي /مسكنك بين الضلوع
(سيّدي.. ماذا دهاكا .. يال هذا الصـد يـال)=وأنت عارف إنك أنته بير وصلـي والنبـوع
لارسـالـه /لاجوابٍ/لاهـلابـك/ لاأتـصـال=ماني والله ياوجودي خابرك شخـصٍ قطـوع
لاتقاطعني وترحـل وتقطـع حبـال الوصـال=ولاتخلينـي وحيـدٍ منهمـل كلـي دمــوع
تكفى يانبع القصايد ..أنت عندي رآس مـال=وإن خسرتك ياوليفي إنطفـت كـل الشمـوع
مدري عقبك وش بلاني صابني طيش وهبـال=كني طفلٍ لو عطيته أي شي يضحـك قنـوع
من بعادك من فراقك صرت أفكـر ف/أرتحـال=يم شيخٍ لانخيته (( سما بإسـم الله فـزوع))
وإنطلق معـه النشامـا فـازع لـي مايبـال=مادرى بإني لفيتـه منصفـع كبـدي تلـوع
كاره الدنيا بسبايـب سيـد نجـد والشمـال= ٍسيد قلبي / ٍسيد روحي/ سيدي من كـل نـوع
جـادلٍ لامـن تحكـى ذوّب أطـراف التـلال=لو همس فإذنـي كلامـه قبـت الدنيـا زروع
الحبيـب اللـي إلا أقبـل ماتقـول إلا غـزال=أسعد أيامه ياربـي صاحبـي زيـن الطبـوع
لو طلب مني سؤال جيتله بأصعـب سـؤال.؟=(( هل تبي تعلن رجوعك وإلا مافيها رجوع))
تكفى يانبع القصايد أنت عنـدي رآس مـال=وإن خسرتك ياحبيبي إنطفـت كـل الشمـوع [/POEM]