منتديات المرقاب الأدبية - مقتطفات للمسعودي ومستور العصيمي

السلام عليكم ورحمة الله وبركاته

مقتطفات لمحاورتين آآآمل أن تحوز على رضاكم :)

المسعودي :

سلام الله عليكم عد مانبت الورق بالعود
0000000 نبي منك السوالف وأنت يامستور هذبها
تليّمنا وتعزمنا لضيفه بابـــها مردود
00000 تهاون بالعزيمة ما انت داري عن عواقبها

مستور:

هلا يامرحبا حييت ياشـاعر بني مسعود
00000 تدوّر للسوالف مع عتيبيٍ يجيك ابها
نهار انا تواعدنا على وضح النقا المجرود
0000 بهيبتنا كسرنا القوم قدم انا نحاربـها

المسعودي:

تبي تزبن على الحيّد الزبين وتبذل المجهود
00000 سواة الغاوي اللي مخطي الساقه وعاقبها
سواة البندق اللي تأكل الصفرة مع العبرود
00000000ولو يرميبها الرمّاي ضايعةٍ مضاربها

مستور:

انا حدتني الطرقة وجيت أبحث عن أهل الجود
000000 وأثرها مقبره لقبورها تشهد نصايبها
كفيـت ايدامـها قـدامها في سبلك الممدود
0وبعض الناس وش هو عذرها في ترك واجبها

المسعودي :
نهارك صار رمضى وحدتك الليالي السود
000000 ومنهو ذل له من علةٍ مامات غير ابها

وهذي محاورة أخرى

المسعودي :

سلام يامستور واللـــي جاك جاك
------ وان جاك مدة ماعطاك الا كريم
شافوك شايل لك عصا ماهي عصاك
------ وإن كنت صادق قول والله العظيم

مستور :

يابــــادع القيفان علمي ماخفاك
------ إسمع بدل ماقلت في القاف اليتيم
يامضرس النيبان مســوّكها براك
------ مالك عليّه غير أقـول الله كريم

المسعودي :

الطرقـــي العجلان روّح ما احتراك
----- مما بحالــــــه مايبات ولا يقيم
والشمس بكره في الضحى تطلع علاك
----- ويميــع ذاك السمن في وسط اليديم

مستور :

اليا لقينـــا السمن نيدم به غداك
--------وانقدم الحشــــمه لصاحبنا الحشيم
حقك على المرسول والمرسول جاك
-------- احسبك عاقل واثر باسمك حرف جيم

وطلب لجميع من يعرفها كاملة ان ياتينا بها والعذر على القصور

أخوكم