بنت نواف ...ودخيلك يالحصيّن
 

هذي مواهبيه وسببها ان نواف نايف خطبت بنته غرام الي عمرها سنتين وعيا يجوزني وهي الله يحفظها وتربى في عزه..( وجه معصب)
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
ياهل المرقاب شوفو من غرامي = درتن في حبها ذقت الهيامي
درتن من حبها حبيت ابوها= لو ابوها لاصلاه ولاصيامي
لو اوصف زينها ولا دلعها = ينتهي موروثنا ماوفى غرامي
واهني الي توفق فالخطوبه = من بعدها لو صبر عشرين عامي
مير ابوها ماعطاني اي فرصه= ماحترمني يوم جيته باحترامي
شايبن مايعرف احكام المحبه=يحسب ان الحب فالدنيا حرامي
ليته يجرب عذاب العاشقينا = كان ماياقف بسيفه والحزامي
علمو ياربعنا نواف نايف = يترك العشاق في برد وسلامي
مير انا في وجه خالد بعد ربي = يالحصّين عودنا سل الحسامي[/poem]

ماشاء الله عليك انت وابوها والحصيّن معكم


بكرت الفيتووووو اسمع


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
انت يا عفاس خالفت النظامي=والمخالف ما تعداه الملامي

من سمح لك تجهر الصوت وتغني=وتكتب من الشعر في بدر التمامي

الغزل ممنوع عن بنت النشامى=غيّر المرمى ودوّر لك مرامي

بنتنا ماهيب سلعه للدعايه=يا ولد حرباش هل توحي كلامي ؟

دونها ثني الركب والخط الأحمر=والبنادق والفشق ملي الحزامي

أن حجرناها تراها مع جنابك=ما ربطها لا خوال ولاعمامي

وابك هاذي حرمة لأصغر عيالي=كاتبين الصك من قبل الفطامي

والزفاف المرتقب لا قاله الله=محترينه لو بعد عشرين عامي

يوم تفزع بالحصيّن وش علينا=الحرامي يمرق ويسرق حرامي

ليت أبوها ما يخمّه علم ثاني=الطمع مضفي على خشمه عرامي

وأن عطاكيها علشان الدراهم=ما له إلا الفرد وجعله للرحامي

مير هوّن مالك ومال النشايب=وأقبل مع الشكر ودّي واحترامي[/poem]



:)


وصح لسانك يا عفاس مدد

مجاراه من اعجاب والا لو يسوق مهرها ابوها ما قبلناها

:)



...

.
.



الله الله الله الله الله



:)



صح الله السااااااااااااانك ملاييييييييييييين يا عفاس .. !



وبأنتظار رد ّ نواف .. !






.

طبعا ماراح ارد بعد أن رد الدكتور teeth:


الله لايخليني منك ياسداح teeth:


ابن حرباش خل الحصيّن ينفعك teeth:



وصح لسانك صح لسانك صح لسانك


وفعلا صدق من قال اعذب الشعر أكذبه


وراح اذكرك انت وسداح بالبيوت اللي تجريتوا علي فيها

بس في قسم الفنون بإذن الله teeth:




صورة لمحمد مشوط لاتخاذ اللازم لو بالدبساء teeth:

ههههههههههه


انا ولدك يابوووي :(

اسمع اسمع يا عفاس :-



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انت يا عفاس بن حرباش .. ضامي = ولا هو بقاطع ضماك .. الا كلامي
اخذ من عظمة لساني شي .. كنّه = نوض برقٍ يكشف استار الظلامي
وش تبا باللي تغاغي عند ابوها = ما تعرف الا .. يا بابي .. وين مامي؟
ورعةٍ .. والله واعلم وش حلاها = وعادها للحين .. في سن الفطامي
واكثر العتبان .. ياربي دخيلك = ما وراهم لا شراب ولا طعامي
عان مندوب الغنانيم المخضرم = يتبجّح .. مثل صاهود بن لامي
اعلن الثوره .. ونادا بالتمرّد = وشب نار الحرب .. من ريش النعامي
مير لا تهتم يا عفاس .. كلش = اصل انا لا قمت .. عزالله مقامي
هات معروضك واخذ مني عوضها = واترك الباقي علي .. واقبل سلامي![/poem]

صح الله السنتكم ياعفاس وياسداح وياخالد


عزالله انها كايفه


تحياتي

الله الله

اسمع يانواف


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عقب شفنا صورته هذا الغلامي = بيّن انه مابلغ سن الحلامي
تلحقون الشرهه لواحد صغيّر = لحقوها واحدن كبر الزلامي
شفت شكله بالعمر حول البنيّه= بس وزنه زايدن عنها جرامي
كان يانواف جوزته مواجر = مع بنيتك الصغيره جا غلامي
الله يعينك مصاريف وبلاوي = ماتذوق النوم والعالم نيامي
وانت رجلن ماتداني لو تداني = خابر انك رجل في وضعك نظامي
مع وراعك جاك ورعن ماتعرفه = شكله صغير ولونه لون شامي
الحقيقه وقتنا هذا يروّع = المصايب كثر حنــّان التهامي
وانت يانواف جعل الله يعينك =رب ورعانك وداوم فالدوامي[/poem]

هههههههههههههههههههههههههههههههههههههههههههههههههه ههههههههههههههههههههههه


ياوالله اللي صار متصفح شعر من كل صوب يرياجيل ارفقو علانا

صح السنتكم يا شعار جميع

عفاس وسداح وخالد وبعيد المراميس

ما اقول الا والله انكم ابدعتم جميع

ويا عفاس عزالله انك اثرت قريحة الشعار بهالقاف


نواف نايف :m37:

هههههههههههههههههههههههههههههههههه



عفاس وسداح وخالد وبعيد المراميس ابدعتو ابدعتوووووو


سلامي عليكم..

:075:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قاف خالد مثل براق الغمامي=والهجوس تروس والبراق شامي
يحسبنه لافزع يترك بكيفه=لو هدر شقران مردوم السنامي
عندك الماخوذ لا تبحث كنينه=والله انه شي من حر قطامي
مير مالي فيه والمولى يديمه=نعمة من عند خلاق الغمامي
وانت تعرف من يغني كان غنى=يعطبك سداح والمنساب حامي
مير اخاف تطول ياخالد وتبلى=مشكله لن طحت في كبار الاسامي
ارجهني يالنجوم الي تضوي=مزح ناس كرام مع ناس كرامي[/poem]


صحت السنتكم من جديد كلبوكم كلبوكم كلبوكم

ههههههههههههههههههههههه

يا ربي سترك

5 قصايد علشان هالفروع الله يرعاها ويصلحها

من جديد ..

عفاس / خالد / بعيد / نواف

صحت السنتكم اي والله ،


...

اذا تبي تسمع شوري يا نواف
زوجها مدباس وفك عمرك وان جاك احد يتشره ادبسه انت ونسيبك
:)
صح لسانكم جميع
ابدعتوا لموضوع ممتع

صح اللسانك ياعفااس
ومن باب المشاركه والمجاراه
:)

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماعتلمتك يا مقدية الجهامي=غير بالميقاف الأبيض بالتمامي
تصبح الدنيا وتمسي بك كذيّا=مير جاءها من بهاذيلٍ طوامي
والله إنّي لاعترض لك بالمشوّك=تارد الذيدان وتصدّر حيامي
خلّ عنك إمزوح يمكن والا يمكن=تتوطاك المنيّه بإ قتحامي
وكان أبو غيث الملقب فازع لك=زانت الاحوال واشتلت الحزامي
سجلوها في تواريخٍ مجيده=بالقلم والا بريشات الحمامي
طاح في سوء المراد اللى نوا به=يوم غناها بصوتٍ مستهامي
كم طريحٍ من مضاريبٍ قواطع=تفصل الأرواح وتقص العظامي
وإن سلم منها وشوّف للمهوله=ما سلم من حر نفاض الحمامي
والختام اسلام وارفع لي يدينك=قدم اقرط في خشيمك يالغلامي[/poem]
teeth:

الله الله الله

الله يخلي غرام لابوها ويصلحها ..

واظن المتصفح هذا بيخلده التاريخ

صحت السنتكم جميعاً .. من عفاس الين ابن مشوط

وسلامي عليكم

:( :)


تقديري الجمّ ؛؛؛

ياهلا بالدكتور

وليت مجاراتك سدت الربع الي تحيزموا كلهم

لاهنت ياسداح ومجاراتك لبويتاتي شرف لي
وصح لسانك

الله الله
وداوم في الدوامي
صح لسانك ياعفاس وصح لسانك ياسداح وصح لسانك ياخالد وصح لسانك يانواف وصح لسانك يابن مشوط
وانا من زود اللقافه عندي بغيت اسوقها معكم ها هم استخرت :)


سلامي عليكم :)

ماشاء الله تبارك الله ,
الله يحفظ غرام , ويجعلها من حفظة كتابه الكريم .. ويكتب لها الزوج الصالح غصب عن ابوها :)

عفاس , سداح , خالد الحصيّن , بعيد المراميس , نواف نايف , محمد مشوط ..
لاهنتوا وصحت السنتكم ., مدد


سلامي عليكمـ .,

بيض الله وجيهكم


ابن حرباش ابدعت وهيضت الشعراء المبدعين

سلمتوا ولاهنتوا



والله يحفظ غرام لأبوها :)












..

طلال السيحاني

صح بدنك

وياهلا ويامرحبا