(( البعير )) الأطخم .. !!
:
: (( المزاين )) لفظه تنافسيه تدل على المزايد في (( الزين )) .. المزاين بين الأبل .. والمزايد بين البشر .. وربط المزاين بـ (( المزايد )) جعل هؤلاء البشر وهذه الأبل مرتبطين بحال واحد .. حيث يجمعهم (( الشبك )) ويفرقهم (( المفلا )) .. تقام مهرجانات ضخمه لمسابقات (( المزاين )) .. ليفوز في النهايه البعير (( الأطخم )) او لنقل الأكثر طخامه .. بناءً على تصنيف لجنة التحكيم .. و(( الطخامه )) هي اقصى درجات الزين (( شعبياً )) .. وهذا البعير ينقل الى ارض المزاين على عربة نقل خاصه .. وطبعاً هو لايعلم لماذا نقل .. ويتساءل بأستغراب : ليه ماخلوني أدقها (( كعّابي )) مثل العاده ألست أنا سفينة الصحراء .. !! ويحتفى به عند وصوله هناك أحتفاء الشعب المقهور بالقائد المنقذ المنصور .. ويزداد التساؤل عنده : هذولي وش يبون .. ؟؟ ثم يستمر مسلسل العناية بوضعه في شبك خاص تقدم فيه خدمات (( 5 )) نجوم , لجنابه المبجل .. !! ويكبر التساؤل لديه ويتساءل : وش السالفه .. ؟؟ يخرج الى مسرح الأستعراض و(( تلف )) عليه لجنة التحكيم لتقييمه .. وأذا سلم من عيونهم المشفوحه .. وفاز بتقييمهم .. حذفت الشمع وطارت (( العقل )) وعلت صيحات النصر وتبودلت التهاني .. والبعير ينظر بأستغراب ويتساءل : وش اللي صاير .. ؟؟ ثم يعلن مالك هذا البعير أقامة الأفراح والليالي الملاح ابتهاجاً بهذا النصر المؤزر .. ويتسابق الشعراء المرتزقه في نثر قصائدهم (( المرهمه )) الجاهزه مسبقاً .. مع تغيير اسم المالك واسم البعير الفائز .. ويسبغون عليه جميل الوصف وبهي النعت .. وتفتح معها خزانة هبات مالكه .. ويمضي ليلهم صاخباً بالشعر وموقداً بالفرح .. والبعير في (( شبكه )) قد اعياه أرق تساؤل كبير يقول : هذولي علامهم .. ؟؟ :) |
حجز
ولي عوده :) |
2
|
[align=center]هههههههههههههههه
الله يستر على زمااان أول لا طخامه ولا هم يحزنووون:hippie: و(( الطخامه )) هي اقصى درجات الزين (( شعبياً )) .. أما هالجمله go:[/align] |
3
|
ههههههههههههههههههههههههه
ههههههههههههههههههه ههههههههههههه لي عودة ... يا أبن شيبون ..:) . |
:
: ابو حمد تناول رائع وبصوره خطيره بالفعل امور تثير الشفقه والحزن تمنيت عنوان الموضوع بيت الحصيّن اللي فيه وايران تصنع قنبلة ذريه :) ابو حمد .. مواضيع ذات قيمه كبيره رغم قصرها ودسمه رغم خفتها لله درك اعجابي وولائي وتحيتي : : ا خ و ك |
حجز
4 . . . . . |
يابو حمد أنا على ثقة تامة إن فيه أوادم ودهم يصيرون بعارين خمسة نجوم teeth:
وأعتقد إن فيه مميزات ما ذكرتها تتوفر لـ البعير 5 نجوم ولا يحلم بها أطلق آدمي teeth: تناولك لـ البعير ( القضية) كان ممتازاً يا صديقي تحيّتي لك يا معلـم :) |
مطنوووووووووووووخ يابوحمد
جاز لي ها التعبير علامهم هذولي اخخخخخخخخخ والله انك صااااادق وكل عام وانت لف خير |
اقول انت خطيييييييييير وبس teeth:
|
هههههههههههه
ابو حمد علشان تعرف ان ( الحلا ) يؤكل ( عيش ) الايام هذي |
ثم يعلن مالك هذا البعير أقامة الأفراح والليالي الملاح ابتهاجاً بهذا النصر المؤزر ..
ويتسابق الشعراء المرتزقه في نثر قصائدهم (( المرهمه )) الجاهزه مسبقاً .. مع تغيير اسم المالك واسم البعير الفائز .. ويسبغون عليه جميل الوصف وبهي النعت .. وتفتح معها خزانة هبات مالكه .. ويمضي ليلهم صاخباً بالشعر وموقداً بالفرح .. والبعير في (( شبكه )) قد اعياه أرق تساؤل كبير يقول : هذولي علامهم .. ؟؟ طبيعي يغيرون اسم البعير واسم المالك وهذا لان البعير ما يدري وش الطبخه !! :) والله مبدع وقليله في حقك كلمة مبدع محبتي وتحيتي يالامير :) |
[align=center]
0 0 0 بقدر ما هذه الكتابة طريفة ، ومثيرة للضحك ، إلا أنها بنفس القدر مثيرة للأسى والحزن ، كأي عمل أدبي ناجح ، يكتب بطريقة الكوميديا السوداء ، أو كما هي مضحكات مصر المبكيات 00 محزن هذا التسليع ، للقيم ، والمشاعر ، والمواقف 00 محزن أن اقتباس:
هو أمر واقع للاسف الشديد 00 0 0 0 تحياتي أيها الفيلسوف الاطخم0[/align] |
[align=center]إبداع , ياماشاء الله
ومحبتي لك , وبس[/align] |
ههههههههههههههههههههههههههههههه
شف هو على حسب المزاين .. كنه مزاين ابو عشر اكياس شعير والا دداسن ومدري وشو ؟؟ هذا اتركه على جنب بعير طفران وراعيه اطفر منه لكن عليك بالمزاين اللي فيها معارض وفلوس وحذف بشوت مهوب حذف غتر .. مع ان حذف البشوت صار موظه هالايام .. لكن اثمن من عشر اكياس شعير .. لكن الظاهر حتى عشر اكياس شعير ما عاد فيه ذلحين الكيس بـ 50 !! والشوار فيه سم .. عليكم بالسمبوسه يا اهل الابل !! واللي عنده مثل البعير المذكور يشتري له بشت !! |
الحقيقه يبو حمد إنّك أبدعت أيما ابداااااااااع والحقيقه الأخرى أنه ما يقتنص مثل هذه المواضيع الاّ واحد في قمة الذكاء وأنت كذلك يبو حمد ....
ولا يفوتك مزاين آل فلمبان وآل هوساوي وآل كنداسه في جده قريباً !! سر ياصديقي فلا كبا بك الفرس (البعير ) وفقك الله يبو حمد لما يحبّه ويرضاه وزوّجك بكراً ! |
*********
عبدالرحمن انت مبدع فعلا جميل ما كتبت **** |
فيه ( شعّار ) ماهمب صاحين و ( كتّ آب ) كذلك !
وأنت حظية بالي مليّمها من ( الجهتين ) إعجابي اللي لك علااااه ! سلام’ عليكم |
ههههه
ناس ماعندها شغل بعدين **** ويتسابق الشعراء المرتزقه في نثر قصائدهم (( المرهمه )) الجاهزه مسبقاً .. مع تغيير اسم المالك واسم البعير الفائز **** القصيده تلاقيها فارّه الخليج كله ومافيه مناسبه ماقالها وقافها على (ااب) و (الهاا) عشان تمشي على كل الموجات تسلم على كل حرف يخطه كيبوردك :) |
قاتل الله الابداع واقتناص الافكار :)
صدقني يابو داحم , ان تسائل (البعير) عن ما يجري حوله بلحال .. والموضوع كله بلحال !! اعجابي .. المدجج بالحب الصادق :( |
ابداع
ولغّف على مستوى :) اعجابي اللي مهوب مدجج بالحب الصادق !! |
| جميع الأوقات بتوقيت GMT +3. الساعة الآن 11:16 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية