وش لون يظلمني وأنا بنت عمّه ..!!
 

بالنيابة عن جرح احدى صديقاتي




ولـلـ ( آه ) التي ألفظها عنها.

.
.
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما عـاد يسـوى هالزعـل ياقليبـي=فـل الحجـاج ولملـم الّـي تلـمّـه
لاتنثـر الدمعـة ولا تـذم عيـبـي=الطيب عيـب(ن) حالفـة مـا أذمّـه
أمشي علـى النيـة ويمشـي نصيبـي=لـلّـي كِتَـبْـه الله ولازم يتـمّـه
وإنْ كانها اصـروف الليالـي بـجيبـي=والله ما امنـع كــود راس المطـمّـة
و راس المطمّة ما كمـن فـي صويبـي=إلا بعـلـة هالصـويـب ومـزمّـه
للـي تحـرّى مـعْ شروقـي مغيبـي=وش لون يظلمني وأنـا بنـت عمّـه!!
وش لون صدّقْ بي هروج(ن) مهي بي !!=وش لون ما مات الحكي عنـد فمّـه!!
إنْ كانهـا بالعـرف , يشهـد دبيبـي=أمشي بجنب الحيـط واخـاف نِمـه
وإنْ كانهـا بالديـن , يشهـد رقيبـي=وتشهد علي الكهف معْ جـزء عمّـه
هو ولد عمّي هـو عـزاي وطبيبـي=وش لون ما أهمّه وأنـا الّـي أهمـه !!
قد قالها ابن اسـرور وانـزاح ريبـي=( وأحدن يحاول بالردى بنـت عمّـه )
والطعنـة الـي جاتنـي مـن قريبـي=ماهـي مطـمّـة الاّ راس المطـمـة [/poem]

.



بنت وايل ,,

1


حجز

قد قالها ابن اسـرور وانـزاح ريبـي
( وأحدن يحاول بالردى بنـت عمّـه )
والطعنـة الـي جاتنـي مـن قريبـي
ماهـي مطـمّـة إلا راس المطـمـة




فكره جميله وجريئه


رحم الله حالها



بنت وايل


صح الله لسانك

تقبلي مروري

بنت وايل

تسلمين على هالقصيده والله يعينها يارب
وصح لسانج ولاهنتي
وهذا البلا ان المشاكل ماتجي الا من القريبيين
وعلى قول المثل
ان سكت انجرحت وان حكيت انفضحت

تسلمين يالغاليه

شاعرتنا الرائعه
بنت وايل


نزف راقي

اهاته رقي في النسج

والطعنـة الـي جاتنـي مـن قريبـي
ماهـي مطـمّـة إلا راس المطـمـة

اي بالله راس المطمه

يابنت وايل ...

صح لسانك وسلم بنانك

وكان الله في عون صديقتك

على تحمل ظلم الاحباب والاقارب ..

تسجيل حظور وجمهور

للـي تحـرّى مـعْ شروقـي مغيبـي
وش لون يظلمني وأنـا بنـت عمّـه!!
وش لون صدّقْ بي هروج(ن) مهي بي !!
وش لون ما مات الحكي عنـد فمّـه!!



ياسلام ياسلام يا بنت وايل .. معبّره ومؤثّره / والله يعين
قرأت مقدمتها في ركنك الهادي .. الرائع
صح السانك
صح السانك



اخووك

للـي تحـرّى مـعْ شروقـي مغيبـي
وش لون يظلمني وأنـا بنـت عمّـه!!
وش لون صدّقْ بي هروج(ن) مهي بي !!
وش لون ما مات الحكي عنـد فمّـه!!



بنت وايل



صح لسانك

.
.




المطمّه .. !



:)



لي عوده يا بنت وايل .. !





.

بنت وايل


صح لسااانك


رائعه رائعه


تحيتي وتقديري

والطعنـة الـي جاتنـي مـن قريبـي
ماهـي مطـمّـة إلا راس المطـمـة

يقولون الحمّه ماتجي الا من عند الرجلين


صح لسانك يابنت وايل وسلم نبضك والله يعين رفيقتك


تقبلي مروري

بنت وايل




في كل نص جديد لك قسم من الابداع




صح لسانك ودمتي

علي بن طراد




صح وجودك اخي الكريم ..




كل التقدير ..

سلطان النواف


الرائع مرورك اخي الكريم


تقديري ..

الغالية نوض


صح قلبتس .. وطيبة قلبتس



والله يعين ..

و راس المطمّة ما كمـن فـي صويبـي
إلا بعـلـة هالصـويـب ومـزمّـه
للـي تحـرّى مـعْ شروقـي مغيبـي
وش لون يظلمني وأنـا بنـت عمّـه!!


جميله وراااائعه حتى وان كتبت بأحساس غيرك


بنت وايل


للـي تحـرّى مـعْ شروقـي مغيبـي
وش لون يظلمني وأنـا بنـت عمّـه!!



تأكيد بأن هذا البيت لن يمر مرور الكرام على افواه العامه


هنا الشعر وهنا الصدق وهنا الكلااام الموزون



هنا امتعتي من يقرأ


وهنا طرزتي هذا الاسم ( بنت وايل ) من ذهب


دمتي لأخيك

وش لون صدّقْ بي هروج(ن) مهي بي !!
وش لون ما مات الحكي عنـد فمّـه!!





/




بنت وايل






شاعرة راقية


ومتمكنة





قادمة نحو الضوء والجمال










صـ ح احساسـ ك

رووووووووووعه


صح لسانك يالنشميه

موفقه

اليمامة


زاده رقياً حضورك اختي ..


تقديري ومحبتي ..