هنا أكتب مشكلتك
 

بسم الله الرحمن الرحيم

صباح الخير للجميع

في هذا الموضوع

أكتب ماتواجه من مشكله

وبأذن الله سنساعدك على حلها

وإذا حلت مشكلتك فأخبرنا عن حلها


دمتم بود

أخوكم // رشيد الروقي

مشكلتي ..!






حبيت واحد مادرى عنّي :)

ابو منور .. والاّ قصدك .. مشكله في الكمبيوتر :)
عموماً مشاكل الكمبيوتر ياكثرها ..
وياليتك توجه نصائح .. يا أستاذ رشيد .. لتلافي سرقات الإيميل .. ولإستعادته .

هههههههههههه

هلا أبو وليد

الحب من طرف واحد مهلك


أبشر باللي تامر به

والهكرز كل يوم طالعين بطريقه ماعاد ينعرف لهم

استاذ رشيد

جهودك واضحة وملموسة
وخبراتك يستفاد منها


الف شكر

مشكور يارشيد ولاهنت

على طاري المشكلة ماعيّنت الذهيبة اللي العام :)

هلا والله ياناصر

ولاعدم ولاخلا

دمت بكل الود

هلا والله يانواف

والله ماعاد شفناها الظاهر غيروا وسمها

ههههههه

دمت بود

السلام عليكم

هلا يا ابو مناور

وشحالك طال عمرك اربك طيب


المهم عندي مشكله دابلتن كبدي قدلها مده

خابر الشريط حق ابدا اللي تحت مدري وشني سويت وطار لاهو على الشق الايمن من الشاشه طالع بالطول كامل هو والساعه وكلش.

وش لون ارجعه محله



ولك كل الشكر على الجهود المبذوله



تحياتي

الويندوز عندك عربي ولا انقلش

وحبذا لو تصور الشاشه عندك

لاهنت لاهنت يا ابو مناور

المشكله انحلت امس ابشرك حلها واحد من اربع



تحياتي

سلام يا ابومنور ..



المشكله :

نبي منكم تعلمونا وشلون نرفع القصائد الصوتيه اللي عندنا فالجهاز
يعني مثلاً :

عندي شيله فالجهاز .. ناقلها بلاتوث من الجوال الى الجهاز
كيـــف اوصلها لـ التوقيع والا الصوتيات ..

يعني وشلون تصير على أرض الواقع حقيقه <--- متأثر بالعقار :)


مع محبتي وتحيتي :)

لاهنت يافهد

وحمدلله انها انحلت

لك كل الشكر

هلا وغلا بالمدير


تم تلبيه طلبك

ولك كل الشكر

الله يعطيك العافيه يارشيد ..


مشكلتي مثل مشكلة المدير .. مشاكلي دايم على مستوى مدراء << بالله :(


عندي مقطع (فيديو صوتي) مثل منت شايف التوقيع .. كود الواحد لاجا يسمعه يدخل
على الموقع ويعبي احرف ويحمّل ويأخذله شوط .. ابيها مثل حليب البل ( من الديس للطاسه ) :)

يعني من التوقيع للإذن .. :)

علمني الطريقة ماعليك أمر .. زائد .. رابطها .. تعبت وانا اجاهدها .. :(

وألف شكر لك على جهودك الطيبّه ..
ولاخلا ولاعدم ..
:)

ياهلا والله يابو صالح



لابد من تحويله لصيغه ويف wav

ثم تحميله

ووضعه بالرابط

اما انا مشكلتي عويصه


كل ما ادخل المرقاب القاه المرقاب قبل شهر ولا يتغيّر لازم كل ماجيت ابدخل اي قسم من الاقسام ادخل عليه وادق تحديث عشان يتحدث ولادخلت على قصيده من القصايد ولا موضوع من المواضيع لازم اني ادق تحديث عشان اقراه وابتلشت شوفو لي حل :(

هلا والله ابو سعد


هل المرقاب عندك بالمفضله يعني تدخل للمرقاب من المفضله ماتروح لقوقل وتكتبه ؟؟؟

كذا يمكن تحصل معك المشكله

طيب يارشيد .. وشلون احوّل صيغة الملف لـ ويف .!!

ياليت تشرشح الحل عشان نستفيد مستقبلاً من الامور البسيطة المعقده .. :)

بالخيرات يالربع
رشيد وانا أخوك اسمعني مدري اقرأني
ابي أفضل برنامج تسجيل صوت ولايكون معقد يعني على طووول أسجّل الصوت
وأنزّل بالموقع من غير تحويلات وما شابهها ....
<<< اكتشف إن صوته زين ويصلح للشيلات مثل الدب ابو متعب
teeth:

تعال يارشيد الروقي :)


وش السواه مع القائمه المنسدله الله يسدلها بخار ،

عاقبتنا من عقائب الزمان :( :(


تفكى علمنا وش نسوي بها ، علّم ابوصالح بعـد تراه يعز عليّ ..!


<- ومطنّشٍ له رساله .

هلا والله ابو صالح

معذره عن التأخير

التحويل لابد له من برنامج

وابشرك حملت المقطع ورهيب

وأحاول ابحث عن برنامج يحوله لو wavلكي يضبط في توقيعك

هلا والله ابو صالح

معذره عن التأخير

التحويل لابد له من برنامج

وابشرك حملت المقطع ورهيب

وأحاول ابحث عن برنامج يحوله لو wavلكي يضبط في توقيعك