شـوق الغظـا
السلام عليكم
عيدكم مبارك وكل عام وأنتم بخير متواضعة أتمنى لها القبول: [align=center] ... شوق الغظا ... لبيه يا صوتٍ سمعته على الـــــــتيل.......... ........يا صوت أعز انسان بالكون عـــــــندي أرحب ترى لك في خفوقي مداهـــــيل........... ........والشوق لك بيني وبينه تحـــــــــدي مشتاق لك شوق الغظا للمــــــعاميل.......... .........لا من تولاهن غـــلام ٍ شــــــقردي وأشتاق لك شوق أشقر البن للهـــــيل.......... ..........بين الرجــال اللي كرمهم يــــــعدي وأشتاق لك شوق الشعر للرياجـــــيل........... .........في مجــلس ٍما فيه ورع ٍ يــــــردي يالصاحب اللي تكحل العين بالمـــــيل............ ..........يابو عيون وساع والخــــــــد وردي يابو ثمااااااااااااااان ٍ كنهن اللوالـــــيل........... .........والخشم كنه سلة السيف هنــــــــدي لامن ذكرتك لو انا بآخــر اللـــــيل........... .........أفـــزّ لك وانسى منامي وســــــهدي ولاشفت زولك قمت اجر المـــــواويل........... ............لايابعد عمي وخـالي وجــــــــد ّي ان جيتني جبت الشقى و البــــــهاذ يل........... ............وارتاح لا حطيت يدك بيـــــــــد ي وفي غيبتك شفت العنى والغـــــــرابيل.......... ............ولا عاد أميّـز بين حـــــــر ٍ وبردي ياروح روحي يا بعيد المــــــحاصيل........... ..........يابـعد عمري يا شـقايه وســــــعدي يامن عليك دموع عيـني همــــــاليل........... ..........أرحم عليل ٍ من سببك مــــــــتردي أرحم محب ٍ هايم ٍ فـيك بالحــــــيل............ .........عينه تبي شوفك وقلـــبه يــــــودي وارجوك لاتمزح معي مزح ٍثقـــــيل............. ..........لاينقلب مزحك مع الوقت جــــــــدي واباأسألك يازين وابغى التفاصـــــيل............ ..........أنته معي والا مع الوقت ضــــــــدي [/align] وسلامتكم |
[align=center]محمد المغيره
قصيدة رائعة كتبت بنفس جميل وبساطة محببة .. أجدت وابدعت .. ( واباأسألك يازين وابغى التفاصـــــيل............ ..........أنته معي والا مع الوقت ضــــــــدي ) وقفلة جميلة جداً .. أختصر من خلالها شاعرها الكثير والكثير ليصل إلى المهم ... لك كل التقدير ،،،[/align] . |
محمد المغيره
صح السانك ،، قصيده رائعه ،،، الله يعطيك العافيه ،،، |
محمد المغيره
صح لسانك بلا حدود نص رائع واكثر من رائع الابداع لايستغرب من المبدعين والحقيقة بدون مجاملة تستحق الوقوف عندها والاشادة بها وانا خاصة اللياسمعة لي قصيدة غزلية عفيفة نضيفة مثل ها لشامخة يهزني الشوق للماضي الجميل مع اني مقفل باب الغزل من زمان واللي اقدر اقوله بيض الله وجهك والى الامام تقبل تحياتي |
الله الله
ابدعت يامحمد .. صح لسانك وسلمت ,, |
،
صح الله السانك ولالالا هنت ابيات جميلة يا المغيره تقديري ،، ، |
يا سلام يا محمد
غبت و جبت عزالله :) صح لسانك ودمت |
واباأسألك يازين وابغى التفاصـــــيل............
..........أنته معي والا مع الوقت ضــــــــدي محمد المغيره كل عام وانت بخير وصح لسااانك يالجزل نص رائع بكل ماتعني الكلمه كل التقدير |
.
محمد صح لساااااااااااااااااااااااااااااااااااااااانك وسلمت يمناك . |
عليكم السلام ورحمة الله وبركاته
وياسلام الله على هالعيديه الحلوه صح لسانك يا محمد وكل عام وانت بخير ، .. |
اقتباس:
نايق السليمي لا هنت على المتابعة والتعقيب الجميل لك كل الود تقبل تحيات أخووووووووك محمد |
صح لسانك وافيه وأنت وافي
لاعدمنا هذا الحضور المشرق الله يرعاك |
صح اللسانك
ولاهنت قصيده طيبه ،،، |
اقتباس:
يمينك سالمة وغانمة يا مشعان لك كل التقدير على المتابعة لا عدمتك تحيات أخووووك محمد |
واباأسألك يازين وابغى التفاصـــــيل............
..........أنته معي والا مع الوقت ضــــــــدي لا ان شاء الله انه معك ماهو ضدك لكن على هــ ( التيل ) شكلك من النوع الاول يامحمد ماهو من اهل البلوتوثات صح لساااانك وانا اخوك |
اقتباس:
سعد البراق صح بدنك يالذيب لاهنت على المتابعة والتعقيب الجميل تحياتي لك محمد |
اقتباس:
محمد المغيبي صح بدنك يالقرم ووجهك أبيض لا هنت على المتابعة والتعقيب الجميل بجمال تواجدك الدائم في مرقاب العز لك مني كل الشكر والتقدير وتقبل تحيات أخووووووك محمد |
اقتباس:
مرزوق العتيبي هلا وغلا كل الشكر والتقديرلك على المتابعة والتعقيب لا عدمتك ياولد روق تحيات أخووووك محمد |
لبيه يا صوتٍ سمعته على الـــــــتيل..........
........يا صوت أعز انسان بالكون عـــــــندي أرحب ترى لك في خفوقي مداهـــــيل........... ........والشوق لك بيني وبينه تحـــــــــدي مشتاق لك شوق الغظا للمــــــعاميل.......... .........لا من تولاهن غـــلام ٍ شــــــقردي لبيه يالابداع يالمغيره صح لسانك ولاهنت تحياتي ومتابعتي |
اقتباس:
بدر العجمي صح بدنك يالقرم ولا تهون على المتابعة والتعقيب الرائع بروعة حضورك الدائم في مرقاب العز تقبل تحية أخووووك محمد |
يا سلام يا سلام يا محمد
صح لسانك صح لسانك ولاهنت محبتي ومتابعتي ياغالي اخوك |
اقتباس:
ناصر مناحي لاهنت على المتابعةوالتعقيب الجميل صح بدنك يالذيب تقبل تحيات أخووووووووك محمد |
| جميع الأوقات بتوقيت GMT +3. الساعة الآن 01:54 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية