..الكلمـه ومعنــاها..
السلام عليكم ورحمة الله وبركاته الاعضاء الكرام متصفح جديد وموضوع جديد وبدونكم لا يمكن ان ينجح.. وضع من باب الفائده والتسليه .. ودوري انا محاتسيكم ينتهي مع وضع المتصفح .. لكم ..والموضوع يتلخص في ..الادلاء.. بالكلمات القديمه .. الغير دارجه في عصرنا الحاضر .. لمن يجهلها ويجهل معناها.. وباختلاف اللهجات واختلاف ا((لثقافات ))..تكتب الكلمه.. ويكتب معناها .. وتعزز ببيت .. شعري ..هذا بالنسبه لشعراء والشاعرات وبالنسبه للاعضاء الغير شعراء او الشاعرات فما عليه اوعليها.. الاكتابة الكلمه ومعناها واختيار شاعر او شاعره لكتابة البيت الشعري .. واتمنى ان يكون البيت من عين بيوت القصيد .. ((>>يعني على قولتنا.. بيت مسكت.. )) وكل ومجهوده.. مع تمنياتي لكم بالتوفيق .. .. و على سبيل المثال .. ((االنيـا)) وتعني هذه الكلمه ((البعــد)) النيـا = البعـد احسبني ليا اخترت النيا بعيش به وانساكـ ## وانا اخترته ولكن ليتني ياهيه .ماخترته :) الكلمة المطلوبه الآن هي (( المجرهدّه )) ..:) .... |
موضوع اتمنى ان يثبت في اعلى الصفحه
لانه يعتبر كنز معلومات لي ولغيري لله درك يابو هليل .. على فتح هذه النافذه القيّمه اخووك |
B
\ قواك الله واعتقد ان الموضوع يستحق الاهتمام بارك الله فيك يا عبدالعزيز ما تجيب الا المميز والمفيد تقديري اخيك العجمــ بــــدر ــي...@@ \ B |
اي بالله ممتاز يابو هليل
اسعفونا يالربع بالكلمات |
(( المجرهدّه )) .. تعني (( الأرض القاحلة )) ..
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياوجودي وجد من ساقت به ركابه نحيّه = صوب الأرض المجرهدّه مامعه زاد وشرابي [/POEM] الكلمة المطلوبه.. (( الومد )) |
بسم الله الرحمن الرحيم
بارك الله فيك اخوي عبدالعزيز موضوع رائع وجميل وفعلا مثل ماقال اخونا خالد يستحق التثبيت حبيت اسجل اعجابي في الفكره والطرح وكل الشكر للاخوه المشاركين في الموضووع اخوكم مرضي الشمري |
موضوع شيق وجميل
نتطلع للمشاركة من الجميع، ونشكر الاخ عبدالعزيز على هذه المبادرة، مشاركتي: كلمة (سباريت) وتعني الأرض الواسعة الممحلة، قال الشاعر بدر الحويفي: ..................= ولا أحفت سباريت الصحاري رموقه. والكلمة لها اصل في الفصيح حيث قال الشاعر ذو الرمة: ودارية جدباء جرداء جثَّمت = بها هبوات الصيف من كل جانب، سباريت يخلو سمع مجتاز خرقها = من الصوت إلا من ضباح الثعالب ولي عودة إن شاء الله |
الله الله موضوع مفيد يا ابو هليل وشيق
سلمت افكاارك لي عوده ومشااركه |
موضوع متعوب عليه صح
بيض الله وجهك ولي عوده للمشاركه .. |
ابك يالبيضاني عرّف الومد ،
الومد هو شدة الحرّ حدوني عن الماء حدو ذودٍ حداها الومد ./. وردله دزليبٍ يوم جاء مابها القطره :( ,, والكلمه المطلوبه : عيلم :) أبو هليّل ، زقين والله هالحجّان اللي تقادح صطر <- هاعرّفوا هذي بعـد ! :) |
شكرا للجميع
يامرحبا اخوي عبدربه غالي والطلب رخيص: كلمة عيلم كلمة تطلق على وصف البئر الغزيرة الماء، يقول أبو حمزة العامري في وصف منخر فرسه: شبهت منخرها كجبءٍ عيلم يسقى عليه المائح الرواء وقال شاعر آخر: يا جمة العيلم لن نراعي ـــ أورد من كل خليف راعي والخليف: هو الطريق وجاء في تاج العروس (العيلم الماء الذي عليه الأرض) وتستخدم ايضا في صفة المبالغة من عالم فيقال رجل عيلم. ويكثر استخدامها في الشعر الشعبي بمعنى البئر الغزير وشكرا لكم |
^
ماقصّرت يالذيب الأمعـــط ، اف لاكن وين الكلمه المطلوبه ؟ يعني وش تبانا نعرّف ؟ .. |
^
ماعليه انا نيابة ً عنه اقول وش معنى الدحل ؟؟ |
فيك البركه يافيصـل :)
الدحل هو حفره كبيره على شكل لحد عادةً مايكون مأوى للسباع ، أو ماشابه .. يقول برغش ابن طواله :- ابن محيا ضايقونا عياله ــ وصكوا على شمّر سوات الشياطين بشلفٍ مضاربها سوات الدحاله <- لاحظ هنا الدحاله للجمع ! يالله علموني عن (( نعاتيت )) أو عناتيت كما ينطقها البعض :( .. |
هلا وغلا
بالجمييع :) نعاتيت طال عمرك ، يعني رجالٍ ( ما فان ) << دوّر معناها يالحضري teeth: نعاتيت جمع نعتوت وهو الرجل كامل الصفات :) ويقول الشاعر : ذباحة الحايل ولطامة العدا = حتى نعاتيت الطغاة اشهدولها قدم العدا نار ٍ قوي ٍ جحيمها = وقدام وجه الضيف زين ٍ قبولها ابوابهم طوال الليالي مشرّعة = ماحلّجوا قدم المسيّر قفولها هـ علموني وش معنى (( مشـــــــاش )) :) |
نعاتيت على حسب معلوماتي
انها تعني الرجال القروم او المطاليق اقول انا : رمشك سهم و عيونك وساع ــــــــ تخشى لواحظها النعاتيت الكلمه الجايه ( الخمط ) |
ابو هليل
اثرك .. مبدع .. ليا فكرت :) موضوع قمّه ..ومفيد جداً .. ورائع رائع رائع لي عوده بس خل لين الإجازه تنتهي :) |
اقتباس:
:( جاوب على سوعالي وأجاوب على الخمط :) |
8
8 ابك انت من وين طمرت علي انا راد على عبدربه ما دريت عنك انت وردك :( مشاش العظام او مشة العظم و مشة الزور و تجي بعد الارض المشاش وبعضهم يقول ارض مساس هاجاوب انت :( ولا عاد تطمر قدام العرب :( |
^
^ ماهيب على كيفك .. المشاش:- هو الحسو يحفر في الوادي السائل في آخر التسنه ، ولكن عندما يحتمي الحر وتظهر بعض النجوم وهي ماتسمى بالمعتلجات سرعان مايغور ماه وينطمر ! كماقال المرحوم صياف الحربي : علامك يابحر جده تعود فالليال مشاش ::: وطيرك مايطير ويكسرون مطير جنحانه . وكان المقابل له الشاعر / فاحان القعيّاني على ما اظن .. .. وش معنى ( مهجرعات ) . |
المهرجعات ياعبدربه
من أسماء الإبل مهرجعات الحنين قال المستشعر : عان مهرجعات الحنينا .... في واد الدواسر نافقات وباللنسبه لغــالب والخمط / أي شجره طعمها مرّ أو ذات شوك قال الشاعر: «يقولون ضاعت جنتاها (بمأرب) *** ولم يبق إلا الخمط والأثل والسدر » الكلمة الجايه / ( الأثافي ) <<<< أسئلتة بارده ، كنها القطب الشمالي teeth: |
عبدربه
العظام اللي ما فيها مخ يقال لها مشاش و الكلمات يختلف استخدامها من متسان لمتسان نافداك وهذي معلومه جديده و بالنزبا لمهجرعات الحنين هي اللي تهجرع بالصوت و يقولون بعد (مجروعات) الحنين عاد لو انك عندي قريب هجرعت لك يقول الشاعر المرحوم غالب بن منصور بن لوي الشريف و الله ما اكب مجروعات الحنيني -- واني لاصدّر عندها بأم كرّار * بالنسبه للخمط تعريفك صح يبو مشوط و لكن الاستخدام الدارج هو شجر الراك ياقل له خمط الاثافي يابو مشوّط هي اثافي القدر ( الحصى اللي يحط تحت القدر ) و تراها لغة عربية فصحى دايم يستشهدون بالمثال اللي يقول ( و ثالثة الاثافي .. ) و بعضهم يقول ( الاثاثي ) وكلهن معناهن واحد ها وش معنى ( الوهد ) |
| جميع الأوقات بتوقيت GMT +3. الساعة الآن 09:09 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية