خالك حبيب يبن رشيد
 

يا بن رشيد انت داري عن خبر راع السفينه
اللي يبا ياصل بروناي لكن ما وصلها



خالك حبيب جلب نخل الحسا يم المدينه
قله ترى ما يعيش بها نخل ماهو نخلها

:075: <----- رايح يم المدينة يبا يشوف وش نوع نخل الحسا :( :)

بدعة مدكترة يادكتورنا الجليل لله درك

ونقول وينك يابناخي حبيّب وابن عم رشيد وشبيب .. الله الله


تقديري الجمّ ؛؛؛

اررررحب يبو فهد ارررحب

هههههه

بدع ومبدا كايف ياسعادة الدكتور



بانتظار ابن رشيد

اررحب يا ضيف الله اررحب مليون

الله الله

ماقول لك غيرمن غاص البحر ربي يعينه 000 واهل بروناي ماندري عن اديانات اهلها


خــالي حبيب تعرفه مايجيب الا الثمينه 0000 لكن كـلمتك هـذي طـيعني دور بدلها

وش همني فاهلها كل وله شرعه ودينه
الناس ربي يحاسبها على نية عملها




اللي تقوله عن الرجال حنا خابرينه
والطيب ليا لقى العوجا على دربه عدلها

الله الله

طيب سمعت الخبر من حرب والا من جهينه 0000 وانكان باقي علوم ٍ ثانيه فالصدر قلها

الذيب لو حد نابه ماتغـاضت عنـك عـينه 0000 وانته عيونك مفتحها وقلبك قلب بلها

الله الله

العلم كل الاذاعات الكبيره ناشرينه
وانته تبا تزيحها بيديك عن غارب جملها




الذيب نار المشوك حلها بيني وبينه
وابن رشيد ان لقاها طيبه فا الدرب اكلها

الله الله

منته بعم ال جميل ولا ولد عم ال بثينـه 00000 شاعر وبعض المشاكل لو تجي ماتحتملها

الذيب لن جاك مايفلت جنوبك من يدينه 00000 الا الزلامي رشيد اليا نقـض حجه فتلها

يا جعل تنزل بك الرحمه وتغشاك السكينه
لا نوخت ساعة الميقاف وخر ونعقلها




حجة محمد ضعيفه ما قضت له ربع دينه
والا المغاتير حنتها على هدرة فحلها

الله الله

من طيبكم كل ماقف يالعصيمي محتمينه 00000 لكن قمة جبل ورقان ماتقدر تصلها

جدران قصر المربع نصفها لبنه وطينه 00000 والا الخليه نحلها محتمي حالي عسلها

الله الله

من كثركم لو تخمون البحر عود طحينه
لكن كم بندق ثارت بكف اللي نقلها



جدران قصر المربع يا ابيض الشارب متينه
والاالخليه عسلها يا محمد من نحلها

الله الله

راع الذهب يالعصيمي لا يدسه فالخزينه 00000 واهل الهلل ماقبناها ولا نبغى هللها

ماياخذ ابن ادم الا ماكتب له في جبينه 000000 والنفس تبني على مستقبل الاحلام املها

الدكتور بيض الله وجهك على هالطاروق الرائع

سلمت

الله الله الله

حمد العصيمي ومحمد بن رشيد لله دركم لله دركم

طاروق كايف

كبااااااااار عالثنين ولعبهم يطرب

شععر معنى ماافيها كلام

اما في صف ابن رشيد الى الابد

طلال السيحاااني

هلا وغلا لنا الشرف بمرورك

لاهنت

أي والله...طاروووق عجيب



متااااابع عن كثب



اخوكم

ابو تركي وابو رشيد

لله دررررررركم

وبيض الله وجيهكم

طاروق عمااالقه

هنا الواحد يطعم المحاوره الحقيقيه ..