صياف جايب له فرس يبغاني اعطيه البعير .. ابو مشعاب × صيـاف !!
هذه محاورة من اجمل المحاورات التي دارت بين ابو مشعاب وصياف الحربي رحمه الله ابو مشعاب : صياف جايبله فرس يبغاني اعطيه البعير . . . . . . . . . . . . . . . . . .وسليم ما تاخذ حمير الناس سد جمالها هاذي رواحلكم منول مدة الوقت العسيـر . . . . . . . . . . . . . . . . . .الحومها ما تنوكـل وديوسهـا لعيالهـا صياف رحمه الله : الخيل تبغى رجل فارس وانت راسك مستدير . . . . . . . . . . . . . . . . . .وان كان ما تعرف ركوب الخيل انا خيالهـا هاذي رحايلنا تسد النوب فالوقت القصيـر . . . . . . . . . . . . . . . . . .وانته ما تعرفها ولا تقـدر تشـد رحالهـا ابو مشعاب : استاق عيرك لا يضلي عندنـا ينفـر نفيـر . . . . . . . . . . . . . . . . . .يزعج بوابير البحور اللـي تشيـل اثقالهـا اثر الحمير اشكال شي منها كبير وشي صغير . . . . . . . . . . . . . . . . . .وهاذي فصيلة قبل لا جتنـا ولا جينـا لهـا صياف رحمه الله : سليم اثرهم ما يعرفون الخيول من الحمير . . . . . . . . . . . . . . . . . .ما يعرفون الا الجمال بقيدهـا وعقالهـا بكره عباد الله يسمونك عمى وانته بصير . . . . . . . . . . . . . . . . . .واللي ما تدري عن ركوب الخيل وعزالها ابو مشعاب : هاذي عطايا الله كبار الروس فالصحرا تسير . . . . . . . . . . . . . . . . . .اليا بغينا نقطـع الفرجـه نمـس حبالهـا منها البكار اللي لبنها يجبر العظم الكسيـر . . . . . . . . . . . . . . . . . .ما هي رحايل مانعرف الوانهـا واشكالهـا صياف رحمه الله : تعلم الشايب والا انته يا عوض الله غريـر . . . . . . . . . . . . . . . . . .الناس حطت في خيول الحرب روس اموالها هاذي ليا صاح المصيح فاول الفزعة تغيـر . . . . . . . . . . . . . . . . . . ما هي سوات بعيرك اللي حالته يرثى لهـا تقديري الجمّ ؛؛؛ |
الله أكبـر :)
ابوفهد شكراً جزيلاً ، لابد لي من عوده للقراءه بتؤده ! إن شاء ربي .. سلام’ عليكم |
الله يبيض وجهك يا سعود
محاورة جميلة رحم الله صياف الحربي والله يطوّل عمر أبو مشعاب |
الله اكبر
هكذا الطواريق لاهنت يااسعود سلاااااااااام |
بيض الله وجهك يا سعود
أختياراتك كلها موفقه وكلها مميز وذهبيه ميه بالميه بالنسبه للمحاوره هذي وحسب ما روي أنها كانت في برنامج الباديه وكانوا مصورينهم ومعطين ابومشعاب جمل ومعطين صياف رحمة الله عليه حصان على اساس الحياه القديمه والتراث فصياف طلب ابومشعاب الجمل ورفض ابومشعاب وبعد ما رجعوا لتسجيل محاوره فالحلقه بدع ابومشعاب هذا الطاروق اللي اعتقد انه لازال مسجل في ارشيف الباديه :) هذا على حسب علمي ولاهنت يا سعود :) |
هاذي ليا صاح المصيح فاول الفزعة تغيـر
. . . . . . . . . . . . . . . . . . ما هي سوات بعيرك اللي حالته يرثى لهـا هههههههههههههههههه رحمك الله يا صياف .. وطول الله عمرك يابو مشعاب على الطاعه طاروق خفيف دم ورايق .. من ذوي الاختصاص لاهنت ياسعود |
رحم الله صياف
وادام على ابو مشعاب الصحة وبيض الله وجهك يا سعود النفيعي تقديري !! |
*******
ابو سعود بيض الله وجهك على الاختيار الموفق ******** |
0
محاورة رائعة بالفعل لاهنت ياسعود 0 |
| جميع الأوقات بتوقيت GMT +3. الساعة الآن 05:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية