البهبهاني وأبو هبّان !
السلام عليكم ،
قويصيده ... [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]يا ربعنا اللي ورا رضوان=شوفوا لنا بيوت شعبيّه بإيجار ما هيب بالمجّان=مشريّةٍ غير مهديّه الله ولا منّة الديّان=لو كلّكم منيّ وفيّه الوضع مخطور في هدلان=حسب الظروف السياسيّه اللي وصل من قصر دسمان=مجموعة أخبار سريّه مضمونها سمّ بالرحمن=وأنحش عن الداب والحيّه والله أعلم .. يا ضرب إيران=خلال الأيام هاذيّه عان البحر فاض بالحيتان=ولا عاد فالحور حوريّه وأجواء البلد كلها دخّان=وحدودها غير محميّه وأحمد نجادي طويل لسان=يزمر بعد خربت النيّه الفرس صفوّا له الفرسان=في دارها نارها حيّه والمشكله قفّل البيبان=ولا يقبل حلول وديّه يقول لملهيّ الرعيان=غرّد لعين الخمينيّه وحنّا ليا ميّل الميزان=تقاطعونا الحراميّه كم بيننا سارق وخوّان=هاذي علوم ٍ حقيقيّه خورشيد .. والمهري .. وسستان=وعبدالحسين وبني خيّه والبهبهاني وأبو هبـّان=وغلوم يا لعنبو حيّه جيران ما تعرف الجيران=ملّه مع الناس ملويّه بكره تكشّر لك النيبان=وتظهر لك أمواس مخفيّه وأوّل ما يقعد بها البدوان=وين أنت يا ناطح الهيّه ويمكن بعد شرذمة طهران=ترشـّنا بالنوويّه نبا نسرمد مع الخليان=ماعاد فالوقت ماويّه نسلم ونآكل لحوم الضان=ونشرب حليب السعوديّه ![/POEM] وسلمتوا ، |
نبـا نسرمـد مـع الخلـيـان
مـاعـاد فالـوقـت مـاويّـه نسلـم ونآكـل لحـوم الضـان ونشـرب حليـب السعـوديّـه ! الله يستر من تكهناتك يا جني :) ولا زال بيتك اللي يقول : بين الاسد بشار وأميل لحود ـــــــ تقاسمو مقتل رفيق الحريري حول الحروه :) عسانا ناكل من لحوم الضان ونشرب من حليب السعوديه من غير شر ان شالله قصيده سياسيه .. والله يستر على السانك من امن الدوله ههههههه والحمد لله اني ما اعرفك الا انك سداح وفي منتدى المرقاب :) اعجابي بكل حرف من حروفك لا يخفاك وزد عليها محبتي الجنونيه :) اخوك الصغيّر ! |
كـم بيننـا سـارق وخــوّان
هــاذي عـلـوم ٍ حقيـقـيّـه خورشيد .. والمهري .. وسستان وعبدالحسيـن وبـنـي خـيّـه والبهبهـانـي وأبــو هـبّـان وغلـوم يــا لعنـبـو حـيّـه جيـران مـا تعـرف الجيـران ملّـه مـع الـنـاس ملـويّـه بكـره تكشّـر لــك النيـبـان وتظهـر لـك أمـواس مخفيّـه وأوّل مـا يقعـد بهـا البـدوان ويـن أنـت يـا ناطـح الهيّـه الله يستر عليك ويرعاك .. القاف والابداع هنا والنظره الصائبه .. تهرج هرج .. ماعاد هي بتنقرى وبس :) الاعجاب ثم الاعجاب ثم الاعجاب ثم الاعجاب والمحبه ثم المحبه ثم المحبه ثم المحبه .. سلامي عليكـ , |
أبك العلم ويش ياسداح
اجل الميسم وصل رقبة الجمل صح لسانك ياسداح والله يحمينا وياكم والسلمين تقبل تحياتي وتقديري فارس الدلبحي |
نبـا نسرمـد مـع الخلـيـان
مـاعـاد فالـوقـت مـاويّـه نسلـم ونآكـل لحـوم الضـان ونشـرب حليـب السعـوديّـه الله يرج عدوك خلك في دارك سلمت وسلم الكويت من شاطيه لمركز الجوازات (ros555- ياحبي لك وياحبي لقصيدك ولولا الحيا جاريتها go: ------------> انهبل الماخوذ تقبل مروري وتقديري أخوك |
سداح .
الله يكفينا شر الفتن .. ومولعها .. كلام صائب ..مليون بـ .. 100 . ويحفظ لنا بلادنا وأمننا .. . . تحيتي ... لك :) |
كـم بيننـا سـارق وخــوّان
هــاذي عـلـوم ٍ حقيـقـيّـه خورشيد .. والمهري .. وسستان وعبدالحسيـن وبـنـي خـيّـه والبهبهـانـي وأبــو هـبّـان وغلـوم يــا لعنـبـو حـيّـه جيـران مـا تعـرف الجيـران ملّـه مـع الـنـاس ملـويّـه بكـره تكشّـر لــك النيـبـان وتظهـر لـك أمـواس مخفيّـه وأوّل مـا يقعـد بهـا البـدوان ويـن أنـت يـا ناطـح الهيّـه ارحب اررررحب يا الدكتور السياسي المحنك والله يا ابو....... بما انك سداح اكيد الولد ذياب :) يا ابو ذياب اني اتصدد من الاخبار اليومين ذي والسبب ذا الاخبار اللي ما تطمن ونظرتك الشامله من خلال القصيده اصابة الحقيقه في مقتل وخاصه مسألة ان اول من بيروح فيها بديونا والله يستر تحياتي لأبداعك الواعي |
نسيت لا اقول صح الله لسااااااااااااانك مليااااار
|
ياويلنا ويلاه وبس
عزتي للي بيته بالرميثيه لا والله الا صار كفته :( صح لسانك سداح والله يستر من قصرانا |
جيـران مـا تعـرف الجيـران
ملّـه مـع الـنـاس ملـويّـه بكـره تكشّـر لــك النيـبـان وتظهـر لـك أمـواس مخفيّـه وأوّل مـا يقعـد بهـا البـدوان ويـن أنـت يـا ناطـح الهيّـه ويمكن بعـد شرذمـة طهـران تـرشّـنــا بـالـنـوويّــه نبـا نسرمـد مــع الخلـيـان مـاعـاد فالـوقـت مـاويّــه نسال الله ان يحمي عباده الصالحين ولا سيما البدو :) وصح لسانك يا دكتور اشهد بالله ان الوضع ما يطمن وتوقعاتك السياسه دائما في الصميم سلامي واحترامي ومزيد اعجابي |
دكتور الله يستر يادكتور والله انك صادق
عيال المتعة ورانا ورانا ولا لهم عدوّ على وجه الارض الا حن الله يكفينا شرهم صح الله السانك والله انك غمزت الدمل الوارم |
قريتها اكثر من مرّه وليلحين ما اوفيتها حقها
خالد الحصيّن .. ما يصير كذا انتو اخويا على الزين والشين وان حصل شي لا سمح الله لازم اتكون معه :) والله انها تروّع يا سداح :( بعد اذنك امخمخ لها شوي واعوّد يا دكتور |
الدكتور سداح
انا مااقول الا الله يكفينا شرّ تنبؤاتك ...دايم تتنبأ بأشياء وتحدث :) .. والظاهر بنسميك (المتنبي) .. عموماً قصايدك تكاد تكون الوحيده التي لا تحتاج لتعليقات لتأكد الإبداع والتفرّد بها .. وتبقى رمز نتعلم منه اشياء كثيره مودتي . . تحياتي.. |
الله يخااااااااارجنا وبس
اما شعرياً حتى صح لسانك ما تفي بالغرض !! والله مدري وش اقول المهم انك تدري وبس |
الله يستر على عباده المسلمين ..
اول شي الف شكر يادكتور على تكريم المواهب بهالدره :) وثانياً الله لايسكت لك صووووت ,, لايزال مسلسل الابهااار مستمر مع كل جديد الله لايضرك , صح لسانك ,, صح لسانك ,, صح لسانك .. وأسأل الله ان يقيض للمسلمين امر رشد يعز به اهل الطاعه ويذل به اهل المعصيه ,, آمين تحياتي |
سداح
// إسمك له وزنه في كل طرق من طروق القصيد :) ومثل ما قال خالد الحصيّن الله يستر من تنبؤاتك انت اذا كتبت في السياسه تجيبهاا تمشي طبلونهاا ما تحاسب على اهل القلوب الرقيقه .. صح الله لسانك يا دكتور ولاهنت تقبل فائق الاحترام والتقدير :: |
والله أعلم .. يا ضـرب إيـران
خــلال الأيـــام هـاذيّــه عـان البحـر فـاض بالحيتـان ولا عـاد فالـحـور حـوريّـه وأجـواء البلـد كلهـا دخّــان وحـدودهـا غـيـر محمـيّـه وأحمـد نجـادي طويـل لسـان يزمـر بعـد خـربـت النـيّـه الله يستر من ذى العلوم :) صح الله لسانك يادكتور السياسه :) اعجابي تعلمه ياكبتن تحياتي لك وودي |
سـداح
تبا تزين الامور ان شاء الله صح لسانك . |
الذي يميز شعرك يادكتور والا فالجزالة والأصالة مفروغ منها ولكن مايميزه هو أنه يدخل للنفوس بلا استئذان ويجبر من يقرأ أن يتفاعل مع نصوصك التي دائماً تحرك الأحاسيس والمشاعر
يادكتور تعجز الكلمات أن تعبر واصفة هذا الإبداع والرقي الشعري والحسي صح لسانك ملايين صح لسانك ملايين واسمح لخربشتي هذه فقد حركت مشاعري وكل أحاسيسي وهي لن تكون كهذه الدرة ولكن هي مجرد تفاعل أجبرتني حروفك عليه [POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ورى العرب تترك الشجعان= يثنون دون العراقية بعيونهم شافوا الدخان = وبغدادنا نارها حيه وين التكاتف على العدوان= قطع العرب صار ماريه عان الرمادي يهل امزان = وفلوجة العز محميه نار ٍ توقّد على الصلبان=وذيل الصليبي مجوسيه ضرباتهم هزت الأركان =وهدت بيوت الصليبيه ماهمهم وش يقول عنان = ينشر قرارات دوليه حطوا قراره على النيشان= وكل القرارات ماطيه ضرباتهم تبري الوجعان =حاله من الوضع مبريه نعم ٍ بهم خيرة الفرسان= وسط الرمادي وغربيه احفاد من سادوا الميدان= بضرب السواعد بهنديه اللي وطوا جد ابو ساسان = وشالوا مراسيم روميه وأحفادهم خيرة العربان = الهم مبادي سماويه اما انتصاراً على الشيطان= والا شهادة وحوريه[/POEM] |
نبـا نسرمـد مـع الخلـيـان
مـاعـاد فالـوقـت مـاويّـه نسلـم ونآكـل لحـوم الضـان ونشـرب حليـب السعـوديّـه ! :) سداح شاعر سياسي من الدرجه الاولى ! لله درّك ولاهنت |
وأوّل مـا يقعـد بهـا البـدوان
ويـن أنـت يـا ناطـح الهيّـه ههههههههههههههههههههه أجل نعبّي مواترنا من هالحين .! تحليل خطير .. وعلوم سريّة حول الصحيح :) مانقول ألاّ .. الله يآمنّا ويكفينا شرّهم كلهم وصح لسانك يادكتور .. ألا صدق أنت وش إسمك .؟<<جحده ههههه |
وعليكم السلام ورحمة الله وبركاته
هلا وغلا ملاييييييييييييييييييييين يامرحبا تراحيب المطر ياحي هالقويصيده دكتور باهر ومبدع د/ سداح صح لسانك يابطل |
| جميع الأوقات بتوقيت GMT +3. الساعة الآن 02:17 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية