بدوي و مغترب يا امريكا !!
 

[align=center]بسم الله الرحمن الرحيم
.
.

هنا حرف وقصيد و صوت شاعر !
هنا غنّت معي كل المنابر !
.
.
هنا (( مــرحبــا و حيــاك الـبـاري ))

والله ان شاء الله لتقهوى وبعدين نعطيك العلوم :)
.

.
.
اتمنى تقراء شئ يرضيك .!!

(ros00098-

BADARٌ[/align]

.
.
7
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

.
.
يا صديقي ( ضبّط الكيف القديم) وهاته= لاتدخلني بشؤون العالم العصرية!
ابدويٍ حافظٍ من راس ابوه وصاته= ما خذا الباس الشديد من الزمن عاريه
همّه القمّه..وبعض اشياء داخل ذاته=دين ربه..والوطن والربع والقوميه!
وعلّم اللي ضاع وقته من ورا رغباته=ومن ثمان شهور وهو يحب (يابانيه)!
كان هذا آخر طموحاته على شرهاته=الله يعوّض على أمٍ جابته بالفيه !![/poem]

!
!
!

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غدى صوتي وضيّعت الكلام ومابقالي حرف= على كثر الكلام اللي يجي ما عاد جمعته!
احس اني بدوني لا سيوف ولا رماح وشلف= واعرف القلب ضيعته! ولكن وين ضيعته؟![/poem]

؟؟؟؟

؟؟

؟

واحس اني ..


واحس اني ..


الى أن ..

جاءت ( النادله ) و ألغت ساحة التيهان و امطر عطرها المسكي ! على مبتورها الراهي !

وجيت وجيت .. ونسيت اللي بقوله لين ..
ما ضااع الكلام .. هناك ..

.. وضيعت الطريق .. اللي ابيه !

ولكني اعرف اني متاهه مستقيمه للطريق اللي عليه احلم وابي احلم لاني حالم وعالم بحلمي

واصفراره واحمراره و المراره ! ما تجيب الا مناره !

والطويل يكابده همٍٍ طويل

( والمستحيل اني انا اكون غير المستحيل )

[frame="7 80"]!
اليوم شكلي حزين و ضايق !
مدري وش الطاري .. الي غدى فيني !؟
.
.
يا قلب وين الناس
تفرفوا ربعك !
رفيقك الهوجاس
وانت الوفا طبعك !


ثلج ومطر وغيوم
وانت وراك علوم !
ويا حزني المقسوم
ماانساك ابد ماانساك !؟



سافرت .. مدري لو ان القلب سافر ؟
بس الوكاد ..بتحط بـ Atlanta
وميعادنا بكرا ... اما رساله والا Hello .

درّه من النوع الفريد !
واحساسها نار وجليد !
وانفاسها ...آآآه ياانفاسها !
هيل .. و قصيد ... و عطرٍ جديد !
وميعادنا بكرا ...![/frame]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
.
.
من قلط بالضلوع العوج حيّابه= يحشم الضيف بالترحيب و الواجب
ومن رحل ما نشدنا عن غيابه= عمرها العين ما تعلا على الحاجب
مجدنا مااحدٍ طال مرقابه= والمذله بينا وبينها حاجب
رح لعله مراح النجم وشهابه= دام ما تعرف التقدير والواجب!
.
.
.[/poem]

.
.
صديقي و أخي : مهل الرويضي .. من الاوفياء في زمن قلة فيه هذه العمله النادره ..
معجم من (العلوم الغانمه) ..من دواويني الشعرية المفضله ...من أخواني الذين لم تلدهم
أميّ ..وهم كثرّ ولله الحمد !
صديقي العزيز ..لا تقلق فأن الامل مازال ..وانت من يزرع الامال.. ويلونها بالألوان الرائعه!
و الوعد هامة الدنيا !

ايضا من اخواني واصدقائي و شعرائي : عبدالله الراشد ..شاعر اعتقد بل اجزم انه من الزمن
الجميل وهو احد منصفي الشعر والشعر ينصفه ..لانه يكتبه بكل معاني الصدق وكل احاسيس
الشعر الصادقة ..عندما اتكلّم معه ..اشعر بأني أتحدث مع (شايب ) :) و الشايب يمثل الكثير
من الوقار والحكمه التي نحتاجها ..رغم ان عمره لم يتجاوز الربع قرن ..كما قال في احد
ابياته ..!
الراشد .. انت الراشد بكل شئ ..ولن تخسر وهذه المنتجات الرائعه من مصنعك الخاص في
أعماقك ! فقط( استمرّ ومّر ) و سيسجل التاريخ !

.
.
.
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو ( الهمل ) حلم (شاعر عبس) قلناله= كم بكرةٍ قد وسمناها و(بالكفه)
مير المدى ابعد من اللي قد وصلناله=حلمٍ تمنى الكفوف مصافحة كفه
لعل من يرخي رقبتة لعذاله=تبكية عذرا كساها الطهر والعفه ![/poem]

.
.
.

...
..
[poem=font="Traditional Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تلفتّ..ما حولي حدا والديار خليّ= وعزآآه ياللي روّح العمر وحداني
زهابي ثلاث طعون صلفه وقلبٍ حيّ=اليا صاح الاول جاوب الصيحه الثاني
أدور على ضحكة سعاده ولا القى شئ!=ماغير الهموم وصفق الايام بااحزاني![/poem]
....

..
.
!

( العـيـد)

&&&, كـــ عام وانتم بخير ـــل ،&&&
.
.
اليوم أول ايام (عيد الاضحى المبارك) في وطني الغالي ! والآن الساعه 3:15 عصرا
بتوقيت Chicago ,.. وفي وطني الغالي الساعة 1:15 باليل(ليلة العيد الثاني)!
وأخواني في المركز الاسلامي في Chicago يقولون العيد غداّ لماذا؟ لاادري!! رغم ان
بعض الجاليات الاسلامية في بعض الولايات الامريكيه (عيّدوا اليوم )!
..ولكني قررت انا وصديقي (ابو فهد-بخيت الرشيدي) من الكويت الشقيقه وشقيقي(منصور)
واثنين من اخواني السعوديين نعيّد اليوم على تقويم (ام القرى) لان (الحج عرفه) ولا مجال !
صلينا..وخطبنا .. وعيدنا ..(لحالنا )! ..هنا فعلا أحسست (بالغربة) !!

http://up.mergab.com/uploads_pic/c1f30dac91.jpg

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياابو فهد صلّ واخطب خطبت العيد =دام الله اعطاك من فن الخطابه
في موطني عيد وافراح وزغاريد=وهنيه غربه وتعقيد وكآبه![/poem]

.
.
من دفاتر الماضي .. الحاضر !!؟

.
.
[poem=font="Simplified Arabic,5,blue,normal,normal" bkcolor="transparent" bkimage="" border="double,4,darkred" type=2 line=0 align=center use=ex num="0,black"]
لا يذهلك كبر جرحي يا بحر جدّه= الجرح جرحي وانا اللي لاآزم آشيله!
لا وهنيك تكف الموج وتمدّه= ماذقت صبح العذاب ..ولا قسى ليله !
يرووح موجك مع الارياح وتردّه= وانا ليا راح محبوبي وش الحيله !؟[/poem].
.
.
.

×
×
×
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ضمّد جروحي بمنديل المواصيلي= لاينقتل حبنا من جرحي النازف
لحن المآسي حزين ومتعبٍ حيلي= انت الملحن..ويوم فراقنا عازف
يكفيني اني بشعري سابقٍ جيلي= واني بحبك رخيص الرووح ومجازف![/poem]
×
×
×

http://up.mergab.com/uploads_pic/fe66d6f9f3.jpg

هذا زميلي هنا في امريكا (يوسف العتيبي) ارسل لي ذا الصوره
وحبيت امازحه وارسلت له ذا البويتات :)

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياابو عتب حبّها تستاهل الحبّه=ابرك من تحب لك وحده امريكيه!
هذي تقدّم مدى الرجال وتنبّه=وهذيك ذنب وخسارة عمر عاريه
عليك باللي تزيد العز وتشبّه=شقحٍ ومرباعها روض النعيريه
ياحي طاريّها لا جات منصبّه=عبسيةٍ ساسها والا عتيبيه [/poem]
×
:)

÷
÷
÷
[poem=font="Simplified Arabic,5,indigo,normal,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
يجتاحني غيمٍٍ من الهم والياس = حتى انا عجزت لا اوصف شعوري!
احس مافيني مشاعر ولا احساس= متبلدٍ ضيعت يمّة عبوري
ما غير انا وياك يا طايل الراس =لو ان صفق الريح يدمي سطوري ![/poem]
÷
÷
÷

أبيات من الضيقات ..!!
 

.
.
..(مدينة ماكومب) .. مدينة هادئه جداا و صغيره في اطراف مدينة شيكاغو الرائعه !
أحيانا عندما يكون الحلم عظيماّ يكون التعب و المجهود أعظم.. حتى يتحقق الهدف !
لذا دائما الانسان يواجة ظرووف صعبه بمعنى الكلمه ..ولكن يجب ان يدرك ان (العظائم للعظام).
.
.
.
في إحدى الليالي المتعبه على قولتهم طلعت هالبويتات :)


[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أتصفق وسط (ماكومب) وحداني = ونفسي الصلفه عن الناس مغنيها
وناسِ تسولف عن افلان و فلاني= والله اني غير لا أموت مااجيها
الفضاء مفتوح صدره على شاني= وان جفت (ماكومب) اقلع و أخليها !
وان وردّت اتجاذب الطيب ذرعاني = غير كسب العزّ ماني مضريها ![/poem]

.
.

بالله علموها ..!!
.
.
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تبدا علوم وتنتهي مثلها علوم=ونودّع المقفي سلام وتحيه
لنا بياضٍ بالحشا كنه غيوم= و إلنا غيومٍ بالضلوع النديه
والصدر هذا ممتلي حزن وهموم=ومسافة احزان الشقا سرمديه
عرفتها قبل العمر يكتمل يوم= وكمّلت مشوار الحياه الشقيه
هنا دفنت الجرح والجرح مقسوم=وهنا تحملها الخوي عن خويه
عاداتنا نرسي على عز ونقوم =مقام طلقين الوجيه الزكيه
يابنت ماني بالمخاليق ملزوم=ما الله خلقنا للردى و الرديه
دون الكرامه نفرق السوم ونسوم=ارواحنا مثل الهبوب العذيه
أغلى ذهوبي يوم انا فيه ملزووم= ماشالته غير الحظوظ الرديه
اليا ذكرته بري حالي وياقوم=ماكني الا فاقدن والديه!!![/poem]

الاحلام الغاليه ..ّّ!!

.
.
[poem= font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يوم الاحلام مرتني مثل ما تمرّ= السحابه اليا من قفاها هبوب!
طاحت عيوني القشراء وجسمي ضمرّ=واتعبتني مع الغربه طواال الدروب!
مير عيني على القمه طريق و ممرّ=يوم عين الردي تسطح على كلّ صوب![/poem]