س : ج : ساعتين الشيخي مع ابن شويه !!
 

بسم الله الرحمن الرحيم

السلام عليكم ورحمة الله وبركاته

دائما ما يكون عقوبة المتغيّب في المحاورات المباشره ان ينسق موضوع جديد بدون ردود


ومن هذا الباب ولعدم حضوري الساعتين مع النجمين الشيخي وابن شويه


اسمحوا لي انقل لكم ما دار بينهما بدون الردود الجانبيه .. عل وعسى يجي لي عذر !!



الشيخي
ابن شويه

س : منصبك مستشار إداري في المرقاب وتعتبر من اقدم الاعضاء عضوية واكثرهم فعالية ولكنك كثير الغياب ماسبب غيابك الكثير وحضورك المتقطع؟

ج : في البدايه تبقا ولاهنت على ترحيبك .
وبالنسبه للمرقاب فهو المنتدى الوحيد اللي اتواجد فيه في الشبكه العنكبوتيه وعلاقتي فيه اكبر من مسألة شعر ومشاركات فانا اعتبره جزء من حياتي وشئ اساسي بالنسبه لي والدليل اني مستمر فيه على مدى خمس سنوات تقريبا والغياب دائما خارج عن ارداتي لظروف السفر والعمل وسوء الاحوال الانترنتيه المنزليه مؤخرا.
وعلى فكره انا حتى لو ما كان لي تواجد بالمشاركات تاكداني اتابع المرقاب اول باول ودائما .. وسوالم

س : مطلق بن شويه يشهد الجميع على ابداعه ولكن حضوره الاعلامي متقطع يرجي بعض الناس السبب في ذلك لاستياء مطلق بن شويه من التسليط الاعلامي للبعض دون البعض مطلق ما السبب الحقيقي
لابتعادك عن الإعلام ؟

ج: بالعكس لا استياء ولاهم يحزنون التقصير بصراحه مني انا والسبب الرئيسي الكسل قاتله الله وكثرة الالتزامات العمليه والاجتماعيه .
ورغم ذلك انا اعتقد اني متواصل مع الاعلام لكن مثل ما انت عارف انا من المقلّين في الكتابه ولا احب التكرار وبيني وبينك انا عندي نوع من الايثار لاني اخاف على محمد جارالله ومدغم ابوشيبه ودي انهم يستانسون بالاعلام شوي لاني لو التفت له ضاع مستقبلهم

س : يقال والله اعلم انك اتيت لتتقدم مع المتقدمين لبرنامج شاعر المليون وقال لك احد اعضاء اللجنة لاتشارك لأنك مرفوض مقدما ولذلك انسحبت...والمصدر موثوق وارجو ان لاتتهرب وان تعطينا الحقيقة كما هي ..!! .

ج : ما توقعت انك دفش الى هالدرجه الله يستر من الجاي
عموما مدامك تبي الصراحه فانت تعلم انه من المستحيل ان يتم رفضي لاني ولله الحمد اثق بشاعريتي ولو كان عندي شك بالقبول ما فكرت بالمشاركه أساسا ً.
لكن ما حصل بكل صراحه ان عضو اللجنه طلب مني عدم المشاركه منعا ً لاحراج اللجنه لانهم بصدد اختيار اسماء معينه من قبيلتي ومشاركتي ستحتم عليهم تغير الحسبه خصوصا ان مشاركتي كانت مفاجأه ومن غير اعلان مسبق وكان طلبه طلب اخوي وحرصا ً مني على دعم اخواني شعراء قبيلتي استخرت ولم اتقدم بالمره . وكلنا واحد . لا شارك واحد منهم كني مشارك .


س : قلت في اجابتك ان عضو اللجنة نصحك نصحا اخويا ان لاتشارك لانهم ارادوا ترشيح شاعر من قبيلتك سبيع والحقيقة انه لم يشارك من شعراء سبيع المعروفين حسب علمي الا ناصر الفراعنة ومدغم ابو شيبة فهل يعني كلامك انك لو شاركت فسوف تقصي مدغم ابو شيبة وتلوي اعناق اللجنة ليختاروك وينحّوا مدغم ابو شيبة؟؟ثم انك بكلامك هذا تثبت ان اللجنة لاتنظر للشعر بقدر ماتنظر للانتقاءية من كل قبيلة شاعر واحد يمثلهم وهذا الكلام خطير في حال ثبوته !!


ج : اول شي انا قلت تغيير الحسبه وماقلت تقصية احد الشعراء من قبيلتي .. واما بالنسبه للجنه واختيارها فـ انا لست مسؤول عنها هم وذمتهم
انا مسؤول عن اللي سمعته وعن كلامي وبس



س : مطلق انت محير ..تقول في احد اجاباتك انك كسول اعلاميا وفي الوقت ذاته تذهب لتتقدم في برنامج شعراء المليون ألا ترى انك تناقض نفسك ؟ثم وش رايك في برنامج المليون من حيث اللجنة وطريقة النقد؟!!



ج : وانا صادق من الكسل اني اخذت بـ كلام عضو اللجنه ورجعت من الباب
لو لم اكن مؤيد ومعجب في البرنامج من جميع حيثياته مافكرت اشارك ..



س : ماسر الكتاب الذي نصحك مدغم ابو شيبة باقتناءه لتنمية موهبتك الشعرية.؟وما اسمه؟


ج : اول شي الكتاب ماله دخل في الشعر .. وثاني شي مدغم حاط دوبه ودوبي لاني افضل منه شعريًا وشكليا ً ويحاول يعذربني ويقول القاءك موب زين ويقول حاول تشتري كتاب فن الالقاء لـ طارق السويدان ..
(( فلما أتى ))


س : مطلق ..اتخمت القنوات والمجلات بالشعر واختلط الغث بالسمين لو طلبنا منك نصيحة للقارئ والمشاهد بماذا تنصحه ؟يشاهد اي قناة ؟ويقرأ اي مجلة؟ويتابع أي شاعر ؟


ج : انصحه يتابع قناة المرقاب ويقرا مجلة المرقاب ويتابعني انا بس



وصلنا الى ختام اللقاء مع شاعرنا المبدع / [blink]مطلق بن شويه[/blink]

http://www.i22i.net/uploads/3c7b67ed97.jpg

شاكرين لكم تجاوبكم ومتابعتكم وحضوركم الرائع وأحيطكم علماً بأن لقاءنا معكم سيتجدد يوم الخميس بإذن الله مع شاعر ونجم آخر

الى ذلكم الحين وأنتم في صحة وعافية إن شاء الله


http://www.21za.com/pic/salam_kalam009_files/115.gif

http://www.21za.com/pic/salam_kalam008_files/111.jpg

http://www.21za.com/pic/salam_kalam006_files/85.gif

الله الله الله





لقاااااء ولا اروع منه واسئله واجوبه فالصميم



ومطلق من الشعراء اللي نحرص على متابعتهم دااائما




لاهنت يالشيخي ولاهنت يامبارك على هذا النقل الاكثر من رااائع


واهم شي رخصة مطلق لازم يجددها :)

والله لقاء ولااروع
خصوصا انه مع الشاعر الوسيم
مطلق بن شوية

واقول يابوعبيد ماعليك من مدغم تراك احسن منه شعريا وشكليا
:)
هههههههههههههههههههههههههههههههههههههههههههههههه

الله يعطيك العافية يابوعبدالله ويعطيك العافية يابراهيم
ويعطيك العافية يابوعبيد

وكلبوكم الله يعطيكم العافية
:)

[align=center]الله يعطيك العافية أخوي مبارك 00

كان لقاء فيه الكثير من الاحترافية ، والاجواء الحميمية الرائعة بين الجميع 00




يسلم راسك0[/align]

[align=center]لاهنت يالشيخ ,

ساعتين , المضيف نجم والضيف نجم , وجمهورها نجووم ,

وانا مثلك ياطويل العمر جاي متآخر بس لحقت الدقايق الاخيرة :)

لاهنت يا أبو عبد الله ,[/align]

********

تسلم يا مبارك على التنسيق


لقاء جميل فعلا

***

الحمدلله


ساعتينٍ مبروكه اللي تجيب ابوعبيد بذنه !



أمّا اللقاء
فما يحتاج جميل جدا ;)


والحقيقه ان الشيخي بغى ثم مدري وش جاه ؟!



لاهنت يابوعبدالله على تنسيغك .



اخوكم

عزالله لقاء قمه

المضيف والضيف
كان حضورهم لافت للأنتباه ومشوّق للمتابعه

أبوعبدالله لاهنت على هالنقل
وهذي سنه حلوه سنيتها وهي ان اللقاء ينقل بدون ردود
وصراحه ما اطيب منها يقدر الواحد يتابع ويمخمخ على اللقاء :)






تقبل الله من الجميع الصيام والقيام :)

مبارك الخليفة

لاهنت على النقل الرائع


لقاء ممتع!

هذا والله العذر السمين يابو عبدالله :)
عموماً .. غيابك لن يغتفر مستقبلاً .. ولن يقبل لك عذر :(



اما صورة مطلق شي شي :)
بصراحه اكثر ما اعجبني فيها .. الرخصه اللي فالمخبا :( يا قدمه قدماه !

الحقيقه انها ليلةً من اجمل ليالي المرقاب الرمضانيه
ابراهيم الشيخي
ومطلق بن شويه
نجوم من نجوووم الساحه الشعبيه ومبدعين حتى في حوارهم :)

والحقيقه الثانيه ماردني من التواجد الا حاجةً مهيب على الكيف الله الله ,,
ولكن الكراسي اللي في صورة ابن شويه مهيب غريبةً علي ;)

ودمتم سالمين :)

ابيض وجه يابو عبدالله
و معذور نفداك
المهم انك طيب و متعافي

و اللقاء ما شاء الله تبارك الله ناجح بكل المقاييس

بالتوفيق يابو عبدالله و عقبال مانشوفك انت في لقاء جاي
و تطيح لك في محاور اسئلته مثل اسئلة الشيخي

لقاء رائع كان لنا شرف ((حضوره))

والتنسيق كلام ثااااني

حاول تتغيب دايم ياسمو الشيخ >>> على شان التنسيق

كل الشكر لكل الجميع

فزنا

بمتابعة هذا اللقاء

مع حبيبنا بن شويه :)

لاهنت يابوعبدالله ولا هان الشيخي

مجهود جبار تشكرون عليه

مشكور ياكحيلان



لقاء رايع وتنسيق اروع



يعطيك العافيه

ياسلام ياسلام

لقاء شيّق باصحابه

ولاهنت لاهنت يابن خليفه عزالله انك امتعتنا بلقاء المبدعين

ابراهيم & مطلق


سلام :)

تنسيق طيب يا طيب . . .

عذرك سمين يابوعبدالله .. وفيّت وكفيّت في هالاختصار الجميل :)


ابوخليل .. متميز في كل شي .. الله يحفظك .. :)


مطلق بن شويه .. تحمل رخصة في جيبك ونحن نحملك في قلوبنا .. << يعننّي صاحب إلتقاطات :)

لاهنتوا جميعاً ..

لقاء جميل وممتع

لا هنت يا بو عبدالله