تواقيع غير مرقابيه -2-
 

السلام عليكم ورحمة الله وبركاته

هذا موضوع مشابه لتواقيع الاعضاء في العام ولكن بصيغه اخرى

وهو من باب الحياديه وعدم العنصريه النتّيه ان صح التعبير :)

البيتين او الثلاثه او الاربعه او ما يندرج تحت مسمى التوقيع كما ما هو متبّع في العام يوضع هنا ولكنها

لشعراء من خارج المرقاب

سواءً احياء ام اموات سواءً كانت بالعامي او بالفصيح او حتى بالحر ,,


يعني بالعربي ما جاز لكم برى المرقاب اكتبوه هنا ..


وبسم الله نبدأ الجزء الثاني ..



هذا رابط الجزء الاول :
السلام عليكم ورحمة الله وبركاته

http://www.mergab.com/montada/showthread.php?t=24856

شكرا ً يا مثبّت :)

خذ اول توقيع


للشاعر محمد العبدالله المري الله يرحمه

يقول :



الفقارى ما يعرفون الورود
ياكلون الورد .. واولهم ,, أنا !!

السلام عليكم ورحمة الله وبركاته ..

لاهنت على هالمبادرة .. ياطويل العمر ..


[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مـاعرفنا بالـحـيـاه الالشـهـامـه=عـلـى فـطـرة مباديـنـا نظـافـي
بــراة الـصـدق تلهمـنـا الـجــراءه=عـلــى نيـاتـنـا حـــب وتـصـافـي
طبيعتـنـا مـثـل لـــون الطبـيـعـه=سوالفنـا مـن اطـراف الاشافـي[/POEM]

للشاعر سهل بن نافع .. ابو سامي


مع تقديري ..ابو نايف

لونسفهه في هرجته قال حقران
الا نولم ردها حشمتن له




شاعر الجزيره العربيه

ابن عفيشه

عااااااش من جاب الفناجيل والدله
اي والله عشت يا مبارك على موضوعك الجميل


وا صوتـــك اللـــي يكفينـــي % % % عن لجــة المجلـس المليـــان

سعود هزاع بن هتلر الرشيدي

تسلم يابوعبدالله :)

هاك بيتٍ اوحيه من يوم اني وراع ولا أدري منهو له ؟

لكنه يوم تعاين فيه ليا والله إنه جامد !


اي قول:




ماأخبلك ياطابخ الفاس ./. تبا المرق من حِديده !
..

توقيع معجبني جدا

للشاعر ذيب ابن غيده

يقوووول

‘‘
من نزل من عالي الرجم مأحد ٍ نزّله//ايتريح جعل حاله يسـر الشامتيـن

لاهنت يامبارك ., وعزالله من أحبّ المواضيع لي .,,

انا قلبي يوم اشوفك يجي فيـه ارعشـه
حب مدري شوق مدري غلاء مدري شفاه
انت مثل الغيث لامـر لـه دار انعشـه
صح من قال اقرب الحي تاتيـك الحيـاه

لـ الاسطوره .!

( إبن جدلان ) .,

مبارك بيّض الله وجهك موضوع شيّق

يقول الشاعر / ثامر بن محمد القطيم السبيعي (( رحمه الله )) :

اللي رجاله من ورى النذل حاجه .. ياعنْك ماحدّه زمانه على خير

لو زمانٍ فات مركبني شداده // قست حظي مع كبيرين الهقاوي

لـ إبن محيّا .. وأتمنى من يعرف منها شي مايبخل علينا ..

الناس ناس ، وفيهم ألوان وأشكـال ./. وأخير خلق الله : تقيٍّ يصلي !


خالد بن مدعث :)

^
^

عزالله صدق ياعبدربه

^
^
اي بالله صدق ..


رفيقك اللـي تعـزه خسّـره حايـل ./. لكـن لاتحـرج الرجّـال فـي بيتـه

لافي الصيده.

احسبن ما للجمايـل علـى الدنيـا جحـود
ليـن معروفـي بذرتـه بنـاس وجحـدوه

اشهد من يفعل الجـود فـي مـن لا يجـود
مثل من حجج علـى غاربـه ذبـاح ابـوه


حمد هادي المسردي ..يرحمه الله

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تضيق الارض الوسيعه والفجوج الوساع=لاوقف الحظ الاقشر لك على كل ريع
ماعاد تزعلني الفرقى وطاري الوداع=لكن شوري عليك وداعتك لاتضيع
الظاهر ان المفارق خير من الاجتماع=لاصارت قلوبنا شتى وحنا جميع

‘‘‘‘‘[/POEM]
سعيد بن فيحان الاكلبي

ياواهنّي من له من العمر مدّه \ ياخذ سنيات ٍ مع البدو مسرور
ولا يضدّه واحد ٍ مايودّه \ لاعاف داره قنّع البل بمظهور
واليوم الاخر فيضة ٍ مستجده \ والبيت عنده للمزاعيل مقهور
ويازين والله قامة ٍ عقب شدّه \ في خايع ٍ عشبه جديد ٍ وممطور
وطير ٍ ليا سجّ المخاضير هدّه \ يشري بلذّاته بساتين وقصـور
ويمشي على الفاقات مع صلب جدّه \ وضح النّبا ولا غنيٍّ ومستـور


للشاعر سعد بن هتيل .. رحمه الله :)

ياللي زهابك طار مع هبت الريح ........ عج عج بك الوقت وغديت بـ عجاجه
دامك تعرف انك ليا قمت بتطيح ........ ان قمت تنعد من حساب السماجه
وان كان عندك فعل لا تقعد تصيح ........... لا تلجني ماني بناقص لجاجه
حراج ابن قاسم صياح ونوابيح ............ وش لي بابن قاسم ودوخة حراجه
هم قلطوك وذقت طعم المفاطيح ............. والا انت تستسور جناح الدجاجه

هذا اللي حافظه منها


للشاعر .. بدر بندر الغنّامي :)

اشوف رقمه دق واحيا امل ميت \ قلت الاكيد امن التجافي تعلّم
فرحت .. دق الحب الاول ورديت \ وقلبي على فرح الرجوع امتولّم
قلت الدليل بإنك اتحب ؟ دقيت \ وانا احبك .. قال : دقيت اسلّم


للشاعر محمد مناحي :)

يقول الداعيه الشيخ مقيت القحطاني

تفقدت لي جمسٍ سبوق وشريته كاش
ابي سايقه يرتاح لا فر مفتاحه

ومدري وين يروح فيها يوصف الجمس الين قال ..

يسوقه غلام ٍ حاله ضعيّف نشاش
هموم المراجل يعتشقها ولا الراحه

يمر المواتر كنها فالسكك فراش
ولاهوب يزمل سايقه من تمرجاحه

ولولا المبالغ قلت بيسابق الرشاش
ليا ثار من كف اللي اشجع من سلاحه


تكبد مجاهيم الخطوط ونصى حناش
عريب المجاني يعرف اسمها على الساحه


عبيدي عبيدي وان نخيت العبيدي هاش
آآآآآآآآآحه

ولا تزهم ابو احمد وهو غافل ٍ منداش
وفي ايده سهم يعطبك به يوم يلتاحه

لكن نبهه ثم ازهمه وابتهج لا هاش
ترى لازمك سده وضيقتك منزاحه


راح لين قال

مناخ الركايب لا لفت ضمر ٍ وعطاش
ولا وردت الا قليّبٍ عجز ميّاحه


آآآآآش
ابي لازم ٍ لي ( مدري وش يقول ) ابغي اصلاحه

احيانا ً يناش وبعض الاحيان ما يناش
لكن اربكه حناش بالطيب واجتاحه



الله الله ,,,

^

ليتك جبتها كامله يابوعبدالله .. وصف شاعر صح

ياحسين مايشكي من الوقت رجّال / انا اعرف ارجال ٍ شكا الوقت منها :)

مدري منهو له :(