منتديات المرقاب الأدبية - بين راشد السحيمي وعبدالله بن عتقان

السلام عليكم ورحمة الله

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
= راشد السحيمي=
مرحبا بضيوفنا والليله الحفله جميله= كلكم واحد ورى الثاني هلا مليون مره
ياولد عتقان قوم أبغاك في رحلة طويلة=رحلةٍ مدري تمر قديد وإلا ماتمره

=عبدالله عتقان=
البقا ياصحابنا قوم المواقيف الجزيله=والسحيمي يوم رحب عند حرب وفي مقره
أبشر أني لشعل النيران في راس الفتيله= كل صاحب خابره وأحتاط من خيره وشره

= راشد السحيمي=
ياسليم انتم عيال ادم وكلٍ له فصيله=كان مانشره على الطيب على مين أنتشره
الولد هذا مورط له قبيله مع قبيله=كلها من صاحبي لا ذاقوا السلمان حره

= عبدالله عتقان=
يالحروب أصحابنا يأهل البيوت اللي ظليله=العدد مليون وأنتم مايجي منكم مضره
يدعي راشد ولا أدري صاحبي وش يدعيله=الله أكبر بعد سن الأربعين الوقت غره

= راشد السحيمي=
ياسليم أصحابنا يأهل العلوم المستحيله=حول عشرة الأف شخص ولالكم بالأرض جره
سامع الي فالديار بروق ورعود ومخيله=لو عبدالله يعلمني بها لله دره

=عبدالله عتقان=
كيف تنسانا وحنا أهل السيوف اللي صقيله=مجدنا ماله شبيه وفعلنا كلٍ يسره
بارك الله فالفريق اللي ياراشد تنتميله=وأنت ضليت أبدوي والثوب ماتعرف تزره

= راشد السحيمي=
أدري إنك مأنت هين وطيتك دايم ثقيله=مايضر أسليم شي ولا نقص فالذر ذره
ياولد عتقان لا ضاق الشجيع أطلع حصيله= وأنته أغلى من ذهبنا اللي لحاجتنا نصره

= عبدالله عتقان=
فيه دلة زعفران ودلةٍ بالجنزبيله=لا تكررها علينا غلطتك عشرين كره
أنت غالي في عيون أسليم لو مافيك حيله=يوم في قصر السحاب ويوم في قصر المسره

= راشد السحيمي=
كلها ماهي بعيد ومن طلب دلة تجيله=طعمها تعلم به انته وأسمها فنجال مره
لا تنافسنا ترى مالك على الأيام حيله=الصحيح تصير حر إن كان شفت القدس حره

= عبدالله عتقان=
يالله أطلبك السلام ويالله أطلبك العقيله=بعد دولاب الفلك سيطر على الحربي وفره
قول لي يالشيخ راشد وين ضيعت الأصيله؟؟=كيف ضيعت الفرس يامتابع أنجوم المجره[/POEM]