هنا لقاء العصيمي والفهري بإيجاز !
بسم الله الرحمن الرحيم
السلام عليكم اخوتي الكرام ورحمة الله وبركاته .. وبعد ’’’’’’’’’’ فهذه محاورة المرقاب المباشره ، والتي جرت بين الشاعرين : حمدان العصيمي و سعيد الفهري ليلة السبت بتاريخ السادس من صفر لعام ثمانية وعشرين وأربعمائة وألف للهجره النبويه على صاحبها أفضل الصلاه والسلام . حيث بدأ العصيمي قائلاً :- حمدان هلا مرحبا في منتدى الشعر والابداع= يديره عقولٍ تدرك الشعر وبحوره والاياسعيـد السر يحفـظ ولاينـذاع= وابوزيد في موج البحر دف بابوره سعيد يدوم البقا والسوق للشاري البياع =لو ان اكثر الاسواق بالخير معموره ابو زيد بابوره يدفه بـدون شراع =على غبّة(ن) في دبـرة الله ماموره حمدان الايام يظهر غيبها والدروب وساع= ولاقدمـك الاّ رايـة العز منشوره ليا كبرت الهوشه ولاجالها فراع= تبي تعكس الواقع من الصوت والصوره سعيد الايام ما أكثر شرّها والزمـن خدّاع =ياكم راية (ن) في عجّة الخيل مكسوره ياحمدان هوش قرود ماهو بهوش سباع =على شان كيلو موز واثنين بندوره حمدان نعرفك طويل ذراع ماانته قصير ذراع=لكن الزمان أتعبك واشبعك من جوره ليا ماحسمنا المشكله خربت الاوضاع= ومات اليتيـم ولقمته وسط حنجوره سعيد عسى الله يخفف لوعة الفاقد الملتاع =فقد له فقيـد خرّجه حتـى عن طوره ترانا حسمنا المشكله والحياه صراع =صراع المريض اللي عرف قدر دكتوره حمدان ترى من يطيح من الجبل ماله الاّ القاع=ومن لا يشير الناس ماينقبل شوره يادكتور حاول تقلع الضرس بالمقلاع=وبـاقي الدعاوي خلها عنك مقدوره سعيد ليا شفت عسّاس الحيا ضيّع المرباع = فعلّمه عن قاع من الوسم ممطوره اخاف اقلعه وتجيه سكته ورى الاضلاع =وافوّت عليك انتاج عقله ومذخوره حمدان سريتوا على نور القمر والدليله ضاع= وراحت مكاسبكم على الدرب منثوره ليا اشتدت الكنه وسمن الشواوي ماع= تجيك العلوم اللي لها أيام مستوره سعيد سرينا بعد طاحت رقاب خضر وقلاع =واثاري بعدنا نكّسوا بيرق الثوره انا منتصر بالله وبالحق والاجماع=ولا ينتصر من حط الاهواء دستوره حمدان يابين الخوى في روسكم والبطون جياع= ثمانين رجل وزادكم كيس شابوره اخذ ياسعيد التجربه والرجال أنواع= مضى عصر قيصر وانتهى الظلم في دوره سعيد ياكثر الوصخ في ثوب يجمع ثمان رقاع=بي تلبسه عوره تبي تتركه عوره اعرف البنادم ياعصيمي خلق طمّاع =لو اعطيه سيّاره وسلطه ومقصوره .. ودمتم بخير ,,,, *حقوق الطبع محفوظه لشبكة ومنتديات المرقاب الأدبيه . |
ابو عتيق ..!
الله يعطيك الف عافية ..!! محاورة كانت رائعة بكل ماتعني الكلمة ..! تحيتي لشعراءها ..ولمن ساهم في إنجاحها ..! الله الله يابو عتيق ..ولولا الظروف المادية :) والمعنوية يابو عتيق لـ .. حضرتها !! . . تحيتي لكـ |
لقاء رائع جدا
من شعراء كبار لاهنت يابو عتيق تحياتي :) |
صلى الله وسلم على رسول الله
وعليكم السلام ورحمة الله وبركاته لاهنت لاهنت لاهنت والحقيقه كانت من اجمل المحاورات بأختصار .. شعراء إختصاص شكرا لهما ولك ولجميع الاخوه المشاركين في تلك الليله المميزه ، .. |
بيض الله وجهك ..
يا .. عبدربه وإختصرت علينا جهد التصفح .. ومحاوره .. شيقه ...وممتعه .. وشعراء عمالقه ... وبيض الله وجيههم ..!! حمدان العصيمي ...و...سعيد الفهري ومن أروع المحاورات ... ودمتم بخير .. |
لاهنت ياعبدربه
والله ليلة ممتازة للغاية وشعارنا عمالقة اسعدونا وعلمونا بعض من علمهم في مجال المحاورة الف شكر للحضور ولك ياأبو عتيق |
لقاء رائع جدا
من شعراء كبار لاهنت يابو عتيق تحياتي فارس الدلبحي |
تسلم ياعبد ربه دايم سباق للعلوم الغانمه
|
اللهم صلِ على نبيك
حمدان العصيمي & وسعــيد الفهري بيض الله وجيهكم وصحت السنتكم ,, محاوره ممتعه وليله مرقابيه جميله وشعراء متمكنين وحضور رائع عزالله الف شكر يا ابو عتيق على جهدك وتنسيقك ويمتد الشكر للاخوه مشرفي الفنون نواف نايف وبنــدر على تنسيقهم الاكثر من رائع للمحاورات المباشره دمتم بخير |
شعراء على مستوى عالي جداً .. وطاروق يسوى له مليووون
ابداع ابداع .. لدرجة الاستمتاع صحت السنتهم وبيض الله وجيهم ولا عدمناك يا شاعرنا الكبير / ابو عتيق وتسلم يمناك |
بيض الله وجهك يابو عتيدز على التنسيق
وصح لسان الشعراء لاهنتو جميع . |
بيض الله وجهك يبو عتيق على جهودك
والشعراء من الوزن الثقيل |
أخوي عبد ربه يعطيك العافيه ومحاوره رائعه ومن الوزن الثقيل جمعت نجوم لهم مكانتهم في ساحة المحاوره النجم الشاعر حمدان العصيمي ...و... النجم الشاعر سعيد الفهري |
| جميع الأوقات بتوقيت GMT +3. الساعة الآن 03:52 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية