وين العزا يوجد على يأس فرقاك !
 

السلام عليكم وحرمة الله وبركاته




قصيدة للشاعر عبد الله بن باتل الرشيدي ( البحر الميت ) انقلها لكم .. علها تحوز على الرضاء




[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ويـن الـعزا يـوجد على يأس فرقاك=يـوم ان يأسك قـام يـغلب رجـاكا
وقـامت شـوي شـوي تبعد مطاياك=حـزم ٍ نبأ دونك وحزم ٍ وراكا
وهـبت ريـاح ٍعـجها دمـدم خطاك=لـين إنـمحت برضي مواطي خطاكا
وتـعـسرت شـوفتك مـاني بـوياك=عـسـر هـنا شـوفك وعـسرٍ هناكا
وعـز الله إنـي بـالتلاقي مـعك شاك=ونـجمي بـدأ ضـوه يـغور بسماكا
أنـساك لامـاانساك مـاانساك مـاانساك=الله يـشفي مـن عـرفك ونـساكا
بـلـيتني فــي حـبـك الله يـبلاك=مـن شـأن نـصبح بـالمحبة شراكا
ومـنك أنت ماجاني منك غير ماجاك=لـكن خـدين الـنذل جـاني وجـاكا
والموقف اللي غيبة الشمس ماارضاك=وأبـكـاك وأحـرقني ونـبة هـذاكا
فـرقـتنا مـن غـير قـصد بسواياك=والـعـيد جـبـته فـينا الله هـداكا
وأقـفيت مـن عندك وأنا كني إمعاك=وكـل سـحب نـفسة بصمت ونواكا
وعـلي تـخطي لـكن أدمح خطاياك=وتـزعل وتـرضى من خلاك بخلاكا
وأنا أبخصك وأبخص خوافيك وأقصاك=وهـذا الـكفيل الـلي تـكفل غـلاكا
وبـعدي عـنك يازين مدركني إدراك=ولـقيت عـذر وجيت لـجلك نـراكا
جـيت بذكاء مااذكاك مااذكاك مااذكاك=يـالـلي عـلـيك الاذكـياء مـاتذاكا
مـااجملك يـالغالي بـعيني ومأاحلاك=أنـت الـغلا وأنـت الـحلا والملاكا
غـير الـجمال الـلي ذبحني وغوّاك=عـفـيفةٍ نـفـسك وحـلـوٍ نـباكا
ودنـيـاي شـالتني وشـالتك دنـياك=عـقب الـسوالف والـدلع والـمراكا
ولاهـي بـعيني شـئ دنـياً بـلاياك=الله يـقطعها! ويـسـعد مـسـاكا
ومـسـموم حـبك يـاحبيبي وفـتاك=وكـل الـمشاعر دبّ فـيهن هـواكا
مـع الـقمر والـريح وأسوار وأفلاك=أنــا وهـن قـمنا نـدور بـرجاكا
وفـي كـل حين يمرني طيف ذكراك=وأجـنح مـعه عـبر الـخيال ومعاكا
ولايـصوّرك طـيفك عـلى ماتمناك=وفـي طـيفك أشياء ماحيه من بطاكا
تـلوح لـي صـورتك بالطيف مناك=وعـنـي تـلوذ بـسرعةٍ وارتـباكا
ويـكفخ عـليك الـقلب والنفس تبغاك=ونـفسي وأنـا والـقلب قيك إنتشكاكا
وتـشتاق يـاالغالي عـيوني لـرؤياك=ولـو مـاعليها أمـون يـمكن تـباكا
مـالك عـوض عـندي ولامنك فكاك=مـايـفكني مــن حـبـك الا لـقاكا
والـكبد مـايروي ضماها سوى ماك=ولامـن ضـماك ولاهـواك إنـفكاكا
ولـو كل عمري ضاع ماادركت لاماك=أنــا وعـمري كـلنا مـن فـداكا[/POEM]


ولكم التقدير ..

اخوكم ابو نايف

أخوي شامخ الشامخ

الف شكر لك على إتحافنا بهذه الرائع للشاعر الكبير عبدالله بن باتل الرشيدي وهو شاعر كبير بلاشك نحرص على وجود قصائدة في المرقاب، وتمنيت أن أجد ديوانه لنقل أكبر عدد من قصائده لاكنني للأسف لم أجده، ولكن البركة فيك انت وكل من يحفظ قصائدة

وتحياتي لك

شامخ الشامخ



وينقل يدل على ذائقة راائعة



نتمنا المزيد



شكرا جزيلا

الاخ شامخ سلمت على النقل الجميل لهذه الرائعه

الله الله الله


لاهنت والله يا أبو نايف على النقل وحسن الاختيار

وصح لسان شاعرها :)

لك كل الود

أخوك

ابداع ......


قصائد البحـــر الميــــت ابداع



سلمت اناملك يابو نايف



وصح لسانك

لا شكر على واجب اخوي محمد ..
والشاعر عبد الله له الكثير من القصائد موجودة لدي .. وسأقوم بنشرها لاحقا ً ان شاء الله ..

لاهنت على حضورك .. ولك مني كل التقدير ..اخوك ابو نايف

مساء الرضــى ..
صح بدنك ولاهنت ِ يا فوق الثريا ..
لا شكر على واجب .. فهذا قليل بحق الشعراء المبدعين ..
شرفتي بحضورك ولك مني التقدير ..

ابو نايف

مرحبا بك اخوي عبد الله وبحضورك ..
لاهنت على تواجدك .. ولك كل التقدير

اخوك ابونايف

وانت سالم يا طويل العمر ..
كل التقدير لك على حضورك الطيب .. اخوك ابونايف

صح لساااانك

وجزله من راس جزل

ولاهنت اخوي نواف على تواجدك وحضورك الطيب..

كل التقدير .. اخوك ابو نايف

وانت سالم اخوي محمد
لاهنت على حضورك وتواصلك

لك مني التقدير ..اخوك ابو نايف

لاهنت يابونايف وبيض الله وجهك على هالتحفه

وصح السان شاعرها


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جـيت بذكاء مااذكاك مااذكاك مااذكاك = يـالـلي عـلـيك الاذكـياء مـاتذاكا
مـااجملك يـالغالي بـعيني ومأاحلاك = أنـت الـغلا وأنـت الـحلا والملاكا
غـير الـجمال الـلي ذبحني وغوّاك = عـفـيفةٍ نـفـسك وحـلـوٍ نـباكا[/poem]

أخوي شامخ الشامخ

قصيده رائعه

صح لسان شاعرها

ولاهنت يابو نايف

0

نقل موفق لشاعر كبير

تسلم يا شامخ

0