راحة البال
السلام عليكم ،
خاطره مكانها المفترض توقيع لكن أمتدت شوي ، [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]ياحزّة الضيق .. صدري منك ما ضاقي=لقيت معك العلاج وهانت العلّه إليا رميتي بدلوك داخل أعماقي=قريت لك ما تيسّر من كتاب الله أطوي حبالك وأنا واقف على ساقي=عليك راسي طويل ولا قصر ظلّه كم راح من ضيقه .. وكم من حزن باقي=جردت كشف الهموم وجات منسلّه وأنا لوّ أنيّ زعلت وشانت أخلاقي=لازلت من فضل ربيّ من هل الملّه مخلوق قانع وراضي بأمر خلاّقي=مثلت لأمره وانا خاضع من الذلّه بكيت يوم المدامع تحرق إحراقي=لكنّ هانت بعد جفّ البكاء كلّه أخاف من يوم تشخص فيه الأحداقي=وتميل بي كفّة التقصير والزلّه ياربّ عفوك وأنا للعفو توّاقي=كم لي وقلبي يفوح ولا برد غلّه لو راحة البال تعرض وسط الأسواقي=ما كان نص الخلايق صابها خلّه والشعر من يوم ماخربنّ الأذواقي=ماهوب في حلّي ولانيب في حلّه ما غير أغنيّه لو ما حرّك أشواقي=قريحتي من ثلاث شهور منشلّه أدرّج السانيه .. وأعدّل الساقي=واللي سقا السنبله عيّت تسنبلّه ! ما حنّ رعاّدي ولا لاح براّقي=إلاّ بعد راحت اليبّاس مبتلّه لكن عسى ساحته بألفين طقاّقي=هذاك صفقّ له .. وهذاك طبلّه غش ومجامل وزيف وكذب ونفاقي=جات لوجيه البشر ماهي لوجه الله ومسابقات القصايد طاق طرباقي=طربق على الشاعر الموهوب وأرسلّ له فـ الليل طارت ما بين دشوش وأطباقي=والصبح طاحت على البراّد والدلّه وعن سلّة البيض يدري كلّ سلاّقي=وكلٍ تحيزم لسلق البيض فـ السلّه مابين شعر الحدث وعيون عشـّاقي=مشكور يا اللي تعقد الحبل وتحلّه ( خلاص ماعاد فيها قدس وعراقي )=قبل إحتلال العراق القدس محتلّه مدري متى نجتمع فـ المنزل الراقي=بعد أفترق جمعنا كثره مثل قلّه اللي بقا من زهابي موس حلاّقي=نفضت خرجي و وزّعته على الشلّه من يرفع أقلامي ليا جفّت أوراقي=أخاف لا أموت والأقلام منصلّه ![/POEM] وسلمتوا ،، |
وااحــد
|
سداح
لا تأتي الاّ بالدهشة دائما شاعر تناقلت ابياتك مشارق الشعر ومغاربة شاعر يحترم الشعر قامتك الادبية وتحترم الشعر بطرحك الفريد والمتميز نلت اعلى أوسمة الشعر بكل جدارة تحياتي لك ولتجربتك التي يحترمها ويقدرها الجميع ستظل في ذاكرة الشعر يادكتور اخوك الموقع ادناه |
ثلاثه
. |
لله در الشعر
لله در الإبداع لله در الفكر لله درك يا سداح |
إليـا رميتـي بدلـوك داخـل أعماقـي
ـــــــــــ قريت لك مـا تيسّـر مـن كتـاب الله فعلاا هذا هو علااج الضيق !! سداح صح لسانك . |
:
: (( سداح )) لله درك .. !! لله درك .. !! لله درك .. !! تراقصت (( ازرار )) الكيبورد .. طرباً لهذه (( المعزوفه )) الصادقه من فرط أحساسك .. !! بيان (( شعري )) هام .. تقولب بـ (( قالب )) سداح .. المذاب من (( قلبه )) .. النابض بـ (( الشعر )) .. فصب نبضه بـ (( شعور )) خلاّب .. لايمكن تجاوزه بسهوله .. [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياحزّة الضيق .. صدري منك ما ضاقـي = لقيـت معـك العـلاج وهانـت العلّـه إليـا رميتـي بدلـوك داخـل أعماقـي = قريت لك مـا تيسّـر مـن كتـاب الله أطوي حبالك وأنا واقف علـى ساقـي = عليك راسـي طويـل ولا قصـر ظلّـه [/POEM] هذا أنت يـ (( سداح )) .. تسرقنا بـ (( الدهشه )) لـ (( الدهشه )) .. تشريح (( حال )) بمشرط (( جراح )) ماهر .. وحاصل على درجة (( الدكتوراه )) في فن تقيّمه المشاعر .. وتحتفل به الأحاسيس .. !! صح بيانك .. !! صح بيانك .. !! صح بيانك .. !! صح بيانك .. !! يـ (( صديقي )) ـا سداح .. !! :) |
المبدع سداح
الف شكر على الابداع والسمو والرقي دمت مبدعا ورمزا للابداع والاصالة |
الله يطنخك الله يطنخك يادكتووور الشعر
اما ااخر عشر بيووت عزالله انها كااايفه ياوجه الله واولها رووووعه وروعه ياااسلام الصمت الصمت اقرا وقل صح لسانك صح لسانك سلامي وتحيتي |
الغالي عبدالله الرقيب
مرحبا ومسهلا وشكرا لك |
أخي الرجل النقي والشاعر المبدع
نادر مشعل كل ما ذكرته هو الوسام الحقيقي شكرا مليون ولا عليك زود يا استاذي ، .. |
أخي غانم الذيابي
يا مرحبا ومسهلا |
احدعش :)
|
د.سدّاح
أنعشتني بهالقصيده .. والطرق .. والقافية .! واللي اهم منها كلّها .. الموضوع .، والابداع والإعجاب بالقصيده وراعيها .. امر مبطي ومفروغ منــْه :) صح الله لسانك يا د.سداح .. ولا تحرمنا من خوات ذي :) |
لو راحة البال تعرض وسط الأسواقـي
ما كان نـص الخلايـق صابهـا خلّـه انا يكفيني هالبيت مع السلامه |
نأتي الى المرقاب لنرى الشعر
ونرقى الى قمة المرقاب لنقطف من ثمر الشعر الله عليك ياسداح انت في قمة المرقاب ومعك زهور الشعر سلمت يمناك ولاعدمناك |
ياحزّة الضيق .. صدري منك ما ضاقـي
لقيـت معـك العـلاج وهانـت العلّـه إليـا رميتـي بدلـوك داخـل أعماقـي قريت لك مـا تيسّـر مـن كتـاب الله الله الله عليك مبدع مبدع ياسداح صح لساانك مليار × مليار تقبل الود والاحترام والاعجاب اللي ماهوب قليل |
هذا بلا ابوك يا عقاب
لله درررك يا سداح ابدعت ابدعت شعر يبري العله |
سداح
وقنبله شعريّه .. هائله شرح واضح ورأي صريح وتشخيص واقع نعم .. لا يجيد التشخيص الاّ الدكتور سداح .. صح لسااانك مليووووون والشعر الحقيقي .. البعيد عن الزيف والتطبيل .. نستمتع به .. منك ومن أمثالك صح لسانك ثلاثة ملايين .. صحّه :) |
صح الله لسانك يا دكتور ,,
ولك طول العمر ومالك منّا عذر سواء ً به قدس وعراقي والا مابه عراق وقدسي !! المراد ان تواجد اسمك فقط يفتح لمتذوقي الشعر باب يكثرون ضيفانه ومساييره وربعه واهله ,, وفقك الله لما يحبه ويرضاه وادام الله بقائك ,, وصح الله لسانك |
قبل أي حرف اكتبه
الله يغفر لنا ولك ويستر عليك بالعافية في الدنيا وبالجنه في الآخره 0 حقيقة وبعيدا عن المجاملة :S_43: اسمك يبقى رمز للابداع والشعر الحقيقي ( السهل الممتنع ) 0 تقبل مني كل شي teeth: مع أجمل تحية أخوك |
الله الله الله عليك ياسدااااااااااااااااااااااااااااااااح
جزااااااااااااااااااااااااااااله وابدااااااااااااااع منقطع النظير لله درك مانت بحاجة اشاده لكن صح لسانك وعلا شانك دمت بخير |
| جميع الأوقات بتوقيت GMT +3. الساعة الآن 12:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية