هذه نصيحة للشيخ عبدالله بن دخين الذويبي
 

قصيدة من أمهات القصائد ..ونادرة من نوادر الشعر ..والحكمة ..والنصح ..
لوحة من حياة خالدة الذكر لمن يبحث لنفسه عن ذكرٍ بعد الموت ..فالذكر للأنسان عمر ثاني ..
هذه القصيدة للشيخ ..والشاعر /عبدالله بن دخين الذويبي العتيبي رحمه الله .
شيخ قبيلة الذويبات ..و أحد رموزالشعر .. والعِرف ..والحكمة في قبيلة عتيبه ..

رحمه الله ..وأسكنه فسيح جناته ..

وما أصافحكم به سوى( نموذج بسيط) من شعر سار به الركبان ...وأنشده كل محبٍ للشعر ..والحكمه
صاغ فيها أجمل ماقيل في الحكمة ..والنصح ..
ونحن نقوم الآن على جمع شعره في ديوان ..يروي حياته ..شعره
لكل من يبحث عن ثمين الشعر ..ونادره :)

اليكم ...
[POEM="font="Simplified Arabic,4,black,bold,normal" bkcolor="transparent" bkimage="" border="outset,4,gray" type=2 line=0 align=center use=ex num="0,black""]الأوله يالله في حسن الأعمال=ياخالقٍ روحي وعالم باجلها
قال الذي يبني جديدات الأمثال=ولا كل بيبان الشعر مكتملها
أبني هواجيسٍ عريضات وطوال=واسهر على البن اليماني لاجلها
يطرب لها الخاطر على شرب فنجال= ولا أدري وش اللي فالعرب يطرب إلها
قدامنا كم من تمثل ومن قال =عوارفٍ وأقوالهم مانــصلها
وحنا نمشيها مع الدهر لا مال =وكلٍ يوّرى جابته ما مثلها
وياما بدانا في عسيرات الأطلال=وياما مشانا بالقدم في سهلها
وياما لبسنا من جديدٍ من العال=وياما سترنا الروح بادنى سملها
وياما تنطّحنا المواجيب عجّال=نعجل لخطار العشا وانعقلها
من حايلٍ مابين بايع ودلال=نرضي مربيها بسلمٍ بدلها
وياما تعذّرنا على تمشية حال=والروح نكظم غيظها من خجلها
ومن كان فالماجوب يبخل على المال=عسى يمينه يابسه من شللها
وياعبيّد أبوصيك ياطيب الفال=وصّيةٍ من طاب حظه قبلها
الدين للدارين ساسٍ ومنزال=وياسين كم قدامنا من نزلها
وانهو عن المنكر بلا رّي واخيال=وكلمة هل المعروف بالجد قلها
وصون الأمانه عن خبيثين الأعمال=تعرف خبيثين العمل من عملها
واحذر من الصعلوك لاحل واحتال=وكيل دنيا والأمانات أكلها
متلبسين الدين برقِي وختال=وانشاف غرات الموالي ختلها
ويكفيك عن ما اوصيك عرفك بالأنذال=ومن يصحب الأنذال يكسب نذلها
ومن جالس الأنذال يتهم بالأخمال=لن كان تعرفها وتعرف خملها
ولا تفتخر بمعرب الجد والخال=ماكامل ألا من يكمل خصلها
وكم من عريب الجد والخال مازال=يمشي مماشيها ويفعل فعلها
يقولون فالدنيا غيارات واميال=وهذي سواليف العرب من جهلها
الله خلق دنياه وايام وإلـيال=في دبرت الله ماشيه في عدلها
ما الغيره ألا من تِغيار الاجيال=مابين شد إرحالها من حللها
غوغات جيل مستخفين زعال=فالدين والشيمه كثيرٍ كسلها
وإن جا خصومه بين خصمين في حال=كلن تولم واشترك في جدلها
ودقوا مزاميرٍ وزيرٍ وجلجال=وقاموا لها صفين من دون أهلها
وحطوا على الخصمين مقفا ومقبال=ويرمون مابين الخصوم ابدقلها
والخير فاللي للشرابيك حلال=بيبان حق إليا فتحها دخلها
والصدق ينجي فالمخاطر والأهوال=ويبدي علامات الرجال وعقلها
والكذب إله كيال ويجيبه أحمال=معاشر الكذبان لا تضحك إلها
واليا ضحكت ايحملونك وتشتال=ويقولون إلك بالمِد والصاع كلها
ولاكل من يزهابه الثوب رجال=ولا كل من شال الحمايل جملها
هذي نصيحه ياعبيّد من البال=يجني ثمرها كل من يسمع إلها
وصلاة ربي عد ماهل همال=على نبيٍ والأمانه حملها[/POEM]

الشيخ الشاعر/عبدالله بن دخين الذويبي العتيبي..رحمه الله

قصيده درّه من درر الشعر
الف شكر يابو شاهر
على نقلها بكامل أناقتها وروعتها

ورحم الله شاعرها
وبيّض الله وجهك .

اخوي مستور

بيض الله وجهك وبارك الله فيك


قصيده من اروع ماقرئت


رحم الله الشاعر وجعل ماقال في ميزان اعماله

[POEM="font="Simplified Arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]والصدق ينجي فالمخاطـر والأهـوال = ويبـدي علامـات الرجـال وعقلهـا
والكذب إلـه كيـال ويجيبـه أحمـال = معاشـر الكذبـان لا تضحـك إلهـا[/POEM]


لله درك على ماكتبت




اخوك مرضي الشمري

الله يبيض وجهك يا مستور

عزالله درّه ثمينه



ومن كان فالماجوب يبخل على المـال
عسـى يمينـه يابسـه مـن شللها




رحمه الله رحمه واسعه
وغفر له ،،




سلمت يا ابوشاهر :)

فعلا من نوادر الشعر والحكم والنصائح

ومن منا لا يعرف الشيخ عبدالله بن دخين رحمه الله أحد كبار الشعراء


أخي مستور شكرا لك على إتحافنا بهذه الدرة الثمينة

بارك الله فيك وفي نقلك الجميل لهذه النصيحه
الطيبه والقصيده التي تحمل بين طياتها
معاني جميلة
ودمت لنا بخير

الف كشر يامستور على الاختيار الجميل

ورحم الله شاعرها وجميع اموت المسلمين

شاعر غني عن التعريف

********

رحم الله شاعرها

وبيض الله وجهك يامستور

**************

الله يرحمه ويرحم أموات المسلمين

الف الف الف شكر يامستور على ايرادها لنا

وعساكم على القوة

تقبل ودي وتقديري

مع أجمل تحية

أخوك

اشهدبالله انها دره من نوادر الشعر صح السانه

مستور

الله يرحم الشيخ عبدالله

ويرحم اموات المسلمين اجمعين

ويعطيك ألف عافيه أخوي

الله الله الله يبو الراوئع

جهد رائع وذائقتك طبعاً ما تجيب الا درر

لاهنت لا هنت

ورحم الله الشاعر عبدالله بن دخين الذويبي العتيبي

وموتى المسلمين

والف شكر مره اخرى

جزاك الله خير ياناصر :)

نورت المتصفح ..

محبتي :wardah:

ياسلام يابو شاهر على نقلك , , ,

شاعر جزل الله يرحمه ويغفر له . . .

مشكور على هذه الروائع يابو الروائع , ,

محبتي ,

ابو مشهور



رحم الله الشاعر عبدالله بن دخين الذويبي


والف شكر لك على ايرادها ..



لك فائق احترامي وتقديري ...!!