سالــم العايــض !!
خاطره متواضعه بعد تشرفي بلقاء الأستاذ / سالم بن سعيد العايض النائب الأعلى لرئيس شركة أرامكو السعوديه وعضو مجلس إدارتها العليا ...... ونيلي شرف الإشاده من جنابه الكريم !
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] هات ياراسي وجزل القاف لا تذخر جداده = والمقيـّد من بْكار أفكار فكري فك قيده هاجسي ماحرّكه سرجوف ريم وعنق غاده = حرّكه طاري بعيد الشوح عسّاف العنيده سالم العايض عسى ربّي يحقق له مـراده = وياعسى أيامه على الطاعات والعليا مديده أن سمعت إسمه تذكـّرت الإداره والإراده = وأن بدت لي صورته شفت الطموحات البعيده ماشرى قصر المراجل بس سيـّس له وشاده = وأشهد إن طيب البنا من طيب كف اللي يشيده كل قمّه غايته والصبر والهمّه جياده = وأعتلى القمّه أبو فيصل وحقق مايريــده أجتهد والمجتهد يلقى نصيب من إجتهاده = والدليل أمر الملك قايد حكومتنا الرشيده ويش أعدّد من مزايا راس قوم وسيد ساده = كل ميزه لو بأفنــّدها ما يكفيها قصيده والصراحه وأنت عارف صامل الهرج ووكاده = جابني طيبك يبو فيصل عسى أيامك سعيده والله إن قدرك بصدري كل يومٍ في زياده = ووالله إنــّك في عيوني عن ثلاث إمية بديده منت في حاجة لقب صاحب معالي أو سعاده = أنت ربي قد وهبك أسمى السجيّات الحميده الجناب السمح والترحيب وعلوم الرياده = والتواضع والرضا والحزم في وقت الشديده كل كلمه قلتها لي يوم قابلتك شهـاده = وكل نظرة عين منك أقرى بها جمله مفيده والإشاده منك تكفيني وهيّ أغلى إشاده = أعتبرها راس مالي لاحسب كلٍ رصيده ومكسبي في اللي خذيت من الدروس المستفاده = من تجاربك ونجاحاتك ونظرتك السديده آتعلّم منك كيف آجابه الوقت وعناده = وكيف أخلّي لي مع القمّه علاقاتٍ وطيده وآتعلم منك وش معنى الرياده والقياده = وأكتشفت إن العصامي كل كايد مايكيده وإن حبك للوطن قادك لتطوير إقتصاده = وإنـّك الرجل المثالي في القديمه والجديده وإنــّك اللي وقفتك وقفه على مذهب وعاده = وإنــّك الصامل ليا دقت حديده في حديده المهم وزبدة الموضوع والهرج ومفاده = والله إن شوفتــْك عيد وياعسى ربّي يعيده ![/poem] |
وااحـد
|
ياسلاااام ياسلاااام
ناصرالاحمري صح لسانك . |
صح اللسانك يالاحمري ، وتستاهل الإشاده والثناء
وكل علمٍ زين .. ويستاهل سالم العايض القصيد الطيب ، دامه راع السجايا الحميده ولاهنت على الجزاله الغير مستغربه منك :) تحيتي واعجابي ،،، |
صح لسانك ياناصر
وانت تستاهل الاشاده وسالم يستاهل المدح دمت بخير ., تقبل مروري تحياتي ., ..... |
(( الخامس ))
|
اصبروا
6 :) |
اقتباس:
الله الله الله سالم العايض رجل يشهد له الجميع بكل ماورد من سجاياه الحميده اعلاه ويستاهل المدح ابو فيصل وانت البحر والابداع ليس غريب عليك يا ابو يحيى صح لسانك مليون حضور للسلام وتجديد الاعجاب الله يحفظك ويوفقك اخوك |
آتعلّم منـك كيـف آجابـه الوقـت وعنـاده
وكيف أخلّي لي مع القمّـه علاقـاتٍ وطيـده وآتعلم منـك وش معنـى الريـاده والقيـاده وأكتشفت إن العصامـي كـل كايـد مايكيـده الله الله الله الله الله لا يضرك يا مسلم .. والشهاده لله ! اخووك |
الله الله الله
يستاهل المدح الأستاذ / سالم العايض .. وانت تستاهل كل خير يابو يحي.. شاعر تغرف من بحر الله لايضرك .. صح لسااانك وسلمت |
.
ناصر الطيب يستاهل المدح صح لسانك مدد وسلمت . |
صح لسانك يالزميل
الحاضر الغايب تقبل تحياتي العطره |
صح اللسانك يالاحمري ، وتستاهل الإشاده والثناء
وكل علمٍ زين .. ويستاهل سالم العايض القصيد الطيب ، دامه راع السجايا الحميده ولاهنت على الجزاله الغير مستغربه منك |
وانت رقم واحد ياعبدالله ...لاهنت وصح بدنك وبارك الله فيك
|
سالم العايض عسى ربّي يحقـق لـه مـراده
وياعسى أيامه على الطاعات والعليـا مديـده أن سمعـت إسمـه تذكّـرت الإداره والإراده وأن بدت لي صورته شفت الطموحات البعيده ماشرى قصر المراجل بس سيّس له وشـاده وأشهد إن طيب البنا من طيب كف اللي يشيده والله ونعمين يا ناصر فيك وفيه رجل بالذكر يستاهل كل خير صح لسانك ولاهنت يا خطير تحياتي |
الله الله الله الله
ناصر ما اقول غير صح لسانك وسلمت ودمت بخير . لك مودتي |
اقتباس:
تعرف رائي مسبقا يابويحيى وعلى العز اليوم وكل يوووم |
الله الله
شاعر وشعر وابدااااع لاحدووود له ناصر الاحمري اعجاااااابي وتقديري الله يستر عليك اخوووك |
| جميع الأوقات بتوقيت GMT +3. الساعة الآن 11:04 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية