هذا الطريق ان كان عزمت الرحيل
[poem=font="Simplified Arabic,6,black,bold,normal" bkcolor="transparent" bkimage="backgrounds/2.gif" border="none,4,gray" type=2 line=0 align=center use=ex num="0,black"]
مافي حياتي شىٍ اسمه مستحيل = وفيني شغف ممشى الدروب الموعره ماكلّت اقدامي من الدرب الطويل= مادام بالدرب المعزه موفره اتعب لرزقي سعْي لو طاب المقيل= وان طاب فالي انطحه ما انطره ونفسي ترفّع دوم عن قالٍ وقيل= ومن عادتي لا شفت عذروب استره ولاني بنمامٍ وذمامٍ يعيل= وعلى خصال الطيب نفسي مجبره يوم الردي يجمع خزاياه بشليل= خذيت انا من منقع الطيب اكثره افرح لاشفت البسمه بوجه العليل= واضيق من عيشة يتيم بمحقره وخوفي من الزلات في حق الاصيل= خوف البخيل ان جاه طاري مقبره ولومقصدي دونه تهاويلٍ وويل= قدت العزايم غصب ولزوم اعبره احب اوصِّل علمٍ بحكيٍ قليل= ومالى لزوم بعلم زايد ثرثره ولي قلب ما يجزع من الحمل الثقيل= يسند على متونٍ تِعَشْق المقدره اعشق كريمٍ كثرما اكره بخيل= وعشقي ليامني زرعت القى اثمره واحب اصاحب كل رجالٍ نبيل= تسعد بشوفه باليال المعسره زندٍ وظهرٍ لك لجا بالحال ميل= لاجا الزمان الشين يحمل خنجره وعشقي أشوف الارض من فوق المخيل= وعندي طموحٍ ما يجي بالحنجره يجي بفعلٍ يكسر السيف الصقيل = ولاّ بخنجر فج للصعب انحره والمشكله لاصار ما بالصبر حيل= ولاهو بطيبٍ منك غصبٍ تصبره ودك تصون العشره وترعى الخليل= وداله ولا يدري قريب ابتخسره مدري تغلي او غرورٍ اوهبيل= مايدري المتكبر اني بهجره ولاتعمد للجفا يشعل فتيل= واثري مضيِّع كن فالعين اغبره بسمه رسمتك في ثغر ليلٍ مليل = و قبلي عيونك فالسهاد امبعثره ومني عرفت تزرع الصحرا نخيل = وصارت دروبك مخضرات معطّره ومني عرفت شلون طعم السلسبيل= ومنى عرفت شلون حزنك تحقره مهدت فى دروب المتاعب له سبيل= ووسط المتاعب صار يمشي بختره هذا الطريق ان كان عزمت الرحيل= وان جاك مني قاصر ارجو المعذره لاكن تذكّر قبل عن عيني تحيل= تتعب على مثلي وماقلت اذكره هذا زماني منت لاقيلك بديل= كنِّه زمن عنتر ماغيره عنتره[/poem] [align=center]بدر ناصر بداح العتيبي[/align] |
كفو يابدر
صح لسانك ملاييين جزاله وثقه بالنفس قدها وتستاهل كل طيب دمت بود اخوك جابر |
2
ياذيبان |
الله الله
صح لسانك ملايين ودمت بخير |
بدر المورقي
صح لسانك و عاش جَنانك و سلم بنانك أبدعت و أمتعت :) أخوك/محمـــد ال عبـــدان |
اقتباس:
الله الله يابو ناصر صح لسانك جزل جزل ومبدع فائق احترامي |
وخوفي من الزلات في حـق الاصيـل
خوف البخيل ان جـاه طـاري مقبـره ------------- بدر المورقي : قصيدة جميلة كلها لكن بيت البخيل هذا لحال...... تحياتي وتقديري |
بدر
صح السانك ابدعت دمت بخير |
جابر الثبيتي
ماعليك زود يالقرم والطيب والخير بوجهك يالغالي الله لايخليني من مرورك الكريم واطرائك العذب وصحت ابدانك دمت بود بدر العتيبي |
كفو كفو يابو ناصر
سلمت .. وصح السانك يالغالي اخووك |
احـب اوصِّـل علـمٍ بحكـيٍ قلـيـل
ومالـى لـزوم بعلـم زايـد ثـرثـره ولي قلب ما يجزع من الحمـل الثقيـل يسند علـى متـونٍ تِعَشْـق المقـدره اعشـق كريـمٍ كثرمـا اكـره بخيـل وعشقي ليامني زرعـت القـى اثمـره كفو كفو كفو يابدر انت غير وحضورك غير وقصيدك غير صح لسااانك مدد يابيض الوجه تقبلم مودة اخووووك |
مافي حياتـي شـىٍ اسمـه مستحيـل
وفيني شغف ممشى الدروب الموعـره الله الله الله مطلع في قمة الابداع والروعه بدر الشهادة فيك مجروحه يابن العم لكن عزاي اني نابعه من القلب صح لسانك ملاييييييييييييييييييين تحياتي وتقديري |
.
ابو ناصر صح لسانك مدد مدد مدد وسلمت على هالرائعه دمت بود . |
غانم الذيابي
مرورك يشرفني يالغالي وكل الشكر على المتابعه تقبل تحياتي بدر العتيبي |
كفو كفو يا بدر
صح لسانك صح لسانك ولاهنت ياغالي محبتي ومتابعتي واحترامي اخوك |
عيوف
صح بدنك وشرفني مرورك تحياتي بدر العتيبي |
هذه خصـااال الرجال الاوفياء
بدر ناصر المورقي صح لسانك . |
محمد آل عبدان
صح بدنك وشرفني مرورك لاعدمتك تحياتي بدر العتيبي |
الغالي بدر المورقي
صح لسانك مدد جزلة وكايفة وعذبة تقبل مروري واعجابي |
بدر المورقي ,
الله يحمينا من الزلات باشكالها , وصح لسانك مدد , يابوناصر وسلامي عليكـ ., |
محمد آل عبدان
صح الله بدنك وشرفني مرورك يالغالي دمت بود بدر العتيبي |
مضحي السميري
حي هالشوفه نور المتصفح ياذيبان كل الشكر على المرور الكريم تحياتي بدر العتيبي |
| جميع الأوقات بتوقيت GMT +3. الساعة الآن 08:57 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية