المسعودي و العصيمي ..!!
 

السلام عليكم

اعزائي الاعضاء و الزوار .. هذه محاوره بين المسعودي و العصيمي علمين من اعلام المحاوره ..

و لعيون نواف نايف .. :)


المسعودي :

سلام الله علاكم عد مانبت الورق بالعود
نبا منك السوالف وأنت يامستور هذبها

علومك يالعصيمي تختلف فالوعد و الماعود
وانا خابر وراك رجال تفتل في شواربها

العصيمي :

هلا يامرحبا حييت ياشـاعر بني مسعود
تدوّر للسوالف من عتيبيٍ يجيك ابها

نهار انّا تواعدنا على وضح النقا المجرود
بهيبتنا كسرنا القوم قدم انّا نحاربـها

المسعودي :

بغيتوا يوم جيتوا ما لقيتوا غاية المقصود
ومنهو ذلّ له من علّة ٍ ما مات غار ابها

نهارك صادفه رمضى و صادتك الليال السود
و حنا خابرين اوسود سمحه من ثعالبها

العصيمي :

يا عبدالله لا بدّ العلم يطلع فيه نقص و زود
وانا اصحّح علوم الصدق و الكذبه نكذبها

تدوّرنا وتعزمنا لضيفه بابها مردود
تهاون بالعزيمه منت داري عن عواقبها

المسعودي :

تبي تزبن على الحيّد الزبين وتبذل المجهود
سواة الغاوي اللي مخلف الساقه وعاقبها

لكنّك حجّ واحرم و الفريضه بيتها مريود
ليا صحّ البدن باق المراجل من مكاسبها

العصيمي :

ليا منك جحدت اللي حصل عندي علاك شهود
شهودٍ تشهد انك سيبها وانك سبايبها

لقيت ايدامها قدامها في سبلك الممدود
وبعض الناس وشهو عذرها في سدّ واجبها

المسعودي :

تلحّقها بعد يبس (( ... )) و بادت العنقود
تلدّ بعين و الا عين ما تقدر تلدّ ابها

تهس البندق اللي تأكل الصفرة مع العبرود
ولو يرميبها الرمّاي ضايعةٍ مضاربها

العصيمي :

اظنك ماسمعت اللي ينادي و العباد رقود
عديم المعرفه يدعي على الصنعه بصاحبها

بعد حاشتني الطرقة وجيت أنشد عن أهل الجود
أثرها مقبره لقبورها تشهد نصايبها


تحياتي ..

تسلم عيونك وياليت مشرفي الفنون يشيلون المقتطفات

لاهنت يارحيم الغنامي

رحيم

بيض الله وجهك ... وجه نواف اللي خلاك تجيب هذه الرائعة .

وبعدين المقتطفات فيها .. محاورة أخرى رائعة .. ليش نحذفها :)

بيض الله وجهك ووجه نواف على النقل الرائع لمثل هذه الدررررررررررر

الله يبيض وجهك يانواف

محاوره راااااائعه من شعراء كبار

الله يرحم عبدالله المسعودي

ويطول عمر ابو تركي

رحيم



بيض الله وجهــك



نقل فاخر....




تحياتي..


.

الاخ رحيّم الغنامي

مشكور على نقلك لهذه المحاوره الثمينه بين عمالقة المحاوره

تقبل تحياتي

درر:)

وأنت ماتجيب غير الدرر يارحيّم :)

رحم الله الشاعر/عبدالله المسعودي ..

والله يطول عمر أبوتركي ..

لاهنت ..

محبتي ..

أبوشاهر

الله لايهينك يارحيّم


عزالله انك ماتجيب الا الزين :)

امتعتنا يا رحيــّــم ,,,,,

صح لسانك

وبيض الله وجهك

*********

رحيم


تسلم وبيض الله وجهك


*********